لندن في يناير 2015 - الصفحة 21

توبليرون · 11-06-2015, 06:17 PM

اقتباس : المشاركة الأصلية كتبت بواسطة |القحطاني|

هذا يا طويلة العمر والسلامة كان مذيع و صحفي ولما صار ممثل صار ساااااااااااااااااااااااااااامج إسمه راسل براند

أما الجميل هذا وأفلامه أغلبها رهيبة

إسمه توم هانكس وهو أكثر الممثلين اللي أنا أشوف أفلامه وأعرف شكله وأنسى إسمه ههههههههههههههههه

لندن رهيبة بس غالية .. متحف الشموووع ما شاء الله كيف صمموا الممثلين وكأنهم حقيقة ههههه

الله يعطيك العافية

مدامه سااااااامج خله لسماجته مالنا شغل فيه

اما توم هانكس انا مثلك احب تمثيله بس صج ليش ننسى اسمه مع انه مشهور

اي والله غالية بس اذا كل واحد يحط شي للصرف هناك مشاركة يعني اوكي ما عليها
تصير نفس اسعارنا

انا هناك اللي يبط جبدي بالغلاء اسعار السكن من فنادق وشقق غاليه حييل

المهم انها هالمرة كانت هدية مدفوعة التكاليف من بوحسوون مع المصروف

علشان يوم ميلادي وحنتي اني اتمنى اسافر بالشتاء هههه

حياااك يا القحطاني

توبليرون · 11-06-2015, 06:21 PM

السلام عليكم

منتدى العرب المسافرون

بوابة السفر للمملكة المتحدة

التسوووق

اليوم السادس بلندن الثلاثاء 13 / يناير / 2015

لأنه تقريبا اليوم الأخير فلازم نقوم مبجر
مبجر عندهم الساعة 8 توها الشمس طالعة
قعدنا من النوم على السبع ونص
وتجهزنا ورحنا نتريق بال......اكيد عرفتوووه
المهم شوفووو الصور وتعرفواا الجوو

يعني لازم اصور هالمكان كل يوم ما يتطوف الجووو

دشووو بالصورة وتحسسووو الجووو البارد المنعش

توها طالعة الشمس

وهذا الغرااااام ووداعية ؟؟ يمكن

وجربت توست من البنات

لذييذ بعد

صور طبيعية بدون اي تعديل

يا سلااااااااااااام

وهني دخلنا بريماك لازم نصبح ونمسي عليه

عجبتنا هالشغلات

رحنا رجعنا مشترواتنا من بريماك للفندق من عند الباب

عطيناهم البواب وهو وداهم للكونسيرج طبعا اخذ رقم الغرفة

وبعدها سيلفردج

فترينة سيلفردج الساعة 10 الصبح

وهذه لقطات من سيلفردج ما مداهم انتهت احتفالات راس السنة واعيادهم والا حاطين عن يوم الحب

وهذا هدفنا لأن ما لقينا اللي ابيه في هارودز

ما صورت وايد لأني صادفت زميلتي بالعمل وقعدنا نسولف شوية

وهذه ثاني مرة اشوفها اول مرة شفتها باللوبي بالفندق طبعا اول يوم سلامات فقط

بس بعدين قمنا نسولف ونحش بالخير عن زميلات العمل

شريت قصدي شرووا لي العيال ...البوك اللي نفس شنطتي وأخيراا حصلته

خلصنا من شانيل وقمنا نكمل تسوقنا في باقس محلات سيلفردج

وهذا عجبني شكله معمل كيميائي

بس مافهمت شنوو اهوو....عطور والا مواد تجميل ...

