لندن في يناير 2015 - الصفحة 19

توبليرون · 06-06-2015, 10:48 AM

اقتباس : المشاركة الأصلية كتبت بواسطة أبو نورة

يه يه يه يه
وش هالزين ام حسين
كنت اهناك بنفس الوقت
انا مشيت وانتو استلمتوا الديرة
لحقنا الاحتفالات وزينة اكسفورد
الكوفنت جاردن يا ربااااه من منطقة اعشقهااا
وفاااايف قااايز حكااااية مذاااق
وصلت صفحة 6 ونكمل التقرير ان شاء الله
تسلم الايادي والله ..

يا هلا باللي منور التقرير يا اخوي بونورة من ذوقك
اي اذكر سفرتك احنا اللي اخرنا امتحانات البنات ووحدة معلمة لازم تعطل علشان نروح
الكوفنت غاردن يبيله كذا يوم ما يكفيه يوم واحد
ان شاءالله يعجبك باقي التقرير يابو نورة
شكرااا لمرورك الجميل

توبليرون · 06-06-2015, 11:06 AM

اقتباس : المشاركة الأصلية كتبت بواسطة تقـآسيم الصباح

آآخ يالذكريات جد لاشعوريـآ لما شفت الصوره دمعت عيني ههههههههههه
ايـآم وذكريات لنا انا وصديقات الغربه في هالمكان
كل ماتزعل وحده او تتضايق او حتى نضيعها نلقاها جالسه على كرسي من هالكراسي بزاويه ومقابله الرايح والجاي برا
عادنسوي لها مداهمه جماعيه لين يكرهون البريطانين روحهم وبعدها ناخذها ونمشي ههههههه
ايه دا يام حسين انتي ئلبتي المواجع بجد ياخخختي لو يوم ترجع بعد ذيك الايام
الفف الفف شكر ماتكفيك ولاتوفيك على هالتقرير اللي فعلا رسم الابتسامه الى وجهي وعاد لي ذكريات كثير وانا اشوف الصور
ومواقف كثير وبسبب تقريرك الجميل هذا خلاني اتذكر صاحبتي المهره اماراتيه الاصل ولقيت تلفونها وتواصلت معها بعد سته شهور قطاعه يمكن
متابعه معك
دمتي بكامل صحتك وسرورك وعافيتك

تقـآسيم الصباح

الله حلوووة الذكريات لمكان جمع الاصدفاء
عيشتيني الجووو بذكرياتج ربي يحفظكم ويجمعكم على خير
تسلمين على الذوق والمرور الغالي

توبليرون · 07-06-2015, 01:46 AM

هلا وغلا
بأحلى أعضاء
منتدى العرب المسافرون.....بوابة السفر للمملكة المتحدة

متحف الشمع والويستفيلد

اليوم قعدنا مبجر انا وغنومة وفرفر
وعزمنا على الروحة لمتحف الشمع
دانة وباباها نووووم تقول لو ممثلين اتراك اروح معاكم

هذه ثاني سنة نروح وهي ماتروح تقول مالي خلق نطرة الطابور

المهم قعدنا من النوم على الساعة 8 وعلى ما تجهزنا طلعنا
والريوق انا اخذت من بريت كرواسونتي العجييبة
والبنات قالو نبي ريوق ماكدونالد

ريوقنا بماك

ريوقي

وريوق البنات

ورحنا بالباص الى المتحف من شارع الأجور رود

البنك بالأجور رود

محلات الاجور رود

\حلوو للعرب بوسعد افتحووه والا لأ

المحلات باأجور رود احسها تستغل السائح العربي ....رأيي الشخصي

وصلنا المتحف الساعة 10 الصبح بدون اي طابور
وتحسون ان الناس نايمين مافي احد بالشوارع
ولا طابور
دخلونا بسرعة من البوابة بروحنا مافي طابور
فتشوا الجناط ودخلونا

