لندن في يناير 2015 - الصفحة 15

توبليرون · 27-05-2015, 05:58 PM

السلام عليكم
يا أحلى أعضاء
شبكة منتديات العرب المسافرون__المملكة المتحدة

اليوم الأحد 11 / 1 / 2015

هارودز والبيكاديلي

قعدنا اليوم متأخر شوي وتجهزنا وعلى الساعة 9.30 طلعنا

الصبح لازم اصور بوابة الماربل آرش

وهالمرة غيرنا مكان الريوق
رحنا لمطعم قريب من الفندق
طلعنا من البوابه الرئيسية يمين ..تقاطع عبرنا الشارع
بعدين عبرنا نفس التقاطع يسار وتلاقون المطعم بوجهكم
اصور لكم فندقنا الكمبرلاند من امام المطعم
علشان تعرفون مكان المطعم..بلا خريطة بلا بطيخ ام حسون توصف لكم الطريق عدل
ابد ما تضيعووون

نشوف صور مطعمنا وريوقنا فيه

اسمه باتيسري فاليري

ضيافتهم زبدة وخبز
وفلفل أسود موجود على الطاولة

المملحة والفلفل الأسود

طلباتنا وصلت
عصير برتقال لي وكابتشينو بوحسون

عصير دانه وبيبسي فرفر وصبغ اظافر

ماكو شغل بعد الطلب اصور كل شي وصبغ اظافر لون ثاني طلع

هذي الأصباغ دانه شرتهم من الصيدليه في اودين قبل لا نروح المطعم
وقاعدين يجربونهم

وصل طلبي انا ودانه .. بيض حوس وفاصوليا حمراء مع طماط مشوي ومشروم وتوست
لذيذ

ونفس الطلب غنومه

طلب بوحسين بيض عيون بس

عصيري .... ليش ماكو بيبسي

ديكور المطعم حلوو برواز بالسقف واللمبات نازله منه

وأخيراا وصل طبق فرفر سبانخ وبيض مشهور هالطبق عندهم

بعد ما انتهينا قلنا اليوم هارودز
ما يبيله نطرة بعد
رحنا لمحطة الباص ونشوف اي رقم يودينا للهارودز واي اتجاه معرفة الاتجاه مهمة

وهذه الخريطة في محطات الباص

وانتبهوا لمعرفة رقم باصكم

هل يوقف هنا او تروحون لأقرب محطة بعد بضع خطوات

للتنسيق مابين الباصات شغل متعوب عليه

وهذه يمنا محطة الاندر قراوند
ومحل الصيرفة اللي يقولون عنده يسوي التاكس فري
او داخل المحطة
انا ما احب الاندر قراوند لان بيمنعني من رؤية الشوارع اللندنيه فأحب الباص

الأكسفورد وشايفين محل ايفانز غيروا مكانه اللي كان قرب الكنتاكي
وصار عند البريماك

وحتى الكنتاكي خلاص شالوه وحطوا محل سوفينرات مكانه
ولاحظوا ان الشارع هنا فيه كاميرا الانترنت

وهذا حبيب البطن

وهذه صور من الباص

وخوش محل سيلفادور فيراغامو ويمه سيرجيو
وخوش فكرة للفترينة

مناظر ما نشوفها الا بلندن

وبربريز

المعمار الانجليزي الأصيل

الفترينات المميزه للماركات المشهورة

لاكوست

http://www.arabtrvl.com/up/uploads/arabtrvl1432480470719.jpg

ووصلنا هارودز بس نزلنا بمحطة على شارع ثاني وعرفنا طريجنا
هني قال بوحسين انا برجع ودانه بعد قالت برجع تعبانه حايشها صداع
ورحنا وهذه صور لهارودز

الرسم الهيلوغريقي المميز لهارودز

http://www.arabtrvl.com/up/uploads/arabtrvl1432480470677.jpg

وهذا داخل هارودز

التصوير داخل هارودز شوي لكم عليه
زحمة ناس

هيرمز

وماركات الشنط

والأكسسوارات

وديور

ورحنا لفان كليف تشتري بنتي اكسسوارات منهم

عجبتني اللوحات القديمة اللي بالمحل

بعد ها طلعنا للتجول في الفروع المختلفه
قسم المأكولات والسوبر ماركت

أكبر تباسكو

عصاير وموووو عصاير

لادوريه واشترينا منه كم حبه سفري

حلقووم لندني

حتى الرهش وصل لندن ينافس والبقلاوة التركية

حلويات متنوعه

شبرة هارودز

المربيات

القحطاني حياااك فراولة بالكاكاو هارودزيه مو غوديفية
الفواكه وشايفين الفاكهة الصغيرة بسلال صغيرة حركات تونس