ممكن أهل ألامارات يعلمونا شنووو

وطبعااا صعدة ونزلة بين طوابق السيلفردج

وهذه معليقنها بين السلالم

http://www.arabtrvl.com/up/uploads/arabtrvl14332529232910.jpg

شريت عطور لي ولخواتي من هالمحل

عجبتني تجهيزات الحفلات توننسسس

اخذت منهم بس كروت هدايا صغار عجبوني

بعد المشترى رحنا نتغدى بمطعم سيلفردج

ودانة كتت العصير بالصينية

الكاشيرية وطاولات المطعم

وهذه تجهيزاتهم على الطاولة

وهذا قمت اصور لكم المطعم وآكله

القسم اللبناني

تبون نفس هالوجبة

وهذا هندي

وهذه صوانينا

طلبي

هذه الماركة يسوون أساور للبنات ويكتبون الأسم عليها ...وهذه غنومة تشكر اختها ليش شرت لهم

حبيت أحط اسم الماركة لكم .....على فكرة يابوها بهارفي نيكولز الكويت بس ما يكتبون عليها للحين مافي كتابة

وهذه عجبتني شايلة الورد وتمزل من درج لدرج

شوفو الجووو بعد ما طلعنا صور من الباص

بتلاحظون ان بوحسوون مو معانا لنه ماله خلق السوق وقال بتمشى بروحي اليوم ...يتذكر الأيام الخوالي ما يبي

بعد ما خلصنا من الغدا رحنا انا ودانة مارك سبنسر بشتري غرض رحت انا ودانه وسبقونا البنات

بالروحة على شارع الريجنت وحق التوب شوب وهني اول ما نزلنا ودخلت دانة كيكو شنو يخلصنا عااااد الساعة كانت 2.15 الظهر

طبعااا انا وقفت بره ما حبيت اطوف فرصة التصوير

وهذا التصوير جوالين ما انا واقفة

دحلنا التوب شوب ....وانا قلت لهم خلاص انتووو روحوو تسوقوا وانا بقعد بالكافيه

وقعدت حتى هالفساتين قبالي مالي خلق اقوم اشوفهم واقلبهم

مع ان ودي اشوفهم بس خليت عيوني على كل وحدة مارة تقلب فيهم انا اتطمش من بعيد

ولازم اشرب كبتشينوو نقعد الراس

وهذا عصير برتقال بالبابل من توب شوب

البابل ملمسهم مثل الاسفنج

وهذه فاتورة من فواتير التوب شوب

بس علشان تشوفون العنوان

وعقب التسوق رجعنا الفندق وحطينا أعراضنا وريحنا شوي وصلاة وعقب مار يحنا
قالوا بنروح نتقهوى وناكل جيز كيك الغروفنرهاوس كثر ما نسمع عنها قلنا بنروح لها الساعة الحين 4 مساءا

وهذا الجووو

من كثر التعب ركبنا الباص

البنات قعدوا ورا وانا بوحسين جدام

والا الباص يوقف قريب الفندق .....ما شفتهم قاموا وقلت لهم بصوت واطي ما اسمعوني
هذا الفندق ؟؟ بنات هذا الفندق ؟؟
بوحسين ما رد لانه مو عارف وين

البنات ما سمعوني ويمشي الباص

والا بعدين قلت لهم ترى طفنا الفندق .....
قمنا ونزلنا المحطة اللي وراها .....هههههههههه مسافه يالله وقف ونرجع مشي هههههه للفندق غروفنر هاوس

مرينا على محلات وفنادق ههههه
ومعصبين علي ليش ما قمتي علشان ننزل ههههه ما كنت متأكدة وسألتكم ما رديتوا
يقولون ما نسمعج خخخخخ حصلت زفة لأنهم كانوا بداية المرض بوحسين وفرفر

ووصلنا ودخلنا والا يقولون لنا لا الباب الثاني الخاص بالكافيه

ورحنا

وهذا المنيوو

ديكورات المطعم

وللامانة يوم بغينا نطلب الجيز كيك اللي متعنين لها .... قلنا لها خمسة جيز كيك

...قالت لنا الجرسونة

ان لو تطلبون بس 2 راح تكفيكم وايد كبيرة

وهذه هي صج حتى هالثنتين ما كملناهم

وهذا الكابتشينو لنا

ولازم البنات بيبسي

بعد الحووس

بعدها قالوو بنرد مشي اقرب

وها مرينا عليهم بطريجنا للكمبرلاند

رجعنا الفندق وقعدنا نجهز اغراضنا وجناطنا عقبها طلعنا نتعشى بماك الساعة 8 مساءااا

مريت هالصيدلية اللي عند ماك تحت سينما اودين

بغيت اشتري تكرموون من هالجواتي لما لبستهم مادري اشلون حسيت نفسي مو عدلة وعالية وايد

