لندن في يناير 2015 - الصفحة 6

توبليرون · 11-05-2015, 03:10 PM

اقتباس : المشاركة الأصلية كتبت بواسطة محمدويوسف

ننتظر يا ام حسين

ان شاءالله الحين بشتغل عليه
تنزيل صور وكتابة الجزء الثاني
بكره ان شاءالله نازل

توبليرون · 11-05-2015, 03:19 PM

اقتباس : المشاركة الأصلية كتبت بواسطة qa6ar911

يقول عادل ابراهيم اه يا لندن هههههه

اي والله آآآآه يا لندن

شوقتيني على لندن رايح لها بعد يوومين ان شاء الله
الربع راحو قبلي يقولون لاتفوتك الجو روعه
على طووول حجزت خخخخ

زين سووويت عليك بالعافية استمتع

ياعيني على الصور وخاصه باص لندن المميز

شكراا من ذوقك يا اخوي لندن اهي اللي تخلي الصور حلوووة

ام حسين متى فتحو محل الكرك السنه الي راحت ماكان موجود !!
احسن يوفر علينا الدرب عن النايتس برج ههههه

مادري شكله قريب فاتحينه .....وان شاءالله عرفت مكانه عند اول محطة باص بشارع اجور رود وانت جاي من الماربل آرش

كان في محل كوفي جنب السينما في بدايه الاجور رود
قعدته حلوه كنا نقعد فيها قبل 3 سنوات
ومن سنتين خذ الكوفي كويتي وسماها مقهى ابراج الكويت
والسنه الي راحت تحول الكوفي الى محل جواتي وانتو بكرامه ههههه

صحيح ان المحل في للأحذية وفي صيديلة بعد
صحيح كلامك

متااابعين ابداعج واصلي ام حسين

الابداع من تواصلكم ومتابعتكم معاي
شكراا لك ونتمنى نشوف تقريرك بعدين صور كل شي علشان نستمتع معاك
شكراا لمرورك

توبليرون · 11-05-2015, 03:23 PM

اقتباس : المشاركة الأصلية كتبت بواسطة سوسو الصغيرة

زين لحقت على اول التقرير
ما زرت لندن لين الحين و ما اعرف شي عنها
ما نقدر بعد ما اتابع تقرير الغالية ام حسين
يعطيج العافية

حياج الله يا ام سلطان
ان شاءالله تروحين لها وتعرفين ليش احبها
تسلمين الغلا غلاتج يا حلوووة
شكراا لمرورج الغالي على قلبي

MOBARKI · 11-05-2015, 07:47 PM

حلقة روعه بروعة طعم البريت

الله عليك ام حسين كثري من الصور

فهي تروى العطاشا

يعطيك العافية

فارس من خيال · 11-05-2015, 11:48 PM

ماشاء الله تقرير لندني رائع من ام حسين
اشتقنا للندن وعسى نسترجع بعض من الذكريات من خلال صورك الجميله

متابعين معاك للاخر يامبدعه

طارق عنايات · 12-05-2015, 12:54 AM

٦ صفحات وانا نايم بالعسل

حقك علي ام حسين تاخرت بالرد

الان تا شفت التقرير

رائع كالعادة إبهار وامتاع وتفاصيل تحسس الواحد انه زار المكان

الصور تزيد التقرير جمالا فلا تبخلي علينا

تسلم ايدك واكيد مستأنس و متابع معاك

توبليرون · 12-05-2015, 03:44 PM

اقتباس : المشاركة الأصلية كتبت بواسطة MOBARKI

حلقة روعه بروعة طعم البريت

الله عليك ام حسين كثري من الصور

فهي تروى العطاشا

يعطيك العافية

من ذوقك ياالمباركي
ان شاءالله بكثر منها ربي يسعدك من ذوقك
يعافييك ربي على المرور العطر
شكراا لك

