**بسم الله الرحمن الرحيم **
والصلاة والسلام على سيد المرسلين
~~~~
مشوارنا الاستنبولي المره دي
غير عن المعتاد
حكتب عن تجربة السكن في الجزء الاسيوي من استنبول
(اناضولوا ) anadolu
صوره منقوله
نبدأ بالفندق والموضوع حيسترسل لحالوا بعدها
هيا بنا
~~~~~~
فندق (جوليت روم اند كيتشين)
Juliet Rooms & Kitchen
في منطقة كاديكوي kadikoy
حي (مودا) moda
زقاق( شيفا) sefa كتبتها بالياء لانها تتنطق كدا...
استنوا ياجماعه وصلوا على النبي.... حجز ايه شوفوا
المميزات والعيوب وبعدين قرروا
,,,
وصلنا مطار (اتاتورك ) في الجانب الأوربي من استنبول
والفندق في الجانب الاسيوي
وكان في خيار اننا ناخد تكسي لميناء امينونو
ومن الميناء ناخد عباره للجانب الاسيوي منطقة كاديكوي
ومنها مشي 15 دقيقه موازيه للبحر
او بدل المشي تكسي للفندق
!!!!
مايحتاج على الشحططه ..
اختصرت دا كلوا بالاتفاق مع تكسي من امام المطار ب100 ليره
عبورا من فوق جسر البسفور
مكائن خدمه ذاتيه لاخذ الفيزا من المطار
خليك هادي يافادي .....
بالذات مع موطفين المطار !!!!!
واحد من الحجاج العائدين من مكه (الله يتقبل منوا)
لابس عربستان ...حتى في رجلوا ( مداس ) شكلوا مكاوي ملبسوا هوا.....
,,,,,
وصلنا حي كاديكوي في الجانب الاسيوي والسواق مو عارف كوعوا من بوعوا ولا عارف يوصل للعنوان...
نسأل الرايح والجي ...ودا اول عيب للفندق سجلوا عندكم .....
معظم التكاسي الا اتعاملت معاها وقتها مو عارفه العنوان
,,,
فـ للوصول
تمشوا من عند ميناء كاديكوي للعبارات في الجانب الاسيوي
بمحاذاة البحر متجهين لفندق (دبل تري هيلتون مودا ) وهوا بنايه طويله مميزه ...
يمين المحطه وانتوا خارجين
* ويعتبر خيار جيد لفندق خمس نجوم لو حبيتوا تسكنوا في الجزء الاسيوي
للحجز وتحديد الموقع
وحتشوفوا محطه بنزين امام الفندق تكملوا (من بينهم) على طول
الفندق يسار الصوره
محطة البنزين
اللوحه الحمرا يمين الصوره وبناية الفندق يسارها
كملو على طول والبحر يمينكم
لحد ماتوصلوا للوحه يسار الشارع
ادخلوا منها
زقاق طوييييييييييييييييل تمشوا في
وحتوصلوا لحديقه صغيره في وسط الشارع امسكوا الجهه اليمين وكملوا زي ماانتوا على طول
(الحديقه)
مسجد صغير في شارع قريب على الفندق
على يمينكم حـ
توصلوا لدي البقاله في دخلة الزقاق حق الفندق وعندها لوحه عليها اسم الزقاق
(شيفا)sifa
ودي البقاله الوحيده الا قريبه على الفندق تقفل على 11 المسا
وأخيرا دخلنا الزقاق حق الفندق
والفندق اخر الشارع يسار
والتقينا وجهاً لوجه مع جوليييت ..اما ..روم ..و..كيتشين ..فكانوا نايمين وقتها!!
الفندق صغير ومحندق
بس ينبض نبض نبيض
بالزوق والجمال
و
الموظفين جداً لطاف وخدومين
فضلا عن المنطقه الحلوة الا يطل عليها
لو اتدبر معاكم سياره خاصه ..للتماشي حتنبسطوا في جداً
تحسوا انكم عايشين معاهم مو مستأجرين
لان المنطقه كلها عماير سكنيه
وقاطينيها من السكان الأصليين
حتى انهم كانوا مستغربين وجودنا فيها
بإذن الله اخر مره اصور بالجوال ..الصور تعبانه ومو واضحه فأعتذر منكم
تمسكوا جيداً للخبر القادم
الفندق مافي اصصصصصصصـــــ نصير ...
سجلوا تاني عيب ( وممكن يناسب البعض ليه لاء ..رياضه )...
لكن عندهم خدمة شيل الشنط
(خلاص طالما هما الا حيشيلوا ...ماعلينا كلها كم درجه نتريّض فيها)
وهما الله يعينهم
الى الدور التالت ...سّـرْ
رجاءا لاتنسوا تنتبهوا لمخرج الطوارئ فين عن غرفتكم
,,,,
بسم الله
حجم الغرفه مناسب لشخصين مافيها وسع زايد
,,
الا في السقف مرايا
والسرير ينّقز شويه... مرخي ...
مو شادد نفسوا لكن يمشي ...
القزاز وراه الحمام اجلكم الله
للأسف مافي غلايه !!!!! كم مره اشتهيت اشرب شاهي بحليب ...ومافيش
بس قارورتين مويه مجاني كل يوم
شباك
السكان الاصليين
خيييلوة.....
في ركن الغرفه للاسترخاء
حجموا كبير
بلكونه تطل بشكل بسيط على البحر 
9الاعجاب 
10-05-2015, 04:07 PM
الجانب الاسيوي من استنبول ..فندق (جوليت روم اند كيتشين).... 
العرض الشجري
المواضيع المتشابهه 
