الحمدلله على سلامتك ياعزيزي
وانا من ضمن المتابعين لإبداعك

الله على التقرير يالخالدي

تقسيمك للجدول الى الآن ممتاز استمر ومتابعين وياك للآخر والأسم ما عليك حتى لو خطأ المهم وصلت الفكره هههههههه

أهم شي أعجبتك الديره واستمتعت فيها ونحن في خدمتك يالغالي عاد صف ويانا هني بالبوابة لا اوصيك

بالتوفيق في جميع رحلاتك وأمورك يارب ,,

اليوم الثاني

السبت 2 مايو 2015

بعد تناول الافطار بالفندق مع الوفد السياحي التركي الكبير ( طبعاً احنا لحالنا بس كانو ساكنين بالفندق ) غادرنا الفندق الساعة 8:30 صباحاً

كان المخطط حسب الجدول لليوم الثاني انة نقضي كامل اليوم بالجبال ( الجبال الالومبية BJELASNICA ) ونكشت هناك ونتقهوى والشاي وننشد ونشعر هههههه ولكن كان هناك مطر
و كان حسب الارصاد المطر بيوقف الساعة 2 الظهر .... المهم استغلينا الوقت ورحنا محلات منتشرة عندهم سوبرماركت اعتقد اسمة COUNZM لان اليوم السابق كان عيد العمال وكل شي مغلق
واشترينا الدافور الاحمر الخطير ودبب الغاز وكثير من الشوكلاتة والبسكويتات

وبما انة عندنا وقت الى 2 الظهر قررنا نغير بالجدول ونزور السوق القديم الباشرجيا Bascarija والله اني ارتحت بهالسوق وحبيتة وايد ..... في كل زاوية تتخيل عبق الماضي























وبجانب السوق هاذي المكتبة العامة اذا ماني غلطان وقدامها النهر












ماشاء الله عليهم بين كل نهر ونهر تلاقي نهر
وبين كل ترعة وترعة تلاقي ترعة
الله يزيدهم من فظلة والله انهم شعب طيب ومحترم حبيتهم كلهم


ونسيت اخبركم انة يمر بجانب فندق بريستول ( تقريباً 50 متر ) نهر ما اعرف اذا هوة نهر البوسنة بس حبيت احط لكم الصورة












بعد ذلك توجهنا الى برج AVAS وهذي شركة اخبار بوسنية تمتلك البرج وفية مكاتبها ويسمونة ايضاً Twisted Tower لانة فعلاً لاف

بعد ماتوصل للبرج توقف سيارتك بالموقف الدور الاول وتنزل للاستقبال وهناك الاجراء سريع يركبوك اللفت ويضغطون عالدور الاخير 35
من توصل هناك تلاقي بوابة الكترونية تحط 1 مارك لكل شخص عملة معدنية ومن هناك تشوف سراييفو بالاربعة اتجاهات وعندهم بعد كوفي شوب اذا تحب تتقهوى .




هذي صورة البرج من بعيد وراح نوصل لقمة البرج .



وهذي الصور لسراييفو من كل الاتجاهات



























نكمل باقي يومنا ......

كان المفروض نتوجهة للجبل ولكن صاحبنا القارمن مرة يشتغل ومرة يصكر لوحدة
اتصلت بعاصم وقلت لة هلا اجيك عشان اغير القارمن وما قصر على طول عطاني واحد غيرة

بداعي الفضول سألت عاصم اذا عندة بيوت او شقق ياجرها وقالي تعال ارويك فلة 4 غرف نوم للايجار انا رحت معاة الفيلا قريب من مكتبة باللاليجاء
وصورتها وآخر التقرير راح انزل الصور فقط للاستفادة .


كانت الساعة 3 الظهر والمطر وقف وقلنا نتوجهة عالجبال الالومبية .
وهذي صور شفتوها الف مرة مايضر تشوفوها للمرة الف وواحد




هذي اثناء الصعود للجبل











التلفريك موقف




هاي الصورة في مكان آخر من الجبل بس سبحان الله كان المكان موحش جداً جداً ومافية غير ريال كبير بالسن حارس عالمكان عطيتة تمر وفرح مسكين
وبالمناسبة يسمون التمر ( حرمة )
ماغادرت المكان بسرعة احب الاماكن المهجورة لاني اقول في خاطري عام 1984 كان هالمكان فية ناس وصحافة وتلفزيون عالمي بالآلاف

وطبعاً احتفلت مع اسرتي بالمركز الاول بهذا المكان




وبعد ذلك حبيت اروح لقرية لوكمير ولكن للاسف من حطيت الاحداثيات في راس الجبل الا وامشي في شارع رملي وكان مغطي بكميات كبيرة من الثلج
وبما انة معاي العائلة ما حبيت اخاطر ومادري هل هوا فعلاً طريق قرية لوكمير او القارمن يألف من عندة لاني اكتشفت وتذكرت كلام ياسر بان القارمن يعطي احداثيات
خطاء في بعض المرات وفعلاً حصل معاي اكثر من مرة .


المهم قعدنا نحوط بالسيارة بهالجبال الطيبة ومنظر الثلج والهواء العليل وتحس انك قاعد قدام مكيف ابوحصان ..... اخيراً لقينا مكان مناسب فرشنا الحصير وسوينا ذيك
القهوة الطيبة والشاي الطيب وكانت قعدة رائعة وما مر علينا حتى الطير




























قربو والله انكم تستاهلون اكثر من فنجان .... قعدنا تقريباً بهالمكان ساعتين ونص ولولا البرد لطولنا القعدة .



بعد مانزلنا من الجبل توجهنا لزيارة مسجد الملك فهد الله يرحمة ويجزية الخير



















وبعد ماخلصنا من زيارة مسجد الملك فهد .... قررنا نتعشى في مطعم فرحة فيتش بالبارجشيا

وفعلاً ان الكباب عندهم لذيذ جداً .... والله دقايق بعد ماقعدنا ولا الناس واقفة تتريا مكان تجلس ... مزحوم على طول





هذا نهاية اليوم الثاني القاكم قريباً ان شاء الله


وداعاً