اللحوم المتنوعة ...حلال او غير حلال ما سألت اسفة

كاكاوات ونوغا وحلقوم ....طبعا ما اشتري حلقوم وانا بروح ديرة الحلقوم بعدين

بس اشتريت هالحلووو عطر ديور
جربت عود اصفهاني اللي وايد تكلمو عنه وعجبني واحنا بالكوفنت غاردن .... بس ما شريته
وهني عجبني نوع ثاني اخذته

عجبني عنبر نت

وشريته

شوفو التنزيلات على العطور بس مو ديور

عطور ديور الرائعه بس لو بيدي آخذهم كلهم خخخخ
الواحد بالشيئ الفلاني

مو موجود عطري

عطر شانيل يا لبيه

خلصنا من العطور رحنا ربعهم وتشروا البنات
انا ما أحبهم أنا أومن بالجمال الرباني

وهذا غيييير عاد الملابس الانيقه الرايقه

وعليهم تنزيلات بعضهم واسعارهم محرزه

ومره صعود ومره نزول في ادوار الهارودز

شوفو شعار نايك

من تبي دراعة حق رمضان ههههه فستان شانيل

جاكيتات وفرو طبيعي وغيره

استراحة

حصان عند محلات هنتر

دببة هارودز

وغنومة هارودز

تعبت من الدوارة وقالو البنات بنروح فوق ... قلت لهم روحو وانا قعدت
حتى الصورة عويه طلعت
المحل هذا كان عامل خصومات حلووة على ماركات الأحذيه

تابع

OumImadeمعجبون بهذا.

توبليرون · 27-05-2015, 05:59 PM

تابع

وبعدها رحنا نتغدى في بيزاريا اللي بالهارودز الساعة2.30 تقريبا
ولقينا جدامنا طابور .... بس طابور صغير يعني نص ساعه وصار دورنا

وهذا المحل للايس كريم قلنا نخلص غدا ونحلي عنده

هذا اول شي قالو اذا مستعيلين في اماكن على البار
قلت لهم لا الكرسي عالي وشكلنا مادري شلون قلنا ننطر عادي

الشيف الأيطالي يغني

https://للحين ننطر دورنا

المنيو لبزاريا

وأخيرااا

وصول الطلب الجميل

والمعبوج الايطالي

بوخالد حياك بيديان باللحم المفروم والجبن
طبعاااا لذيييذ

باستا بالدجاج والمشروم والصلصة البيضاء لذيذه

بيتزا بالزيتون والخضار واعتقد دياي بعد

وصلنا القسم القطري
دراريع قطريه جميله ....وأثواب الزري والتور

ودلة القهوة العجييبه
طبعا للبيع مافيها قهوة بس احنا مسوين ان فيها قهوة
بس ريحة القهوووة تطق بالراس في القسم كانوا يقدمون القهوة
بس ماكان احد موجود چان قهوونا

بعدين شفنا هالأشكال والمجسمات الرووعه
شي حلووو وروعه وبعضها تتحرك بعد

وهذه المجسمات بعد
عجبتني هالزجاجيات المليانه بسوائل ملونه

حلوووين

بعدين رحنا فوق الطابق السادس لهارودز
لنشوف محلات العطور المتخصصه

ديكورات الهارودز

وهذا فوق الطابق السادس خاص للعطور

الممر اللي فوق

وبعدها تشرينا من محل الهدايا عندهم وكل وحدة حملت جم جيس

وطلعنا ورحنا جم محل بالقرب من هارودز

شوفو زحمة صارت

واللي تخاف من لبس العباية والنقاب شوفو الفيديو ماكو مشكلة ابدا

وهذا توب شوب

وهذا الهارودز من الشارع المقايل

منطقة النايتسبرج

وهذا امتداد الشارع واسم المنطقة

برومبتون Bromton

مشترياتنا من هارودز

تابع

توبليرون · 27-05-2015, 05:59 PM

تابع

بعد الهارودز قال لنا ابو حسين تلاقونا عند السبيك كورنر في الهايد بارك
ونزلنا عند السبيك كورنر وهذه أشجار الهايد بارك محلقه شعرها

http://www.arabtrvl.com/up/uploads/arabtrvl1432559328834.jpg

الرياضة للجميع ....الجوو يساعد

شايفين خيام مهرجان رأس السنة بس مسكرة وقاعد يشيلونهم

دورناهم ما حصلناهم والبنات راحوا صوب المتحدثين
يقولووون برررد ما نقدر نقعد لأن صار المغارب أكيد بيبرد الجو أكثر

