رحلتي الجميله لطوكيو 2015 - الصفحة 8

سوسو الصغيرة · 18-05-2015, 10:09 AM

يا سلام عليج يا ام عيسى
هههههههههه حليلك يا شين
لو قلتيله من قبل جان رتب عمره الريال
هههههههه سايا اكيد تعرف شوية عربي من العرب اللى شافتهم في الطيارة
طبعا ما طلعن الصور الحين ... لكن بشوفهم في البيت مب مشكلة
ام عيسى ما كنتي خايفة من السفر بروحج ويا البنات و الا الموضوع عادي

هداوه · 18-05-2015, 01:41 PM

اقتباس : المشاركة الأصلية كتبت بواسطة ام ميلاد

ههههههههههه.. ماتنلام يوم تتعلم عربي ... من الدلع والوناسه اللي شافتها
شكلها ناويه تحترف المهنه

ماشاء الله يام عيسى .. من قدك سيارتين باستقبالك
والله تستاهلين .. كم عندنا من هداوي

واااصلي متابعينك

هههههههههههههههههههههههههههههه

هي تقول تبا تتعلم عشانا ، تبا تفهم رمستنا

يوم كنا هناك ونرمس بعض ، تقول انتوا ترمسون بسرعه شو تقولون ؟

لو محد استقبلنا كنا أكيد بناخذ تكسي ، وتكاسيهم نااار غاليه وايد

والصراحه ما أدري اذا من مطار هانيدا فيه باصات أو محطة قطار قريبه

اقتباس : المشاركة الأصلية كتبت بواسطة سوسو الصغيرة

يا سلام عليج يا ام عيسى
هههههههههه حليلك يا شين
لو قلتيله من قبل جان رتب عمره الريال
هههههههه سايا اكيد تعرف شوية عربي من العرب اللى شافتهم في الطيارة
طبعا ما طلعن الصور الحين ... لكن بشوفهم في البيت مب مشكلة
ام عيسى ما كنتي خايفة من السفر بروحج ويا البنات و الا الموضوع عادي

هذا مستد حتى يوم عزمناه وحددناله اليوم اللي يناسبنا اعتذر وقال انا مشغول

وحتى الهديه ماشكرني عليها شكله استرزاها هههههههههههههه

لاماكانت تعرف ولاكلمه

الظاهر كانت تسير ع الرحلات المتجه لليابان وهاذيل أكثرهم يابانبه وأجانب والعرب قليلين

لا الحمدالله عديت حاجز الخوف من سنوات طويله ، وعادي أقدر أسافر بروحي وبدون أي حد

دامنه عندج لغه وخبره فالامر يكون عادي وخصوصا اذا البلد تعرفينها وآمنه

بس تصدقين عمري ماحلمت بالسفر بروحي أحب يكون معاي لو مرافق واحد

كتكات783 · 18-05-2015, 07:49 PM

بعد الثراااااء المعلوماتي عن اليابان ..

بدأت الراااائعة ( أم عيسى ) بنَظْم يومياتها ماركة ( هداوة ) ..

بداية جميلة لأول أيامك اليابانية .. الفندق جدا أنيق ويكفي تقييمك الإيجابي له ..

الجدول ماشاء الله مميز ومتنوع .. ننتظر هل تم تطبيقه تماما ..

خلال تجربتك .. هل المرشدة ذات أهمية .. إذا درس الشخص اليابان جيدا قبل السفر ..

بانتظارك أم عيسى .. لك من التقدير أجلّه ..

هداوه · 19-05-2015, 02:17 PM

مساكم الله بالخير

وين الجماعه أشوفكم اختفيتوا

اقتباس : المشاركة الأصلية كتبت بواسطة كتكات783

بعد الثراااااء المعلوماتي عن اليابان ..

بدأت الراااائعة ( أم عيسى ) بنَظْم يومياتها ماركة ( هداوة ) ..

بداية جميلة لأول أيامك اليابانية .. الفندق جدا أنيق ويكفي تقييمك الإيجابي له ..

الجدول ماشاء الله مميز ومتنوع .. ننتظر هل تم تطبيقه تماما ..