قلت اشتري من الكويت موجودة بالأفنيوز حلف الجيز كيك فاكتوري

وهذا ماك ووجباتنا

وبعدها للنوم ورانا شغل وسفرة

يعطيكم العافية على المتابعة الحلوووة ومشكورين وسامحوني على تقصيري بعدم متابعة تقاريركم الحين

لانشغالي وبس احصل وقت اقعد اكتب هالتقرير
وان شاءالله راجعه لك تقاريركم سامحووونا

|القحطاني| · 11-06-2015, 06:35 PM

حلو والله الجو جمييييل

ماء إيفيان و فيجي هي أكثر أنواع المياه أشوفها بالتقارير > هل هي رخيصة أو طعمها أحلى ؟!

الأمطار جميلة خصوصا لو نزل في الصباح بيكون الجو كله طول اليوم جمييييييل

الله يعطيك العافية

أبو نورة · 11-06-2015, 10:36 PM

ما شاء الله يا ام حسين
والله مدرسه بالتفاصيل وكل شي ما شاء الله
وصلنا لبداية الجزء بالصفحه ١٥
وملزم ان شاء الله اليوم اكمل الجزء المتبقي
يعطيج العافيه

Haksa77 · 11-06-2015, 11:09 PM

جزء رائع
متااابع وياااك يالغالية
تشكرآت خيتوو أم حسين

هاوية الاسفار · 12-06-2015, 12:51 AM

عاد الماي هذا غالي على قلب ام حسين
يا حلات الجو في الشتاء و خاصة ايام المطر
بالعافيه عليكم

فيصل · 12-06-2015, 02:40 AM

علشانه سوق لازم بدري لو غيره بتقومين يعني

يا حبكم للأسواق

هالصوره علشان تذكرين تقاسيم

سليفردج هو العذاب صراحه

يعجبني يقولون لكم يكفيكم التشيز كيك لو بدوله عربيه ينبسطون تتطلبون واجد ولو تقولهم نبي الطلب سفري كشروا

لا تتعذرين معذوره انتي والله

طوق الياسمين · 12-06-2015, 05:30 AM

ياحياتي ياام حسين تستاهلين كل خير

ومبروك البوك

احلى شي ان الفندق قريب

والتشيز كيك يم يمي بالعافية

معذورة ياقلبي

أبوفيصل · 14-06-2015, 09:45 AM

يعطيك العافية يا ام حسين على التقرير الجميل

والحمدلله ع السلامه

جميله الامطار جميل الانتقال بالباص

وكل عام وانتم بخير ورمضان علينا وعليكم والجميع مبارك وتقبل الله منا ومنك صالح القول والعمل

الايمان · 14-06-2015, 09:57 AM

مبروووك الشانيل ام حسين عليج بالعافيه تستاهلين كل خير
المحل اللي قلتي عنه هذا محل كريمات امريكي للعناية بالبشره وااايد حلو
حسافه ماخذيتي منه

ماقلتي شنو رايج بالشيز كيك انا بصراحه ماعجبتني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفحآت من حياتي فِ اسطنبول .. يناير 2015	م.عبدالرحمن	تركيا	73	06-08-2015 05:35 PM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM
ثلوج اسطنبول يناير 2015	فتاة الدمى	تركيا	39	06-05-2015 09:48 PM
الطايف احلى يناير 2015	آخـــرفـــرصـــة	بوابة السعودية	72	22-02-2015 04:17 PM
الفعاليات في دبي شهر يناير (1) / 2015	khalid	بوابة الامارات	31	29-01-2015 03:55 AM