وهذا بداية المتحف

صندوق الهاتف

ولبس الشرطة الانجليزية

وهذا مكان التذاكر
والله شوفو التصوير لأن مافي احد ألا احنا بالطابور
ودخلنا سييييييدة بدون اي طابور

وكانو في استقبالنا جنهم مو شايفين زوار للمتحف
ضحك وابتسامات لنا

وهذه تذاكرنا

في المصعد يقولون لكم اذا وقف فيكم ترسلون لهم بالموبايل

واول المتصورين آشواريا الممثلة الهندية

والممثل الهندي المحبووووب شاروخان

وسلماااان خان

والممثل ريتك

شوفو اصبعه اشلون مكون من اصبعين لاصقين.....كان ما يطلعهم بالتمثبل بعدين
قام يصور عادي ويطلعهم

وبابا كبيييييير

اميتشاب

ةهذه كارينا كابور

ووالحين مع

توم كروز

مورجان فيرمان
أحب تمثيله

هالصور إهداء لمشرفة الكويت كويتية متنقلة

ابرار جورج كولوني

ما أعرفه

ليوناردووو تايتنك

وهذا اعرفه من بعيد ما اعرف اسمه

وهذا ما احبه ولا احب تمثيله تواليت اعتقد افلامهم كلها مصاصين دماء وخيال غرييب

وجيم كاري

وفرقة ون دايريكشن وغنومة

وهذا الكاوبوي صورنا معاه من قبل 20 سنه صورة عائلية

بتعبكم بالصور صورت وايد
مارلين مونرووو

شارلوووك هولمز يا عمار

ووبي

شسمه اللي يقولون عنه أحسن ممثل بروس ويليس
صورت معاه ههههههه
مو صج شمع شمع

شواريزنغر

مادري صح الاسم والا غلطات مطبعية عاد انتوااا طوفوو

شارلي شابلن

ناسيه اسمه

هيتشكوك

شخصيات وااايد

محمد علي كلاي

كان الوالد من معجبينه

كنا في ضيافة العائلة المالكة

آسرة القلوب

غراند مااا

اينشتاين

اقول حق غنومة صوري معاه تقول لا مااحبه عقدنا ههههه

انا صورت معاه بعد معاشي من تعليمه خخخخخ

صاحب المنشور

عرفتوهم ربع راعية تذاكر قطار ليفربول

سياسيون سابقون

منزل رئيس الوزراء

مدام توسووو

شهاداتها

كانت قبل 20 سنة بصندوق زجاجي
وتتنفس بعد

اعتقد قصة المتحف وبداياته

تختارون صوركم اللي صورتوها مع الشخصيات

محل الحلويات

تفضلووو

هني بطريجنا للفيلم 4D

واشتغل الفيلم

الفيلم حلوووو بس لأول مرة تشوفه والحركات اللي بالسينما هي الأحلى

نفس الفيلم اللي دخلناه ذيك السفرة

هني شريت ماي

دخلنا المحل مالهم وتشرينا جم غرض مثل كرات الثلج ومجسم الأوسكار على علم بريطانيا
واقلام

وهذا من الأغراض كوب لي

طلعنا ورحنا من جهة بيكر ستريت بناخذ باص

البيكر ستريت

شارلوك هولمز هوتيل

اعتقد مارك سينسر اكسفورد

سيلفردج

توصيل للبيت من مارك سبنسر

الهايد بارك

ووصلنا للويست فيلد بمنطقة الشبربوش

طبعا نزلنا من الباص وهذه الورود في الطريج للبوابة عند مدخل الاندرقراوند

فقلت يستاهلوون ربعي بالمنتدى هذه الورود

هذه خاصة لفيصل وآخر فرصة لأنهم رجعواا لنا المنتدى

وهذه لجميع اعضائنا الأوفياء اللي ما تخلو عن المنتدى ايام ازمته

وهذا الويستفيلد

عجبتني طريقتهم

وهني بوحسين قعد يطلب له غدا وانا قعدت انتظره مو مشتهية اكل

المطعم اللبناني

وهذا طلب دانة ....