خلال تجربتك .. هل المرشدة ذات أهمية .. إذا درس الشخص اليابان جيدا قبل السفر ..

بانتظارك أم عيسى .. لك من التقدير أجلّه ..

ياهلا فيك أخوي كتكات

ع فكره لك هديه من اليابان

كتكات عمرك ماكلت منه أصناف وايد متنوعه ومنها الحلو ومنها اللي يلوع بالجبد بحطه لك في الاجزاء اليايه

بالنسبه للمرشده يعتمد ع الشخص اذا فهيم وعنده خبره وعنده لغه ممكن مايحتاج مرشد

بس نحن رغم كل مقومات الفهامه اللي فينا الا اني حسيت اني محتاجتلها حق كم يوم لعدة اسباب

أولها انه بنختصر الوقت وبنزور أماكن أكثر ، لأنه لو بروحنا أكيد بنضيع وبنخبص وبياخذ وقت منا

ثاني شي وايد أماكن ماكنت أعرف محطاتها

ثالث شي وهذا مهم بالنسبه لي اني كنت خايفه من موضوع الاندرجراوند ولكن من تجربتنا حسيته شرات لندن

يعني سهل ومتعودين نحن عليه بس يكفي تعرف المحطه المطلوبه وبعد هناك في المحطات الموظفين يساعدونك

راوهم المحطه اللي تباها وهم يجهونك ع أي لاين واذا فيه تبديل

بس الصراحه المرشده وايد ساعدتني

الايام اللي ما تكون فيه معانا تكون مخبرتني أي محطه اسير ووين أنزل واذا فيه تبديل

وحتى كانت تحجزلنا الباص لبعض الاماكن

يعني هيه ماخلتني أدور وأحتار وأسأل كانت مجهزتلي كل شي رغم انه ممطلوب منها الا ترتب الايام اللي بنكون معاها

وهالشي وايد نفعني ووفر علينا جهد ووقت

ام ميلاد · 20-05-2015, 02:49 AM

اهلييين

اقول هداوي.. دام الجماعه اختفوا..كملي التقرير على الخاص

|القحطاني| · 20-05-2015, 03:45 AM

ما شاء الله إيش فيه من معلومات ههههه

والله أشياء كثيرة و مهمة جدا

الله يعطيك العافية

فيصل · 20-05-2015, 06:16 AM

ما قصرتي علي الشرح والتفاصيل
يعني رجل اعمال ويساعد الناس ويرد ين تلقاها فيه هالوطنيه
قرأت من قبل أن فيه لهم موقع أعتقد كثير يعرضون خدماتهم وبمقابل بسيط
صحيح الفكره تغيرت عن قبل من غلاء الاسعار في اليابان
الله يسخر لعباده الأخيار
متابعين معاك

وجهات أوروبية · 20-05-2015, 05:52 PM

ماشاء الله تبارك الله ام عيسى ابداع والله
هذا تقرير ودليل سياحي بنفس الوقت يفيد الكثير من الناس بالرغم من قله المعلومات السياحيه عن اليابان وتقاريرها وهذا يزيد التقرير قوه
وقوه اصلا في ان ام عيسى صاحبه التقرير المميز

فندقكم في طوكيو شكلله فخم وروعه وراقي جدا احييكم عليه

متابعينج عن قرب واصلي ابداعج

تحياتي

هداوه · 20-05-2015, 09:08 PM

اقتباس : المشاركة الأصلية كتبت بواسطة ام ميلاد

اهلييين

اقول هداوي.. دام الجماعه اختفوا..كملي التقرير على الخاص

ههههههههههههههههههههههههههههه

فكره حلوه الظاهر جيه بسوي

وبعطيج معلومات وبخبرج قصص هم مابيعرفونها

اقتباس : المشاركة الأصلية كتبت بواسطة |القحطاني|

ما شاء الله إيش فيه من معلومات ههههه

اقتباس : المشاركة الأصلية كتبت بواسطة |القحطاني|

والله أشياء كثيرة و مهمة جدا
الله يعطيك العافية

الله يعافيك وينك مختفي

مسجلتنك غياب

اقتباس : المشاركة الأصلية كتبت بواسطة فيصل

ما قصرتي علي الشرح والتفاصيل

اقتباس : المشاركة الأصلية كتبت بواسطة فيصل

يعني رجل اعمال ويساعد الناس ويرد ين تلقاها فيه هالوطنيه
قرأت من قبل أن فيه لهم موقع أعتقد كثير يعرضون خدماتهم وبمقابل بسيط
صحيح الفكره تغيرت عن قبل من غلاء الاسعار في اليابان
الله يسخر لعباده الأخيار
متابعين معاك

