السلام عليكم ..
اعضاء منتدى المسافرون العرب حبيت اشكركم على مواضيعكم وتقاريركم المفيده وجعلها الله في ميزان حسناتكم
وبحكم خبرتكم ارجو ترتيب رحلتي السفره لشخصين لمدة14 يوم
اول مره اسافر لهالمناطق سويسرا وفينا والمانيا
حجزت التذاكر بنهاية شهر7 ميلادي مادري شلون الاجواء هناك اخذ شتوي او الجو معتدل؟
مادري شلون تقسيمة الايام الهبوط والاقلاع بيكون في فينا
ابي فينا زملاسي سالزبورغ وميونخ وقارمش وسويسرا
حبيت اسال عن الميزانيه كم من غير سكن وتذاكر؟ وهل سويسرا غاليه؟؟لان ميزانيتي محدوده
وبخصوص السكن ابي رخيص واحجز بالبوكينق من الحين او قبل السكن بيوم؟؟
والسياره من وين اخذها من فينا سمعت ان ميونخ ارخص بس راح انزل في فينا اول
واحسن طريقه للحفظ الاحداثيات ؟؟ وماجلان افضل يكون ع الايفون؟؟ وشنو البرامج المهمه للسفر
ووشرايكم في السكن في الغابه السودا؟ وتجربة البارشوت في انترلاكن؟ +كهف سانت
ابي تقسيمتكم للمناطق ابي بحيرات شلالات قوارب دراجات
واسف ع الاطاله بس شلون تكون الرحله على طول اروح سويسرا وارد لميونخ وبعدها اقعد بالنمسا لين الاقلاع
او اقعد كم يوم وبعدها اروح لسويسرا وارد لفينا؟؟؟؟
ولكم جزيل الشكر،،

وعليكم السلام ورحمة الله وبركاته

اذا تريد نصيحتي فبرنامجك خله يقتصر على النمسا والمانيا فقط وبدون سويسرا وايضا بدون الغابات السوداء
لان سويسرا والغابات السوداء بعيد عليكم وايضا ميزانيتكم محدودة وسويسرا غاليه وانتوا مطار الوصول والمغادرة من فيينا

وانت تريد البحيرات والشلالات والقوارب وهذي كلها تلقاها في زيلامسي والمناطق اللي حولها
وممكن يفيدونك الخبراء في بوابة النمسا اكثر

يعطيك العافيه اخوي مقدام
قلت بما اني رايح ميونخ راح اكون قريب من زيرورخ بس لو اخليها 3 ايام بسويسرا تضبط؟؟؟؟
انا افكر بالمسافه راح يكون تعب عشان المنطقه بعيده او عادي؟؟
لاني ودي ازور انترلاكن وبحيرة لوزيرن ومادري كم تبعد قرية انجليبيرق؟؟

القرار يرجع كم
ولكن اشوف ان سويسرا بعيد عليكم ولاتنسى ان رجوعكم مرة اخرى الى فيينا
ولو كان رجوعكم من جنيف او حتى ميونخ فممكن تزورون سويسرا

مقترحي لخط السير اذا اردتوا ادخال سويسرا في المخطط

فيينا يومين - سالزبورج يومين - ميونخ يوم - لوزيرن 4 ايام - زيلامسي 4 ايام - فيينا اخر يومين

ومن لوزيرن تزورون انترلاكن يوم واحد وقمة تتلس وقرية انجيلبيرج يوم وزيورخ وشلالات الراين يوم

والافضل والاريح لكم يكون الجدول بدون سويسرا ويكون كالتالي
فيينا يومين - سالزيورج 3 ايام - ميونخ او جارميش يومين - زيلامسي 6 ايام - فيينا يومين

وشوف اللي يناسبكم وممكن تستشير خبراء النمسا في المخطط واكيد انهم بيعطونك الافضل

رأي الخبير مقدام رائع

لا ترهق نفسك بكثرة التنقلات خصوصا إنه عودتكم بتكون من فيينا

يعني رحلتكم كلها بتروح سفر ، فالأفضل تلغي سويسرا لأنه زيلامسي بالنمسا راح تغنيكم طبيعتها وجمالها عن سويسرا

السلام عليكم

انا عندي رأي ثاني اذا سمحت لي

ليش ماتكنسل فينا وتخليها جنيف الوصول او ميونخ وتصير رحلتك من ميونخ مثلا لغاية جنيف وترجع منها لديرتك

ميونخ يومين وتأجر السيارة بآخر يوم وتروح سالزبورغ او زيلامسي دايركت وتاخذ لك فيها 4 ايام وبعدها على لوزيرن مثلا او زيورخ مع اني ماانصحك بزيورخ لانها غالية وبترهق الميزانية عليكم لذلك تعوض عنها بانترلاكن او لوسيرن وبعدها على جنيف او ايفيان احلى ومنها تسلم السيارة في جنيف المطار وتقلع لرحلة العودة للديار بأذن الله


او العكس

يعطيك العافيه اخوي مقدام وغريق الشوق وفارس الجبيل على اقتراحاتكم ..
كان ودي تكون رحلتي الهبوط في فينا والاقلاع ميونخ بس تاكد الحجز ودفعت المبلغ
الهبوط والاقلاع فينا
بحاول ارتب جدولي بحيث اني ازور سويسرا لو يومين

السلام عليكم

اخوي مقدام اعطاك الخلاصة

لكن اذا انت مصمم على سويسرا، لازم تتحمل المسافات الطويلة

فيينا اول ليلة

من فيينا (8 صباحا) الى سالزبورغ (300 كم)وقف فيها الظهر وتمشى للعصر ومباشرة الى زيلامسي (90 كم) (4 ليالي) ارتاح يومين واليوم الثالث اذا حبيت روح سالزبورغ وارجع

من زيلامسي (8 صباحا) الى قرية هايدي (340 كم) (استريح وتغدى) والى انترلاكن (200 كم) (4 ليالي)

انترلاكن (8صباحا) الى شلالات الراين (180 كم) وبعدها الى ميونخ (300 كم) (ليلتين) تزور قارمش (80 كم) تاني يوم وترجع

من ميونخ الى فيينا 430 كم (3ليالي)

كدة 14 ليلة بالتمام والكمال