اقول لها وين ابوج ؟؟ تقول مادري عنه

اثاريه يحسب انا رحنا نتسوق وهو قعد ياكل بطاولة ما شفناه ههههه

وهذا غدا البنات بناندوز .....انا كنت مو قادرة آكل بعد الكرواسونة وككاو متحف الشمع

طاولتين

وجبتهم المفضلة

طلعنا نتمشى بعد الغدا

اغلب المحلات تنزيلات

دانة والكتب ما نخلص مكتبة فوليس

تنزيلات على الكتب

طلعت انطرها بره .....وفرفر وغنومة بصوب وابوحسين بصوب

شرت لي دانه عصبر بعد التسوق وقعدنا بالجلسات الحلوة

نريح شوي

السنة الجاية ان شاءالله تكثر صوايغ ديزني قولو آمين

مع حنة دانة رحت اتغدى

ودخلت هني كافيه ايت

أشياء تشوق

وهذه صمونتي أوصلت

وفتحناها بعد التسخين .....بوحسين يقول اكثر وحدة تاكل جبن انتي

وهذا مشروبي ووتر بس

بعدها دخلت محل اسمه

Holland & Barraett

للأغذية والبروتينات وكنت ابي بروتين سائل

ما حصلت الا الشوكليت واخذت لي احسن من البودر

صورة دعائية اشرايكم بالخبيرة خخخخخخخ

نزلنا تحت بعدين ولقيت هالمرة واقفة وتطالع العامل وهو يشتعل بالسلم الكهربائي

شكلها مستغرب ..........اذا من متابعين المنتدى بتذكر هالسالفة وما أعتقد بتنسى هالموقف

ولما يه بوحسين راح يشوف معاهم .....طلعت كويتية مسكينة ولابسة بالطوو فروو طويل

وتدخل اطرافه بفتحات السلم الجانبية واعتقد هني مبلغة وتنتظر ان يطلعونه لها

وطلعه لها العامل وبس شنو تحت كله متآكل ,,,,,,تقول البالطو بسعر 2000 دينار فروو طبيعي

الله يعوضها ان شاءالله

بعد ما خلصنا تسوق الساعة 6 مساء طلعنا

و رجعنا الفندق حطينا أغراضنا وصلينا وريحنا شوية

اذكر بهاليوم شفت زميلة عمل لي هني

باللوبي للكمبر لاند اللي أغلبه كان كويتين بذاك الوقت عطلتنا

باللوبي كافيه لشرب الشاي

بعدها قالو البنات مشتهين نتعشى بمروش

قلنا يلا ورحنا انا والبنات بس

رحنا أخذنا حجز انا ودانه والباجي يوو ورانا

اخذنا المنيو قبل لا نقعد هههههه

بانتظار دورنا

كان زحمة حييل

نصور المطر بره المحل

وقعدنا أخيرااا وتصوير المنيو على ما يوصولون باجي الربع

وعنوانبن جميع مطاعمهم في لندن

ووصلت العرايس لذيذة

والبطاط اللذيذ

وشاورما دجاج ساندويتش

وشاورما بصحن

وهذا الحساب .....كان علي العشا

بعدها رجوع للفندق الساعة 10 مساء

ونوووووم

تصبحون على خير

OumImadeمعجبون بهذا.

