رحلتي الجميله لطوكيو 2015 - الصفحة 16

هداوه · 17-06-2015, 02:29 AM

اقتباس : المشاركة الأصلية كتبت بواسطة فيصل

مساء الخير
المطعم له عدة فروع وقرأت تجربه كويتيه متنقله في بوابه مطاعم لندن

زين شنو الحكمه من اللي مسوي تاتو ما يعمل مساج هل هو مثلا يضر

مساك الله بالنور

الصراحه أول مره أسمع عنه

والله أنا شراتك ما أعرف شو السبب وشو الضرر

وحاولت أعرف منهم بس يقولولي ممنوع وع فكره هاي أول مره حد يقولي ممنوع وانا متحنيه

اقتباس : المشاركة الأصلية كتبت بواسطة Prince Kytu

LaQua Dome City من الأماكن الجميلة ودايما أزورها في اليابان
وبهذي المنطقة موجود كافيه وادي الأمان حلوياتهم روعة
وبالنسبة لمطعم Bubba Gump اكتشفت انهم يستخدمون الكحول في الطبخ في بعض أنواع الأطباق مو كلهم
فأنصحكم تطلبون منهم المنيو الخاص إلي بدون كحول ><"
والله يسامح مدير مطعم هذا الفرع يقولي أنا مسلم ووايد مسلمين ياكلون عندي بس مشكلة المطعم مو مطعم حلال فطريقة الطبخ نستخدم كحول شويه وهو يتبخر
ويعطيج العافية أختـي على الجزء الجميل من التقرير

سمعت عن كافيه وادي الامان بس مادورته لأانه كنا شبعانين

اتفاجأت بكلامك ، الصراحه نحن ماسألنا ماخطر في بالنا هالشي وقلنا مطعم سي فود

خلاص هذا مسموح ، والمفروض كونه مسلم انه ينبهنا الله يسامحه في ذمته

ع العموم الاكل كان لذيذ هههههههههه

الله يعافيك وانا سعيده بمتابعتك ومشاركاتك المفيده

شكرا

اقتباس : المشاركة الأصلية كتبت بواسطة ام ميلاد

حلوه منطقه المطعم .. مول وكوفيات.. ومساج..حبيتها

الاكل شكله لذيذ .. بالعافيه عليكم

الله يعافيج قلبووو

المنطقه وااااايد جميله ووايد استانسنا فيها

هداوه · 17-06-2015, 02:33 AM

جولتنا الثانيه في اليوم 3

بعد ماخلصنا الدوم سرنا روبنجي هيلز

معلومات جمعتها عن هاي المنطقه

حي روبونغي لا ينام فهو مليء بالملاهي الليلية والمطاعم الراقية

يتشكل مثلث وروبونغي الفني من المركز الوطني للفنون ومتحف موري

ومتحف الفن الحديث، في حين يتميز مجمعي التسوق

وتناول الطعام روبونغي هليز وطوكيو ميدتاون الحديثين بأجواء خاصة.

منطقة روبونجي مغطاة ومناسب زيارتها في الاوقات اللي الجو فيه ممناسب

اوقات العمل :

10:00 to 23:00

10:00 to 25:00 Friday and Saturday,

فيه السكاي ديك هو السطح

ممكن رؤية طوكيو من فوق واذا كان الديسك مسكر ممكن نسير الطابق 52 ونتفرج ع طوكيو

وفي نفس المول فيه مطعم هندي اسمه مطعم ديا وفيه بعض الوجبات حلال

تفاصيل هاليوم

كان هذا خط سيرنا

من

Tokyo Dome City：東京ドームシティ

محطة طوكيو دوم

(Suidobashi Station：水道橋駅)