جفاف النباتات من البرد

صور واحنا رايحين الفندق طبعا تعرفون قربه من ساحة بوابة الماربل آرش

الكمبر لاند

ريحنا بالفندق وصلينا طبعا
ونطرنا دانه كانت رايحة البريماك بعد ما طابت من عوار الراس بالنوم والتدفي
طلعنا عقب ورحنا للبيكاديلي سيركس

شوفو السما وحسووو بالبرررد

ونزلنا من الباص
وشوفو معانا الساحة المشهورة مقابل شاشة الاعلانات الأشهر عالميا

ولازم نمر على بوتس شويه

تعرفون المبنى اللي على اليسار بو الأضاءة الخضراء
متحف صدق او لا تصدق
ما دخلناه لأن وايد دخلناه وما اعتقد في شي جديد

والشاشه فوقنا

عبرنا او قطعنا الطريق لنصب الولد بوالقوس
أحسن مكان للجلوس على درجاته ومشاهدة لوعة الاعلانات

ملصقين على الاشارة

شوفو الشارع الوحيد اللي مضاءه زينته من بعد احتفالات السنه الجديدة
يعني هذا اللي لحقنا عليه

تروكيديروا

شوفو زحمة البيكاديلي هني لازم تنتبهون على اغراضكم وحاجياتكم الشخصيه
واللي معاه اطفال يدير باله عليهم

وشوفو علم السييل مرفوع لحقنا على شوية سيل
وباين النصب ودرجاته

الزينة

ياحلاة الحصن هذيل أحبهم نافوره تحتهم

كملنا مشي وتصوير

الزينه والمحلات

شوفو محل الدراغون او الرعب ثاني واحد على اليسار واقفين عنده حرس ههه

دخلنا تراكيديرو لقينا بس المحلات اللي تحت بالممر مفتوحة
والباقي موجود جدار خشبي مغطي المدخل والسلالم كلها
وهذا بيحطونه أكيد مكانه نيكولودين أعتقد أحلى للأطفال من صالات القمار اللي ترست التراكيديرو

وصلنا عند الساحة اللي فيها محل إم أند إمز
اعلام قديمة

اجراس قديمة لساعه حديثة

إم أند إمز مسكر

بعد اللفه قالو البنات بنتعشى بالبورغر كنج
دخلنا وانا هني حسيت بالتعب تأثراا ببرد ليفربول
ما طلبت معاهم عشا ماني قادرة طلعت بره ابي بوحسين يشوفني
ما حصلته وهذه الحديقة اللي بساحة البيكاديلي وچان يطق المطر خفيف

صعدنا فوق لأن اللي بره كلهم دخلوا داخل
وهذه برادة البيبسي مثل اللي بمطعم فايف غايز حلوة تصنع مشروبك اللي تبيه بخلط انواع اللي تبيها
ما اقدر اشرب مريضة

وهذه طلبات البنات

وغنومة تقول لي منقوله ...اقول لها مقبوله بس ما اقدر آكل

بعد العشا رجعنا للبيكاديلي ومحل السوفينرات ونشتري منهم

رايحين لمحطة الباص

شوفو السما بالليل

فيديو للبيكادلي

https://ومنها للفندق

وانا رحت اخذت لي شي للتعب دورت شوربه
ولقيت هالشوربه اللذيذه الدافيه
والله انها ريحتني جداا

شوربة خضار وزنجبيل رووعة بلذتها وفايدتها تدفي

وتطيب البلعوم والسخونة راحت

تابعوني بالجزء القادم

OumImadeمعجبون بهذا.

