السلام عليكم
الله يعطيكم العافيه يا افضل منتدى
حبيت استفسر عن السفر الى التشيك احتمال اروح لها بعد رمضان و هذي اول مره اروح اوروبا عموما و حابه اخذ لي جوله بالتشيك و الدول اللي حوالينها
الى الان ما حجزت بس قاعده اجمع معلومات و اخطط و الله يكتبها و ييسرها ان شالله
و طبعا اهم شي لنا يا الحريم السووق
مبدئيا بنكون 5 اشخاص 3 شباب اخواني الله يحفظهم و الوالده ربي يطول بعمرها و محدثتكم
شاكره لكم مقدما

و عليكم السلام

سعيدين بتواجدك بيننا

اتوقع ما جهزتوا مخطط للرحلة الى الآن

سأقوم بنقل الاستفسار الى البوابة السياحية لتحديد الوجهة

و اذا قررتوا ابشري بكل المعلومات اللي تحتاجونها

وعليكم السلام ورحمة الله وبركاته

ياليت تحددين وش ناوين عليه ووش الأوضاع وكم تبون تجلسون هناك وايش اهتمامكم حتى يقدروا الخبراء يفيدوك

مرحبا اختي بمنتدى العرب المسافرون

والله يحفظ الوالدة والاخوان

تقدرون تروحون التشيك والمانيا .. أو التشيك والنمسا

كله يتحدد بالوقت اللي ناوين تجلسونه مثل ما تفضل مشرفنا

مشكورين على ردودكم ان شاء الله السفره راح تكون بعد رمضان باسبوع و احنا تقريبا ٥ و اهتماماتنا بين تسوق و طبيعة

اري ان يتم تحديد دوله فقط مثلا المانيا

والوقت يبيلكم تحجزون من الحين لأن الاسعار للطيران مرتفعه

ممكن المانيا والنمسا ايضا مع استئجار سياره

يابنت بلادي اولاا حياج بالمنتدى
شوفي قرري على السفرة وحجزوا من الحين لان الاسعار مرتفعه
اما الاماكن ياريت تشوفين التقارير للاعضاء صدقيني بتستفيدين
وان شاءالله بعد الاخوان هني بيساعدونج في كل ما تستفسرين عنه
تحياتي ام حسين

مشكورين ماقصرتوا
اللي فهمته ان المانيا اهي الاقرب و الاسهل وصول للتشيك
بشوف تقارير الاعضاء عن المانيا و الله يسهل

اري تحجزي مبكرا الان لالمانيا وصول واذا تحبي التشيك تخلين عوده منها اذا الخطوط الكويتيه لها رحلات هناك او اي خطوط مناسبه للسعر
وبعدين تقسمين الايام

واستخيري ربك قبل الحجز

كل المدن السياحيه المشهوره بها مراكز تسوق ستناسبكم
ركزوا على المدن المشهوره سياحيا في الدول التي ستزورونها وبإذن الله تستمتعون

رحلة سعيده