الى

Hibiya Station日比谷駅

أعتقد عشان نسير نحطة هايبيا لازم ننزل في هاي المحطه

ونبدل هنيه وعقب ناخذ خط هايبيا اللي يودينا لمحطة روبنجي هيل

- Mita Line bound for Shiroganetakawa

都営三田線白金高輪行き

Hibiya Station 日比谷駅

to Roppongi Station 六本木駅

وصلنا منطقة روبنجي هيل ودخلنا في مكان شرات مول كبير

وفي ساحته مجسم عنكبوت كبير

وفي هالمكان متحف ومحلات ومطاعم

تمشينا شوي وتصورنا وتمللنا بصراحه وتندمنا انه طلعنا من طوكيو دوم

حسينا هاذيج المنطقه أشرح وأحلى وهاي ماحبيناها وايد

الحين نشوف الصور مع بعض

مخطط لروبنجي هيلز

من طلعنا من المحطه ومشينا شوي الا نشوف المبنى اللي مكتوب عليه روبنجي هيلز

دخلنا وشفنا هالمجسم جدامنا

عاد سوينا حركات استهبال وصورنا لين شبعنا

ماكان عندنا رغبه ندخل متاحف

دخلنا وتفرجنا شويه ع المحلات الموجوده

يطل علينا برج طوكيو بس ماحسيته قريب انه نسير نمشي لين عنده

ماتمشينا وايد صوب المحلات بس شويه ع السريع

وماحبينا ننزل نشوف المطاعم لأنه بعدنا شبعانين

والاهم انه حاجزين بنتعشى في مطعم الننجا

حصلنا ستاربكس ويلسنا فيه شبكنا ع النت وكل واحد انشغل بفونه

لين ايي الوقت المناسب ونسير صوب المطعم

وانتهت جولتنا هاي واللي ماحبيناها وايد

انتظروني في مطعم الننجا

الايمانمعجبون بهذا.

عاشقة مسقط · 17-06-2015, 09:27 AM

يعطيكي العافية أم عيسى

أجزاء حلوه و الصور أحلى

و مطعم السي فووود عذاااب،،، شكله الكحول بعد محلي الطعم

منتظرين نشوف الجدر الياباني الجديد و أكلاتك

كل عام و انتم بخير و رمضان مبارك
انا جالسة أقاوم نفسي عشان ما ادخل موضوعك الجديد (ما لذ و طاب)،،، رمضان هذا قررت أخليه عباده و ريجيم

سوسو الصغيرة · 17-06-2015, 06:43 PM

بالعافية عليكم
شكل المطعم من ربع قوم تشيليز و فرايديز
محل Loft و ليس مول له فرع في بانكوك في سيام ديسكفري عنده من الخراوشين اللى نحبها خخخخخخ
منطقة الدوم تنصحين فيها ...
و هل كل شي فيها
يعطيج العافية يا ام عيسى

فيصل · 17-06-2015, 10:15 PM

يعني ما تنصحين بزياره الجزء الثاني هذا

عسي المطعم كان اختياره رائع ومعوض عن رحلات اليوم

هداوه · 20-06-2015, 01:33 AM

اقتباس : المشاركة الأصلية كتبت بواسطة عاشقة مسقط

يعطيكي العافية أم عيسى

أجزاء حلوه و الصور أحلى

و مطعم السي فووود عذاااب،،، شكله الكحول بعد محلي الطعم

منتظرين نشوف الجدر الياباني الجديد و أكلاتك

كل عام و انتم بخير و رمضان مبارك
انا جالسة أقاوم نفسي عشان ما ادخل موضوعك الجديد (ما لذ و طاب)،،، رمضان هذا قررت أخليه عباده و ريجيم

الله يعافيج

وانتي بالف خير وصحه وسلامه

كان لذيذ

الجزء الياي بخبركم عن مغامراتي وياه

لاتقاومين أدخلي الاكل اللي فيه مخصوص حق اللي يبون يسون رجيم

اقتباس : المشاركة الأصلية كتبت بواسطة سوسو الصغيرة

بالعافية عليكم
شكل المطعم من ربع قوم تشيليز و فرايديز
محل Loft و ليس مول له فرع في بانكوك في سيام ديسكفري عنده من الخراوشين اللى نحبها خخخخخخ
منطقة الدوم تنصحين فيها ...
و هل كل شي فيها
يعطيج العافية يا ام عيسى

الله يعافيج

لاماحسيت من ربعهم ، هاذيل غير

تحسبته مول

لأنصح فيها وبقوه

اقتباس : المشاركة الأصلية كتبت بواسطة فيصل

يعني ما تنصحين بزياره الجزء الثاني هذا

عسي المطعم كان اختياره رائع ومعوض عن رحلات اليوم

لا ما انصح بريبونجي هيلز

اليوم بتيك العلوم

هداوه · 20-06-2015, 01:35 AM

نتابع جولتنا الأخيره في اليوم 3

عقب ماخلصنا من روبنجي هيلز سرنا المحطه متجهين لمطعم اسمه الننجا

قبل خلوني أخبركم عنه

قبل لا أسافر اليابان تعرفت ع ناس كانوا سايرين اليابان وقالولي لاتفوتين مطعم الننجا

وعن طريق الانستغرام واحد وصاني اسير هالمطعم بدون مايشرحولي عنه شي

وانا قلت لازم أزوره وأشوف شو هالمطعم الفلته

وهالمطعم ماتقدرون تزورونه الا بالحجز حسب ماسمعت

كلمت سايا وقلتلها احجزيه لنا في هاليوم وحددنا الوقت

وهاي المعلومات اللي قدرت أطلعها عنه

مطعم الننيجا

NINJA kASAKA

Ninja Dinner Theater in Tokyo

DINING THEATER-NINJA is a theatrical restaurant

where guests can enjoy a live Ninja show as well as aesthetic

food and drinks. The Ninja show combines magical

images utilizing projection mappingamazing acrobatic dancing and dynamic wire-

stunt battleaction.

. Ninja appear and visit guests during the

meal right at

their table. Guests can also take photos of

the ninja's performances.

المكتوب شي واللي شفناه شي ثاني

ما أدري هل نحن ماعجبناهم وماكان لهم بارض علينا أوهم

خرطي ودعايه ع الفاضي

تفاصيل هاليوم

طلعنا من محطتنا اللي روبنجي هيلز الى

المحطه اللي بتنزلنا عند مطعم الننجا

من ..

Roppongi Station (六本木駅) to

Kasumigaseki Station (霞ヶ関駅)

- Hibiya Line bound for Kitakoshigaya

(東京メトロ日比谷線北越谷行き)

وصلنا المحطه المطلوبه ونزلنا في اتجاه المخرج

تعجبني ثلاجاتهم تحصلون وايد حركات فيها ، مثل هاي

ثلاجة فواكهه

وفي منها عصائر ومنها عصير جرين تي ودوم سايا تشرب منه وجربته مره

تحملته وهو بارد وشربته بس من فتر طلع مر ومب حلو

عقب مانزلنا ومشينا في الشارع شفت هالمحل واعتقد هو

معروف بالاجهزه الاكترونيه

شفنا محل تركي في ويهنا وياليت دخلناه

وصلنا المطعم

وكان هذا في استقبالنا

المطعم ديكوراته سودا من برع وتخيلوا بعد من داخل

قال أصبروا ويانا واحد متلثم ودخلونا المطعم

وكانت صدمتنا الاولى فيه

المكان شبه مظلم ، ممرات ضيقه وسودا

والصراحه في لحظه كنت بغير رآي وبقولهم أبا أطلع من المطعم

وياليت قررت هالقرار

مشينا في الدهاليز وأحس عيالي مب عاجبنهم الوضع

وعقب وقفونا في منطقه وفيها مثل جسر وقبل لانعبر سوولنا حركات استهبال

عبرنا ودخلونا غرفه خاصه اللي فيها طاولتنا

أعوذ بالله من المكان يكتم ع القلب

يلسنا ونحن مب عاجبنا الوضع حتى ماصورنا وايد

ولما يلسنا يانا واحد ملثم وعطانا المنيو ولما خبرناه انه نبا

الوجبات اللي بدون كحول ولاخنزير

تفاجأنا انه الاختيارات جدا قليله

الصراحه قلنا بنطلب أي شي بس نطلع من هنيه

وسايا استأذنت عشان بيفوتها القطار وهي تأخرت

رخصناها بعد ماطلبنا من المنيو

وكانت هاي طلباتنا

سوالنا حركات غبيه بالسيف حق هاي السلطه

وطلع دخان منها

عاد ضحكنا يوم يينا بناكلها شفناها شويه ونحن نتحسب الجره متروسه سلطه

رأيي في الاكل

اتعس أكل كلته في هاي السفره

رأيي في المطعم

أتعس مطعم دخلته ومايستاهل العنوه

انتهت جولاتنا في هاليوم

واجمل مكان استانسنا فيه كان الدوم

وهو حلو من كل النواحي

اما باقي الاماكن ماكانت هاك الزود

تابعوني
في اليوم الرابع اليوم الرائع من بدايته لين نهايته

الايمانمعجبون بهذا.

Prince Kytu · 20-06-2015, 02:11 PM

مطعم النينجا كنت بجربة بس ما حصلت لي الفرصة
ولكن هل الأكل ما عبجكم لأن الأكل ياباني ؟
وشلون كانت قيمة الأكل ؟
وبالنسبة للعروض إلي ذاكرينها اهم قصدهم الحركات إلي قاعدين يسوونها والبخار والنار إلي يطلع من الأكل (حسب الطبق) والديكورات
ويعطيج العافية أختـي على التقرير وإن شاء الله كان اختياركم للمطاعم أفضل في باقي أيام الرحلة

هداوه · 20-06-2015, 03:50 PM

اقتباس : المشاركة الأصلية كتبت بواسطة Prince Kytu

مطعم النينجا كنت بجربة بس ما حصلت لي الفرصة
ولكن هل الأكل ما عبجكم لأن الأكل ياباني ؟
وشلون كانت قيمة الأكل ؟
وبالنسبة للعروض إلي ذاكرينها اهم قصدهم الحركات إلي قاعدين يسوونها والبخار والنار إلي يطلع من الأكل (حسب الطبق) والديكورات
ويعطيج العافية أختـي على التقرير وإن شاء الله كان اختياركم للمطاعم أفضل في باقي أيام الرحلة

يمكن أنا ماوضحت الفكره عدل

بالنسبه للاكل مب بس ماعجبنا انما الاختيارات كانت جدا محدوده لنا لأنه أغلب اكلهم فيه خمور

الناس اللي اقترحوا علينا أكل ونصحونا فيه كانوا مسيحين وأكيد عادي عندهم ياكلون أكل فيه خمور وعشان جيه يمكن أطباقهم كانت حلوه

بالنسبه لنا نحن فلاختيارات المتوفره كانت تعيسه والاكل مب لذيذ والسلطه كانت يعني وشويه

طبعا مثل هاي المطاعم تكون غاليه نوعا ما وفي نظري ماكان يستاهل

وديكورات المطعم كانت مب حلوه وتسد النفس وكئيبه واغلبها اسود في أسود

بالنسبه للعروض أصلا ماكانت في عروض مجرد حركتين سواهم وكلهم سخيفات وبايخات وكأننا يهال جدامهم

في نظري حتى عروضهم بايحه مب بالمستوى المطلوب

طبعا هذا رآيي ورأي اسرتي وممكن انتوا تجربونه ويعجبكم

الله يعافيك وانا مبسوطه ع اسئلتك لأنك خليتني أوضحلكم أكثر

فيصل · 20-06-2015, 06:38 PM

واضح انك مره قافله الأخلاق معاك من هالرد

سوالنا حركات غبيه بالسيف حق هاي السلطه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى جورجيا يونيو 2015	Fahad Mandi	بوابة جورجيا و اذربيجان	115	11-07-2018 12:02 PM
الطيور الجميله	أبوهمس	بوابة اثيوبيا	8	16-07-2015 11:11 PM
رحلتي إلى تركيا 2015 ( #اليوم_الثاني )	المصور أحمد المعراج	تركيا	12	08-06-2015 10:49 AM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM