ركبنا التاكسي

عطيناه عنوان ما نبي ومشى فينا في شوراع ليفربول

شوارعها هادية نفسها










مادري حق شنو كأنه مكان يتأجر
لحفلات او شي



























البرد شمسوي بالشجر


















لاحظتواا في بعض الضباب بالصور....هذا من شباك السيارة لأن بره الجوو بارد







ووووصلنااااا

عرفتووو وين ؟؟







هاااا ماعرفتوو للحين ؟؟






شوفو الضباب على دريشة السيارة







وصلنا هني علشان المبارة
بين مانشستر سيتي وايفرتون

اسكارفاتنا للناديين








كنت اتمنى فريق ليفربول احبهم من ايام الطفولة هههههه ايام ماكانو ايبون بطولات






سعر التاكسي بالعداد مادري جم نسيت





الحين قال بوحسين بنشوف التذاكر اذا ما حصلنا بنرجع نتمشى بسنتر ليفربول
ومولاتهم

رحنا نشتري تذاكر






نصب تذكاري للاعب قديم





وهذا الجدار بأسماء اللاعبين اللي مروا على الفريق






أكشاك مطاعم وتذكارات وموسيقى ومسابقات بينهم

كله ما همني ....اللي همني اشلون اتدفى بهالبرررررررررررد




قلت اشتري منها بعدين بعد ما نقص التذاكر






شوفو الغيم واللي تحته السيارة اللي تذيع الموسيقى والاحتفالات





وهني في طريقنا لشباك التذاكر








طبعااااااا ما حصلنا تذاااااكر
من صجنا رايحين بنفس اليوم ونبي نحصل تذاكر مستحيل

وهذه البوابة الرئيسية








تجمع لهم الظاهر بانتظار الباصات للفرق











قعدنا نسأل عن التذاكر من الأشخاص





ماكوووو ابدااا مافي
انا استانست علشان اروح اتمشى بليفربول
ونبي نروح مكان دافي يخشنا عن البرد
بس بوحسين يقول لا انطرووو الحين نحصل




شوفو خدود الريال خشمي جذيه صار
ورجعنا عند السيارات والبنات راحوو شروا لهم دسوس (( قفازات ))
وشرت غنيمة السكارف لفريق ايفرتون علشان وردي ولا همها الفريق المهم تتدفى

للحين ما حصلنا تذاكر












قعدنا عند سيارت الأكشاك نبي نتدفى

وشزووا البنات فيش اند شيبس وكلووه انا ما شريت
ما قدرت اكل شي .....استمرضت





كابتشينو للتدفئة





ههههههه
تلثمت بسكارفي بس ماكو فايدة....










طلعنا قلنا خلاص بناخذ تاكسي ونروح للسنتر

الأخ رز وجهه بالصورة





واحنا ماشين وبعد اليأس والا واحد نسمعه يقول منو يبي تيكت ؟؟
قالت له بنتي احنا نبي
ونادينا بوحسين اللي للحين يسأل الناس
وقالوا له احنا نبي خمسة
وياخذهم عند المطعم ويتفقون معاه وقال لهم ترجعون تذاكرنا عند الرجل هني في المطعم

تذاكرهم يشترونها لكل الموسم ويبيعونها للناس كانت الوحدة تقريبا 80 ويمكن سوالهم خصم بس مو وايد
ولانك مظطر فعادي ما يرخص وايد

بس شنو بعد كان في ثلاثة مع بعض او نقول قريب من بعض
وواحد بمكان والخامس بمكان بس قريبين


راح بوحسين ودانه ورا شخص ودخلهم من البوابة الامام

واحنا رحنا وورا واحد وكان يمشي جدامنا وعن الشبهة وقف واشر لنا على البوابات بنتي بوابة قبلنا وانا وغنومة بوابة ثانية

وهذا احنا ورا واحد




مشانا وااايد والله اني تعبت واايد ومع البرررررد اوووه تكسسرنا

بوابتنا خلفية





يعطينا التذاكر




ودخلنا البوابة أخيراا ونصعد درررررررررررررج شايفين شطول الكلمة هههه الدرج كان طويل

بس الحمدلله المهم المكان دافي

بس لما صعدنا للمدرج رد لنا البرد.....وهذا مكانا






واخيراا قعدنا قلت بعدين نروح نشتري لنا شي نشربه

وانتبهوا للتذاكر ممكن تكون نفس الارقام بس الأحرف غير
مرتين قومونا
هههههههه ولا بنتي فرفر جت عندنا وقعدت تقول رقمي معاكم ليش دخلوني بوابة ثانية ههههه
طلع لا مكانها بالمجموعة الثانية وراحت وظلينا انا وغنومة بروحنا

واحنا كنا من اوائل الناس اللي دخلووا المدرجات
والا بوحسين يدق علينا تلفون يقول انا اشوفكم وانا بالمدرج اللي قبالكم
ودانة في جهة اليسار واما فرفر كانت يمها جدة الولد اللي باعنا التذاكر هههههه











دخول اللاعبين للتسخين

لاعبين ايفرتون






ولاعبين سيتي







شوفو الجووو والله برررد ابي احسسكم بالبرودة عدل اعتقد يومها كانت الدرجة 3 مئوية والهوا بوجهنا

تلحفنا عدل هالمرة ووخشومنا صارت طماطة هههه
















ارقام اللاعبين تعرض على الشاشة.....هذه جهة دانة







وين بوحسين











الفريقين يسخنون








تعويذتهم












وهذا أهداء للعرب المسافرون






وهذه








للحين ما العبوو







نرد نهديكم عيل اهداء لكم يا العرب المسافرون





وصلوو الجماهير هههه نبي نشوف يا جماعة ....قعدواا ههههه ماكوو
خليناهم خل نتدفى شوي




















بعد التسخين تنظيف الملعب ورش ماي والا شنو مادري ؟






استعداد لدخول الفريقين






وابتدات المبارة














اللعب كله اول شي في ملعب ايفرتون.....عجبني الجمهور يشجع اي لعبة لو يطلع واحد الكرة والا يقطعها والا يشوتها بره الملعب
يشجعون فريقهم بصفقة وبس






واذا صارت الهجمة لهم الكل يوقف وهني وقفت معاهم خخخخخ بصور












وهذا فاول لايفرتون بالشوط الثاني




طبعا في المبارة ومع الجناهير مستحيل نقدر نطلع من المدرج ضيق واحنا بالنص
وحتى بين الشوطين ما رحنا نشتري شي



وانتهت المبارة بنتيجة 1 / 1 والهدفين يوو يالشوط الثاني

خلال المبارة طق مطر بس الحمدلله احنا مو صوبنا بس بوحسين يقول يه علينا يقول متنا بررد هههه بس بسرعة وقف


وبعدين طلعنا طبعا صار المغرب ورحنا حق ربعنا في نفس المكان اللي تواعدنا فيه
عند النصب التذكاري ولقيناهم واقفين واحنا اللي كان طريجنا طويل

المهم رحنا رجعنا التذاكر للمطعم

وبعدين قلنا نبي تاكسي نروح السنتر نتعشى ونتمشى هناك شوية دام انها الساعة 5.45

وما حصلنا تاكسي ....بسرعة الا بعد ما رحنا على الشارع وشفنا تاكسي مار وقفناه وركبنا معاه

قلنا له السنتر

هذا اول ما شفناه ما رضوا يوصلنا واخذنا رقم مكتوب عليه ..... بس ما يردون











وهذه من السيارة هههه







وطق المطر







والا يوقفنا عند المحطة ؟؟....نعم اخوي ليش المهم
قالت بنتي يمه احسن خل نرجع لأن القطار اللي بيمشي الحين احسن لأنه بيروح دايركت

واللي وراه بيروح الساعه 10 وراح يوقف بعدة محطات اذية ويمكن يوحشنا تغيير قطار
قلنا خلاص نرجع احسن ...... وما شفنا سنتر ليفربول ولا شفنا مينائهم ولا شي بس اكلنا برررررد
محطة ليفربول للقطارات





وسيدااا على قطارنا ولا لفينا لا يمين ولا يسار
لأن القطار بيمشي الساعة 6 بالضبط





عاد هني ما قدرت اصبر طرشت دانة الساعة 6.10 لكافيه اللي بالقطار واشترت لي هالسندويتش والماي كنت يوعااااته مو ماكله شي من الصبح













هذا كان يمنا بس ليش مسكرين الكرسي بهذا الحاجز

اعتقد الكرسي مكسور يمكن

مع ان مو باين اي شي مكسور يمكن برغي فالت وخافوا على الركاب






وصلنا لندن الساعة 8.30
وطلعنا بره المحطة ونطرنا باص ولازم تعرفون اي جهة يمشي باصكم وتقدرون تسألون حتى سواق الباصات يعلمونكم

ونزلنا عند كنتاكي اللي مقابل متحف الشمع لأن الباص بيصير طريجه غير

قلنا نتعشى طبعا كنتاكي مو على الشارع بس بشارغ فرعي





وطلب الربع





وهذا عشاي بس قطعة اكلت وشاركوني الربع





بعدها تاكسي من عند كنتاكي للفندق

وقلت بروح البقالة اللي قبال بوابة الكمبرلاند

احبها ودخلت اشوف بضاعتهم بس صورت بسكوتنا العجيب ......الله يذكره بالخير اللي علمني عليهم
العضوو (( أحبك ياكويت ))





وبعد هالمشوار دخلنا الفندق وحمام دافي دفانا مع التكييف على التدفئة وخوش نومة من الساعة 11.30

والى اللقاء باليوم الثالث

عندي قيديوات مو عارفة ليش مو راضية تتحمل باليوتيوب؟؟