توبليرون · 12-05-2015, 03:46 PM

اقتباس : المشاركة الأصلية كتبت بواسطة فارس من خيال

ماشاء الله تقرير لندني رائع من ام حسين
اشتقنا للندن وعسى نسترجع بعض من الذكريات من خلال صورك الجميله

متابعين معاك للاخر يامبدعه

الرووعه بمشاركاتكم اللي تسعدني
ان شاءالله القادم بيكون احلى
شكراا من ذوقك وما نجي بمستوى ابداعاتكم

توبليرون · 12-05-2015, 03:53 PM

اقتباس : المشاركة الأصلية كتبت بواسطة طارق عنايات

٦ صفحات وانا نايم بالعسل

حقك علي ام حسين تاخرت بالرد

الان تا شفت التقرير

رائع كالعادة إبهار وامتاع وتفاصيل تحسس الواحد انه زار المكان

الصور تزيد التقرير جمالا فلا تبخلي علينا

تسلم ايدك واكيد مستأنس و متابع معاك

افاااا مافي تاخير التقرير تقريريك يا اخوي
تسلم يابو اشرف من ذوقك
ان شاءالله بحط كل الصور اللي عندي
وتسلم على مرورك اللي يسعدني ويشرفنا اخ عزيز وغالي

توبليرون · 12-05-2015, 09:03 PM

السلام عليكم
ايها
العرب المسافرون..المملكة المتحدة

الحين بنكمل معاكم يوم الجمعه 9/ يناير
نشوف وين رحنا بعد ما شرينا خطوط التلفونات وكروت الباص

رحنا جهة الأكسفورد ستريت واول محطة باص لأ ثاني محطة باص اي

لأنها توصلنا لمكانا الاول

زينة الأكسفورد بعد احتفالات راس السنة
حسافة كانت منتهية الحتفالات بوقتنا ما شفنا الزينة كانو مطفينها
وحتى المهرجان والدوارف بالهايد بارك شايلينها
وبعضهم قاعد يشيل اغراضه

بالطريج للمحطة ......مقابلنا محل الكاكاو اللذيذ.....ومحل فودا فون المعروف

صور من الباص

شاشة الباص ومع جهاز صوتي ينبه الى الجهة اللي بيوصل لها
دايما يقولون اسم اخر محطة وصول

محل هانتر

العمارة الجميلة

وصلنا لساحة البيكاديلي وصور من الباص

ووصلنا اقرب شي لمكانا ونزلنا ....تقريبا الساعة 10 صباحا وأول صورة

شوفو مكانا ثاني مكان على الخريطة ......الكوفنت غاردن

وورا القائدة مستشارتنا

معلم تاريخي

لازم على طول تلاقون محلات كول بريطانيا للهدايا التذكارية

ووصلنا محلات الكوفنت غاردن البسطات او المحلات الشعبية ......نشوف بضاعتهم

اشتريت منهم دسوس لنا انا ودانه وغنومة شرت لها قبعة وكارفها الحين تشوفونها

اهم شي دفيت ايدي اللي ثلجت

ملابس صينية

وملابس عادية وعملية وجلديات اسعارها غالية

يا كثر الرحلات المدرسية بهاليوم ........على فكرة هو اول يوم دراسي عندهم اعتقد اول اسبوع بعد العطلة

هذه مو تبعكم جبيل

بائع البطاطا المشوية

ودخلنا السوق المسقف واللي فيه كافيهات تحت بالسرداب وفوق بعد

وهالفرقة دايما هني من سنين

ومانشوف بوحسين الا نازل عندهم ويتبسم لنا علشان نصوره ههههه
ربي يدوم هالروح والابتسامة على وجهه قولوا آمين

والكل يبتسم معاه

وهذه قعدات الكافيهات اللي فوق

ودخلنا محل ذكريات الطفولة لبنتي فرفر........ والسيدة ملعقة

رسمة بالجدار والمحل فوق نصعد له بدرج داخلي

وهذا بعد وانا أضعد وأضور

عجبتني القفاش نالوت الكيك ......بس ما اخذت منهم مادري ليش

شغلات حلوووة ....دانة تفكر شنو تشتري كذكرى

وهذا مشتراتي منهم صينية حقي .... وعلبة صغيرة خليتها للحبوب .....