MOHANAD · 07-06-2015, 02:41 AM

ماشاء الله تبارك الله صور ولا اروع ومغطيه كل شي ام حسين بالتفصيل
هذا المطلوب

متحف الشمع اشوف حاطين تماثيل هنود كثير اخر مره رحتله ما كانو فيه

وبالفعل شارع العرب استغلال غير شكل

لاهنتي ام حسين متميزه دايم

فيصل · 07-06-2015, 02:54 AM

بالعافيه عليكم

ليتكم ارسلتو صوره الفرقه لراعيه التذاكر

ويستفيلد ايهم افضل ما فتحو مول ثاني او انا غلطان

هذا لوبي فندق

شكرا لك علي الورد

توبليرون · 07-06-2015, 05:05 AM

اقتباس : المشاركة الأصلية كتبت بواسطة MOHANAD

ماشاء الله تبارك الله صور ولا اروع ومغطيه كل شي ام حسين بالتفصيل
هذا المطلوب

متحف الشمع اشوف حاطين تماثيل هنود كثير اخر مره رحتله ما كانو فيه

وبالفعل شارع العرب استغلال غير شكل

لاهنتي ام حسين متميزه دايم

بعد في صور كثير هذا اختصار هههههه
المهم ان يعجبكم التقرير
الهنود من زمان حاطين جذيه
اي والله وخاصه المطاعم وايد غاليه

شكراا لمرورك الكريم

توبليرون · 07-06-2015, 05:10 AM

اقتباس : المشاركة الأصلية كتبت بواسطة فيصل

بالعافيه عليكم

ليتكم ارسلتو صوره الفرقه لراعيه التذاكر

ويستفيلد ايهم افضل ما فتحو مول ثاني او انا غلطان

هذا لوبي فندق

شكرا لك علي الورد

الله يعافييك يابو خالد
ههههههه ما ارسلنا لها قرقه ...نبي الفكة منها
اللي افتحوه أكبر من هذا بمنطقة ثانيه قريب من القرية الاولمبيه
كنت حاطه عنه بتقريري السابق

اماهذا لان حفظناه ونعرفه عدل. انا حبيتهم اثنينهم

وهذ ا اللي تقدر تقول تمام التمام لانه حافظينه
اي بوخالد هذا لوبي الفندق

شكراا لمرورك الكريم

تقـآسيم الصباح · 07-06-2015, 05:30 AM

شبيه القلب والريه
صحباتي واهلي مللوني من كثر مايقولون لي يشبه زوجك
حتى الحين اذا وحده قالت تعالي زوجك يشبه الممثل توها ماتكمل اقولها
الهندي ريتك درينا والله هههههه
تقول يعني صحيح مو بس انا اقول
متحف الشمع على كثر مازرته كل مره اروح واطل كاني اول مره
مدري ليش صحباتي بهذيك الايام اذا جيت اقولهم اذا ملانين
شرايكم عندي اقتراح نضيع وقت وانا مبتسمه يقوولون لي لاتكفين الا متحف الشمع ههههههههههه
حبيت الحلقه بكل تفاصيلها
ومعروف شارع العرب احيانا الواحد يضطرر عليه خصوصا حنا ايام الدراسه مقاضي ولويه
الله يعوضها خير البنت انا والله انغبنت عليه كيف هي
يعطيك العافيه ام حسين متابعين معك
الى ذلكم الوقت دمتي بكامل صحتك وسرورك وعافيتك

تقـآسيم الصباح

الايمان · 07-06-2015, 11:02 AM

يارب يا ام حسين تزيد مشترياتكم من ديزني
ويعطيج اللي في بالج
بالنسبة للسلالم المتحركة دايما يحذرون منها
الحمدلله بالبالطو ولا فيها
مستمتعين معاج للاخر

أبو طلال* · 07-06-2015, 11:19 AM

تقرير جميل
ابداع بصراحه
بالتصوير والشرح للتفاصيل
تسلم ايدينك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفحآت من حياتي فِ اسطنبول .. يناير 2015	م.عبدالرحمن	تركيا	73	06-08-2015 05:35 PM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM
ثلوج اسطنبول يناير 2015	فتاة الدمى	تركيا	39	06-05-2015 09:48 PM
الطايف احلى يناير 2015	آخـــرفـــرصـــة	بوابة السعودية	72	22-02-2015 04:17 PM
الفعاليات في دبي شهر يناير (1) / 2015	khalid	بوابة الامارات	31	29-01-2015 03:55 AM