وينكم ياخبراء المانيا

noraaa · 09-05-2015, 01:18 PM

السلام عليكم ورحمه الله وبركاته
لوسمحتوا ابي مساعدتكم بالتخطيط لسفرتي الي المانيا وراح يكون الوصول والمغادره من مطار فرانكفورت ومده السفره تقريبا 24 يوم
وشكرا

Azzam · 09-05-2015, 08:48 PM

وعليكم السلام

اهلا بكي اختي بيننا

ابشري بس 24 يوم في المانيا كثيرة عليها بس عندي ليك مخطط ان شالله راح يعبجك

المخطط الاول يتضمن
المانيا و هولندا و بلجيكا و فرنسا و سويسرا
المخطط الثاني
المانيا و النمسا و سويسرا

هل يوجد ايجار سيارة لمدة الرحلة ؟

noraaa · 09-05-2015, 10:14 PM

وأخيرا أحد رد علي
يسلموا اخ عزام علي الرد
اي إن شاءالله راح إنأجر سياره

Azzam · 10-05-2015, 01:32 AM

الاعضاء فيهم الخير والبركة وابشري ياغالية

المخطط الاول
المانيا - النمسا - سويسرا

فرانكفورت 2 - بادن بادن 4 - ميونخ 3 - زيلامسي 6 - ماينفلد 1 - انترلاكن6 - فرانكفورت 2

فرانكفوت وصل والراحه فيها
بادن بادن يمكن زيارة اليورب بارك و سترابورغ الفرنسية وبحيرة تستسي وغيرها من الاماكن القريبة من بادن
ميونخ بمكانكم تخصصو يوم لقارمش الالماينه وايضا زيارة بعض الامكان في ميونخ
زيلامسي تكفيها 6 ايام لزيارة الاماكن السياحية فيها وايضا الامكان القريبة منها مثل سالزبورغ وغيرها
ماينفلد هي في المنتصف بين زيلامسي وانترلاكن لان المسافرة بينهم تقريبا 6 ساعات
وفي ماينفلد يمكنك زيارة قرية هايدي السويسرة
وبعدا الانتقال الي انترلاكن وزيارة الامكان السياحية فيها وتلاقيها في البوابة السويسرة
وبعدها الي فرانكفورت تسليم السيارة والتسوق فيها

المخطط الثاني
المانيا - هولندا - بلجيكا - فرنسا - سويسرا

فرانكفورت 2 - دوسلدورف 3 - أمستردام 3 - بروكسل 2- باريس 4 - انسي او جنيف 2 - انترلاكن 6 - فرانكفورت 2

فرانكفورت للراحة واستجار السيارة
دوسلدورف وماحولها وايضا زيارة كولن المسافة ويمكن الاختيار بينهم في السكن وفي تقرير عنها في نفس البوابة الالماينه
أمستردام يمكن ايضا تخصص يوم كامل جيثورن الهولندية وغيرها من الاماكن السياحية مثل عالم واليبي هي العاب ترفيهيه تبعد عن هولندا ساعه
بروكسل وما حلوها
باريس في الطريق المتجهين فيه من بروكسل الي باريس تقدري تزوري دزني لاند وتقضي يوم فيها لان المسافة بين دزني وباريس تقريبا نص ساعه
انسي او جنيف
وانا افضل انسي لانها ارخص بالسكن وايضا الاماكن السياحية فريبة منها
بعدها انترلاكن وماحلوها وفي الاخير فرانكفوت تسلمو السيارة وتقضون يوم للتسوق

ان شالله اني افتك واذا احتجتي اي استفسار لا تترددي والاعضاء فيهم الخير والبركة

noraaa · 10-05-2015, 07:22 PM

يعطيك العافيه أخ عزام عجبتني إجابتك وشرحك بالخريطه واضح حسيتك فهمت شنو ابي كنت ابي الروحه والرده بمناطق مختلفه بس ممكن تقولي كم يبعدون عن بعض المناطق بالساعات أدري تعبتك معاي
واذا ابي اخذ رايك شنو احلي المخطط الاول او الثاني لأني إحترت بينهم
وشكرا مره ثانيه

Azzam · 10-05-2015, 07:38 PM

هلا اختي ما سويت الا الوجب

اذا مازرتي قبل كذا النمسا وسويسرا انا ارشح لك المخطط الاول وبقوة اما اذا زرتيها قبل كذا ارشح المخطط الثاني

بخصوص المسافات ابشري بس الاول اختاري خط السير وراح افصلها ليكي ان شالله بالتفصيل

noraaa · 10-05-2015, 08:29 PM

اي اول مره ازور المانيا
خلاص باخذ بنصيحتك وبختار المخطط الأول

Azzam · 10-05-2015, 08:42 PM

تمام وان شالله خيار ممتاز وباذن الله راح تكون رحلة موفقة

المسافات
فرانكفورت الي بادن بادن
ساعه ونص 175

من بادن بان الي ميونخ
ثلاث ساعات 320 كلم

من ميونخ الي زيلامسي
ساعتان 167كلم

من زيلامسي الي ماينفلد
4 ساعات 341كلم

من ماينفلد الي انترلاكن
ساعتان 190كلم

من انترلاكن الي فرانكفورت
اربع ساعات و20 دقيقة 477 كلم

هذي المسافات بينهم

noraaa · 10-05-2015, 10:43 PM

يعطيك العافيه أخ عزام ماقصرت علي سرعه الرد
دام المسافه ساعه ونص بين فرانكفورت وبادن بادت مو احسن اطلع لها علي طول من المطار لأن وصولي لفرانكفورت إن شاءالله راح يكون عالصبح إشرايك
وبغيت أسألك عن منطقه بريتساو اشرايك فيها اضيفها ولا لا
وشكرا للمره المليون

Azzam · 10-05-2015, 11:29 PM

هو الافضل مدام وصولكم في الصباح كذا يكون مباشرة الي بادن بادن وايام فرانكفروت تضيفوها الي بيرتساو

المسافة بين زيلامسي الي بيرتساو ساعه و 55 دقيقة تقريبا 121كلم
والمسافة بين بيرتساو الي منفليد تقريبا ثلاث ساعات تقريبا 246 كلم

بكذا يصير خط سيرك كا الاتي

فرانكوفرت وصول فقط
بادن بادن 4
ميونخ 3
زيلامسي 6
بيرتساو 2
ماينفلد 1 للراحة
انترلاكن 6
فرانكفورت 2

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إستفسارات عن المانيا	kanari212	بوابة المانيا	4	09-08-2015 09:18 AM
اريد افضل العروض ياخبراء	AHMAD7-7	تركيا	3	27-05-2015 07:21 AM
الفزعة ياخبراء النمسا	خالد القرني	بوابة النمسا	3	17-05-2015 01:15 PM
اقترحولي جدول في المانيا	jisla	بوابة المانيا	6	07-05-2015 01:21 AM