ومغناطيس للثلاجة طلع حسابي 20 باوند مع ميدالية او ثنتين للبنات

وهني بعد ما طلعنا صورت لكم الكافيهات اللي تحت شكلهم يسوون خبز رقاق

طلعنا ورحنا ورااا بالمحلات الثانية

ما رحنا يمين بل رحنا سييييدة الى

محل آبل

وبعدهاااا الى

خليت البنات يشترون ....وانا صورت لكم بره تعرفون المبنى البيض كان الرجل

اللي يلعب بالدراجة في تقرير سفرتي السابقه شوفو الساعة جم صارت 11.20 الظهر

وهذه احلى فراولة ذقناها

وانا حبيتها

وحيااااااكم تفضلووو

ماتبوووون انا بأكل عنكم

رحنا هني

ما كملنا هني رجعنا على الكشكان اللي مقابل غوديفيا

عندهم شغلات حلووة بس ما نحتاجها

كشكات كثيرة على الجانبين داخلية وخارجية ....أعلبها صناعات يدوية

والسيل بكل مكان

دشينا ديزني ستور

وه وه يازييينه

يلا بنات المنتدى كل وحدة تختار شخصيتها

والا تبون النفانيف اختارواا على كيفكم

والشباب يلا ما صورت الا هذيل سامحونا .....

وطلعنا للساحة وزحمة حمام

وزحمة طلبة ومدرسينهم

وقعدنا نريح بهالكافيه عند هالخريطة

وهذا كبوس غنومة شرته وهي بردااانة ما لبست كوت قلعتها.....صارت متوحشة

المهم ادعوااا لها بعد اسبوعين بتدش امتحانات الثانوية العامة

ما طلبنا شي من الكافيه وقمنا بنروح نتغدى صارت الساعة 12.45

شفنا هذا بس صورناه

بوجهنا محطة الاندرقراوند

خليناها على يسارنا ورحنا يسارها بالشارع
وللحين المحلات كل مكان ماشاءالله

وخريطة ثالثة ......اللي يعرف اسماء الشوارع ما يضيع

ومحلات هني ومحلات هناك

وندخل هني وندخل هناك بس ما نطول

شارع روز ستريت

ووصلنا مبتغانا للعدا فايف غايز

سيبال فري ......فول سوداني مجانا

تتسلوون على ما يجهز طلبكم

صالة الأكل لهم

تسليتنا هههه مو يواعة الربع ابدااا

برادة البيبسي وتقدر تختار مذاقات مختلفة للبيبسي

اانا طبعا الأصلي وبس

مصب واحد والكتروني تختار اللي تبيه

وعادي تترس قلاصك مرة ثانية طبعا هلب يور سلف

البورغر بالأرقام ...يعني كل نوع برقم

والبطااااااااااااااط واااااااااايد قعد مكانه مع انه فريش ولذيذ بس كميته وايد

والبيبسي حضر

وجبة شخصية

وهذه البيف بورغر كلنا نفس الشي بس اعتقد البنات اختلاف بالصوص

نالكم بالشكل الصعم خياااال

الحمدلله كانت الوجبة لذييذة جدااا

طلعنا والى وييين سيرااا على الأقدام

نكمل معاكم باقي اليوم بالجزء القادم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صفحآت من حياتي فِ اسطنبول .. يناير 2015	م.عبدالرحمن	تركيا	73	06-08-2015 05:35 PM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM
ثلوج اسطنبول يناير 2015	فتاة الدمى	تركيا	39	06-05-2015 09:48 PM
الطايف احلى يناير 2015	آخـــرفـــرصـــة	بوابة السعودية	72	22-02-2015 04:17 PM
الفعاليات في دبي شهر يناير (1) / 2015	khalid	بوابة الامارات	31	29-01-2015 03:55 AM