وينك طولت الغيبه

ما اعتبرها وطنيه كثر ما أعتبرها حبا فينا

هيه الحمدالله تسخرت وتسهلت لنا

اقتباس : المشاركة الأصلية كتبت بواسطة qa6ar911

ماشاء الله تبارك الله ام عيسى ابداع والله

اقتباس : المشاركة الأصلية كتبت بواسطة qa6ar911

هذا تقرير ودليل سياحي بنفس الوقت يفيد الكثير من الناس بالرغم من قله المعلومات السياحيه عن اليابان وتقاريرها وهذا يزيد التقرير قوه
وقوه اصلا في ان ام عيسى صاحبه التقرير المميز

فندقكم في طوكيو شكلله فخم وروعه وراقي جدا احييكم عليه

متابعينج عن قرب واصلي ابداعج

تحياتي

وأخيرا طليتوا عليه

عانيت من الوحده

شكرا ع كل الكلام الجميل اللي أسعدني

بالنسبه للفندق صح هو حلو وموقعه ممتاز بس الفندق الثاني أحلى وأحلى

تابعوني وبتعرفون عنه

هداوه · 20-05-2015, 09:14 PM

اليوم الاول في طوكيو

قمنا متأخرين من النوم

صباح الخير طوكيو

هذا المنظر من شباك غرفتنا

وجهزت الريوق

طبعا انا يايبه انواع من الخبز

اللبناني والخبز الايراني حق أول يومين

وعندي نيه أسوي مرقوقه

بالاضافه الى عدة الريوق من الاجبان والعسل الطبيعي

والزيتونات والزعتر والجام وكل لوازم الريوق

ومانسينا أنواع الشاي والنسكافيه

تايبه من أيام كوريا ، هاي المره مستعده عدل

لأنه بوعيسى كان واصل قبلنا أمس فهو كان يايب من

السوبرماركت فواكهه وماي وخفايف

عقب ماتريقنا طلعت مع بوعيسى نتمشى في الفريج هههههه يعني حوالين الفندق

وخليت البنات يتجهزون ع راحتهم

كان موعدنا مع سايا مرشدتنا الساعه 2 الظهر

أول ماطلنا شفنا شجرة الساكورا

وكان عدالنا بقاله صغيره فاملي مارت

دخلت اتفحصها واشوف شو ممكن نشتري منها

والصراحه مافيها الكثير من اللي نحتاجه

عقب مامشينا مسافه شفت جدامنا جسر ينزلكم ع الجهه الثانيه

ماركبناه وسرنا صوب اليمين وشفت هالشارع ومصفوفه اشجار الساكورا من الطرفين

بس هالشارع شويه صعده وكان ودي استكشفه بس مابغيت

أستهلك طاقتي ورجعنا من صوب فندقنا

ومشينا في الاتجاه المعاكس

يعني المره الاولى من طلعنا من الفندق لفينا صوب اليمين

الحين ردينا صوب اليسار ومشينا مسافه وشفت كوفي حلو حق الريوق بس ماجربناه

وكملنا سيده بس ماشفت شي يذكر

ماعدا سوبرماركت شويه كبير وهو سفن الفن

مادخلناه لضيق الوقت

ومقابلنه جسر

ماقدرنا نعبر ونمشي في هاذيج الجهه لأنه بنتأخر ع موعدنا مع سايا

عقب ماخلصنا جولتنا أنا وبوعيسى رجعنا الفندق

أول مادخلنا اللوبي الا نشوف سايا ويالبنات في استقبالنا

أنا تفاجأت فيها اني شفتها حلوه وانيقه وصغيره

وهي بعد تفاجأت فينا وقالت لبوعيسى انته محظوظ انه معاك 3 حلوات بسم الله علينا

بعد ماتعرفنا ع بعض وسلمنا ع بعض قلتلها

اول شي أبا أسير محل دزني اللي في شيبويا عشان نبا نحجز التذاكر من الحين

خذت موقع محل دزني من الفندق وانطلقنا

