تجديد فيزا شنغن من سفارة غير السفارة الاولى ممكن ؟ وجواز ينتهي بعد السفر بثلاث شهور !

Tharmadawe · 08-05-2015, 07:27 PM

السلام عليكم ورحمة الله وبركاته

كيف حالكم جميعا ؟

في البداية ما كان ودي ان اول مشاركة لي في هالبيت الجديد تكون استفسار وكان ودي افيد الناس بتجربه قبل ,, لكن الظروف ما سمحت

لي تجربة مع الالمانية السنة اللي راحت بس ما بغيت ارجع اطرحها كان ودي اتكلم عن تجربتي الجايه هالاسبوع لكن اضطرينا نسال قبل التقديم

السنة اللي راحت جتني فيزا المانيه 3 شهور وولد خالتي عطوه سنه اتوقع بسبب ان ابوه كان عنده فيزا شنغن وفزعت له , لكن الله يهديه شاف الاستكر 90 يوم حقت مدة البقاء ماشاف التاريخ وقال انها ثلاث شهور مثلي

يوم جينا امس نعبي الاوراق جا يعبي سؤال فيزا سابقه وتواريخها انتبه وقال فيزتي بتتعارض مع السفره ( بدري يالحبيب )

والحين باذن الله لنا سفره تبدأ من 6/8/2015 وتنتهي 22/8/2015 الفيزا اللي عنده بتنتهي في 9/8/2015 سؤالي هو حنا حجزنا موعدنا عالفرنسية يوم الاثنين باذن الله هل يقدر يقدم على الفرنسية مع انه بداية السفره بيكون فيه فيزا سارية المفعول من سفارة ثانيه ؟ او يحتاج انه يرجع يقدم على الالمانيه ؟

السؤال الثاني بعد انتبهت انه الله يهديه جوازه بينتهي نهاية السنة تقريبا اذا ماخاب ظني يوم 17/12/2015 من ناحية بعد خروجنا من بلد الشنغن بيكون اكثر من ثلاث شهور ان شاء الله تمشي امور الفيزا ولا ؟ لكن قريت اذا ما خاب ظني اخونا الغالي آخر فرصه في رد له على استفسار لاحد الاخوان انه ما يقدر يسافر اذا باقي اقل من ست شهور في جوازه حسب نظام الجوازات عندنا في السعودية

فهل يقدم ولد خالتي واذا خذ الفيزا ودخل جوازه مرحلة الست شهور يروح يجدده ووقت السفره ياخذ الجديد مع القديم اللي فيه الفيزا سارية المفعول ؟

والا لازم يجدد جوازه قبل حتى يقدم على الفيزا ؟ مع ان جوازه ما راح يدخل مرحلة الست شهور عشان التجديد الا بعد شهر واسبوعين من اليوم تقريبا ؟

ويعطيكم العافية وادري موضوعي طويل عشان استفسارين بسيطه لكن من النوع اللي اذا كتبت امسك خط الله يهديني ما اعرف اوقف

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار بسيط عن فيزا بريطانيا السياحية لأكثر من 6 شهور	rawan456	فيزا بريطانيا	8	15-05-2018 01:32 AM
كشف حساب 3 شهور فيزا المملكة المتحدة	ريلاكس مان	فيزا بريطانيا	13	25-03-2018 04:21 AM
تجربتي في استخراج فيزا شنغن من السفارة الفرنسية	نجود	فيزا	12	02-07-2015 05:12 PM
تم تحديد موعد السفر ولدي عدة استفسارات	مخاوي بحر	بوابة البوسنة	1	15-04-2015 05:11 AM
بخصوص تأشيرة شنغن من السفارة الألمانية	ابوجوانا	فيزا	6	31-03-2015 02:19 PM