طارق عنايات · 27-05-2015, 07:43 PM

جزء جميل جدا جدا

يوم حافل

علب الحلقوم حلوة بالحيل

تتهنون بالمشتريات الحلوة من هارديز

عندك العافية و ما قصرت عل الشوربة

صور رائعة و سرد جميل

كعادتك ام حسين دائما متالقة

تسلم ايدك

Haksa77 · 27-05-2015, 09:56 PM

جزء جدا رائع
متااابع وياااك يالغالية
تشكرآت أم حسون

|القحطاني| · 27-05-2015, 11:29 PM

أخيرا شفت بيتزا في تقرير بدون بصل

أما الشارع هذا صراحة لازم ولابد ولن أرجع من لندن الا بعد أخذ جولة مدتها ساعة فرة عليها

أول ما شفت صورة مكينة الكوكاكولا قلت أكيد إنه من الصالة في بيتكم في الكويت ههههههههه

هذي صورة لك من مصادرنا الخاصة وأنت تشربين العصير >>

ههههههههههههههههه

موضوع جميييييييييل جدا جدا ومستعجلين على تركيا نخاف يدخل رمضان وتسحبين علينا

الله يعطيك العافية

فيصل · 27-05-2015, 11:38 PM

الهاردوز ودك تحدد ميزانيتك قبل تدخله بس ما أعتقد تقدر

عمره ما وقف زحمه

المصيبه يوم 26 ديسمبر اعتقد من الفجر علشان التخفيض يوقفون عنده سرا

اول مره جيت لندن ما قريت عن لندن بس قعدت اتمشي بالبيكاديلي ومن كل شارع اروح شفت الناس تصور هنا هاللوحه وقلت اسوي مثلهم وش وراي

يعني الحين انتي تدلين زين بلندن ما شاء الله عليك

شكرا لك

توبليرون · 28-05-2015, 12:10 AM

اقتباس : المشاركة الأصلية كتبت بواسطة طارق عنايات

جزء جميل جدا جدا

يوم حافل

علب الحلقوم حلوة بالحيل

تتهنون بالمشتريات الحلوة من هارديز

عندك العافية و ما قصرت عل الشوربة

صور رائعة و سرد جميل

كعادتك ام حسين دائما متالقة

تسلم ايدك

تسلم يابو أشرف من ذوقك
اي والله بس ما جربناه عندهم حسافه ...
الشوربة انقذتني طلع علي البررد اللي بليفربول واستمرضت
بس الشوربه صج دواء وهي بعد تلاقيها بالسخانات في المحل يعني اخذها واشرب على طول
قليل من ما عندك يادكتور
شكراا لك

توبليرون · 28-05-2015, 12:12 AM

اقتباس : المشاركة الأصلية كتبت بواسطة Haksa77

جزء جدا رائع
متااابع وياااك يالغالية
تشكرآت أم حسون

الرووعه بمروركم يابو صالح
شكراا لك

توبليرون · 28-05-2015, 12:20 AM

اقتباس : المشاركة الأصلية كتبت بواسطة |القحطاني|

أخيرا شفت بيتزا في تقرير بدون بصل

أما الشارع هذا صراحة لازم ولابد ولن أرجع من لندن الا بعد أخذ جولة مدتها ساعة فرة عليها

أول ما شفت صورة مكينة الكوكاكولا قلت أكيد إنه من الصالة في بيتكم في الكويت ههههههههه

هذي صورة لك من مصادرنا الخاصة وأنت تشربين العصير >>

ههههههههههههههههه

موضوع جميييييييييل جدا جدا ومستعجلين على تركيا نخاف يدخل رمضان وتسحبين علينا

الله يعطيك العافية

اي بيتزا بدون بصل اثاريك ما تحب البصل
عندي وحدة من خواتي ماتقدر تاكل البصل يسبب لها غثيان مسكينه اكلها دايما بدون بصل
شوارع لندن واايد حلووة وخاصه هالشارع بالليل صيفا كله عروض وسهر الخليجين
بس احنا مانسهر
اصلا ماكو بيبسي ولا كولا خخخخخ
ياريت عندي هالبراده للبيبسي
چان رايحه وراده اشرب
اما تركيا ان شاءالله بتشوفها قبل رمضان ...اذا الله راد
ولا تخاف ما اسحب الا مخلصه الاجزاء
يعافييك ربي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفحآت من حياتي فِ اسطنبول .. يناير 2015	م.عبدالرحمن	تركيا	73	06-08-2015 05:35 PM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM
ثلوج اسطنبول يناير 2015	فتاة الدمى	تركيا	39	06-05-2015 09:48 PM
الطايف احلى يناير 2015	آخـــرفـــرصـــة	بوابة السعودية	72	22-02-2015 04:17 PM
الفعاليات في دبي شهر يناير (1) / 2015	khalid	بوابة الامارات	31	29-01-2015 03:55 AM