لمانطلع من فندقنا ونمشي في جهة اليمين بعد مسافه بسيطه

نركب الجسر ونعبر للجهه الثانيه واللي فيها الحياه

شيبويا

وهي منطقه تعج بالحياه وفيها تقاطع شيبويا الشهير

وفيها الكثير من المطاعم والكوفيهات ومن هالكافيهات ستاربكس

اللي يطل ع تقاطع شيبويا

ومنه تقدرون تصورون هالتقاطع من فوق

وكافيه كي كي ولا لا وغيرهم

وفيها مولات مثل مول 109 وغيرهم والكثير من المحلات من بينها محل دزني

ومحل ون بيس بالاضافه الى وجود محطة شيبويا

فيها محطة القطارات جي آر

ومحطة الميترو

هذا محل للكريمات وهو محل فرنسي ومعروف وله فروع حول العالم

لكن المميز في طوكيو واللي ماشفته في أي مكان انه فوقه كوفي

ومطعم تابع له والجميل انه يطل ع تقاطع شيبويا

في هاي العماره ستاربكس وهو مطل ع تقاطع شيبويا

شوفوا الناس كيف واقفه تنتظر تولع الاشاره الحمراء

وهنيه عاد المنظر الرهيب خصوصا وقت الزحمه

تشوفون الناس تقطع الشوارع من عدة جهات

ويامحلات شكلهم اذا يطيح مطر تلقون أغلبهم بالمظلات

الصراحه منظر مابتشوفونه الا في طوكيو

بتشوفون وايد ناس تلبس كمامات ومنظرهم متعودين عليه

مره سألت سايا قلتلها ليش هاذيل يلبسون كمامات ، قالت

انه فيه ناس عندها حساسيه من الجو وخصوصا في الربيع

وسمعت بعد مره انه فيه ناس اذا فيها زكام أو رشح تلبسه عشان مايعادون حد

واعتقد ممكن ناس تلبسه عشان ماتيها عدوه من حد

وهذا مول 109

محلات معروفه مثل زارا

طبعا المنطقه كبيره وبعطيكم صور اضافيه عنها في اجزاء قادمه

الحين وصلنا محل دزني ستور

المحل يتكون من ثلاث طوابق وماشاءالله كان متروس

والمشكله انه الكاونتر اللي نقطع منه التذاكر كان في الدور الثالث

وماحصلنا جدامنا غير هذا الدري ( السلم )

ماصدقنا انه وصلنا ، انقطع نفسنا ، مول ماشي لياقه

نحن بعدنا ماتفسحنا تونا نقول بسم الله وريولنا تكسرت

الله يعينا ع اللي ياي

حجزنا التذاكر حق يومين ، يوم 8 حجزنا تذاكر دزني سي

سعر التذكره للكبير = 4200 ين

ويوم 10 حجزنا حق دزني لاند

سعر التذكره = 4200 ين

عقب ماخلصنا ع طول طلعنا من المحل ماكان في نيتنا نتشرى تونا واصلين

وغير جيه حاطين في بالنا نشتري من مدن الالعاب

طلعنا من دزني ستور

وع طول اتجهنا للمحطه نشتري بطاقة الميترو

ونبدأ انطلاقتنا الاولى لأول وجهه سياحيه

تابعوني ..

وشاركوني بتعليقاتكم وآرائكم

ولا

ناشيء الرميحي و الايمان معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى جورجيا يونيو 2015	Fahad Mandi	بوابة جورجيا و اذربيجان	115	11-07-2018 12:02 PM
الطيور الجميله	أبوهمس	بوابة اثيوبيا	8	16-07-2015 11:11 PM
رحلتي إلى تركيا 2015 ( #اليوم_الثاني )	المصور أحمد المعراج	تركيا	12	08-06-2015 10:49 AM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM