السلام عليكم

في مشكلة حصلت لي بس مش عارفة وين اخلي هالاستفسار .. تم الحجز في فندق ب اسطنبول

والحجز الغاءه مجاني طبعاً بعد يوم من الحجز سحبوا المبلغ من الفيزا وبنفس اليوم انا الغيته توقعت انه المبلغ بس عمل له بلوك طلع ان العملية مفوضة

يعني المبلغ سحبه الفندق والمشكلة انو بشروط الحجز مافي خصم ع الالغاء او عند الحجز كعادة فنادق بوكنق

الحين كلمت البنك قال لي سوي كشف حساب للعملية وارسليها لنا ع الايميل لمدة 24ساعة او اكثر بقليل يتم الرد

في احد حصل له مثل هالموقف يبلغنا شلون نتصرف .... ومتى بيرجعها البنك اوالفندق للحساب

مع التنبيه ان الحجز مجاااااااااااااااااني وسياسة الالغاء ولا يورو ينخصم

عليج مخاطبة بوكنج عبر الرقم المجاني 8008110146
راح يردون عليج موظفين عرب ومتعونين جدا
خبريهم بالموضوع وهم بيتواصلون مع الفندق وباذن الله حقج ما بيضيع

وعليكم السلام
مثل ما قال لك الاخ العقرب

وهذا موضوع فيه نفس مشكلتك اطلعي عليه

http://www.arabtrvl.com/vb/t4075.html

يعطيكم العافية

صراحة مايٌعيب فنادق تركيا اللقافة بلفيزا شيء فظيع عندهم عكس شرق اسيا ... يتعاملون معك عند الووصول .

العقرب .. تم التواصل مع ادارة بوكنج وكلم الفندق وقال بكرة بيشوف السالفة لان قسم الحسابات متقفل وان شااءلله خير

زهرة نيسان .. صاحبة المشكلة كما تفضلتي تختلف معي تماماً لاني اعي معنى تعليق المبلغ من خصمه والمبلغ اصبح في حساب المتجر

وانا لاغية الفندق والسياسة اللي كاتبينها راح يخصمون اول ليلة قبل الوصول بيوم والخصم صار فوري ... وان شاءالله تنحل السالفة من عند بوكنج

لان البنك سالفتهم طويلة ..

بلغلط

مدام

بقول لك على سر

بس بليز خلينا بيني وبينك



يعني لا يشوف ردي هذا ناس واجد بعدين تنكشف الخطة



في كل مرة

تسوي حجز لأي فندق من فنادق العالم

ولما تجي لجزء تعبئة بيانات البطاقة الإئتمانية



إكتبي

الرقم كامل صحيح

ولكن

ولكن

تاريخ الإنتهاء حطيه أي رقم

وكذلك الرقم اللي خلف البطاقة




طبعا

بوكينق راح يعطيك فورا تاكيد للحجز





المطلوب منك مراقبة الإيميل

لو الفندق تلقف وحاول يسحب المبلغ

أو حتى يسوي عليه هولد

ما راح يقدر

لإن باقي البيانات غير موجودة

فراح يخاطب بوكينق

اللي بدوره يقوم بإرسال إيميل لك

ويعطيك مهلة 24 ساعة لتعديل الحجز



خلال هذه الفترة

يكون الواحد راجع أموره

فضلا عن إمكانية الحصول على 24 ساعة أخرى

بنفس الطريقة

غيري التواريخ لتواريخ أخرى غير صحيحة بنفس رقم البطاقة الإئتمانية






وفيه شغلة ثانية بس ما راح أقولها

ما تصلح






سلام

استاذ ماجد طريقتي ماهي بعيدة عن طريقتك

قلت خليني احجز والفيزا فاضية البنك الملقوف ارسل انو في مشكلة بلبطاقة

ورجعت شحنت مبلغ لاول ليلة قلت ممكن يسوون بلوك وبعدها سحبوا

الان ادارة بوكنق كلمت الفندق وطلب الانتظار وتدقيق الحسابات ونشوف من الان الى اسبوعين

لو ماحصل شيء بلغتكم لطلب المساعدة

شكراً لكم

للتنبية ...

تم التواصل اولاً مع البنك الراجحي والتعامل كان جدًا غير مرضي بلبداية طلبوا مني ارسال خطاب مع صورة
كشف حساب ع الايميل بعد الايميل طلبوا مني رسالة سرية عن طريق موقع المباشر وكل بين هالطلبات ثلاث الى اربع ايام

ع العكس

تم التواصل مع بوكينق من اول دقيقة تم التواصل مع الفندق اللي سحب المبلغ وبعد يومين تدقيق بلحسابات
تم تقديم الاعتذار

وبعد اسبوع عمل تم استرجاع المبلغ مع خصم القليل منه ربٌما سعر الصرف او رسوم بنكية الله اعلم


( يٌغلق ) ...

صباح النور


شكرا ع المعلومة ،



والأهم زي ما قلت لك ، إستفيدي مستقبلا من النقطة أعلاه

وخليك منتبهة على البوكينق

لإنه راح يرسلون لك في حال صار مشكلة على البطاقة

وخلال 24 ساعة يجب عليك تحديث بيانات البطاقة

فتقومي وتغيري التواريخ بأخرى غير صحيحة

وهكذا

لين تستقري على الفندق




والحمد لله أن دراهمك رجعت

الفرق طبيعي جدا

فرق رسوم وهيك

عادي





حياك ربي

الله يحيييك ي اخوي ...

يعطيك العافية