| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( تجربتي مع تأشيرة فرنسا . مقيم ( تحت ال ١٨ ) )› بقلم : Felasour
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
385الاعجاب |
| | LinkBack  | أدوات الموضوع | انواع عرض الموضوع |
11-05-2015, 12:26 PM
| #1 | ||
| عضو قدير   تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|  قنبله الموسم - قصة حب في جيبوتي - Believe it or Not
العرب المسافرون بوابةالسفر إلي دول أفريقيا الأخرى من هي جيبوتي ؟؟   جيبوتيJabuuti دولة في منطقة القرن الأفريقي وهي عضو في جامعة الدول العربيه تقع على الشاطئ الغربي لمضيق باب المندب وتحدها ارتيريا من الشمال واثيوبيا من الغرب والجنوب والصومال من الجنوب الشرقي فيما تطل شرقا على البحر الأحمر وخليج عدن وعلى الجانب المقابل لها عبر البحر الأحمر في شبه الجزيرة العربيه اليمن والتي تبعد سواحلها نحو 20 كيلومترا عن جيبوتي. تقدر مساحة جيبوتي بنحو 23.000 كيلومتر مربع فقط، فيما يقدر عدد سكانها بنحو 864,000 نسمة، وعاصمتها مدينه جيبوتي ويعيش نحو خمس سكان البلد تقريبا تحت الخط العالمي للفقر بنحو 1.25 دولار يوميا. وكانت تسمى بلاد الصومال الفرنسي.
| ||
|  |
|
12-05-2015, 09:54 AM
| #2 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
|  رد: خاص
فكره السفر لا على البال ولا على الخاطر .gif "(3)") بعد ما تعشينا قعدنا نسولف انا وزوجي والعيال وانا صاكه فيني الدنيا افكر بالامتحانات باقي 10 ايام بس ودار هالحوار بيني انا وزوجي ام فلان : بقولك مفاجأة أنا : مفاجأة ؟؟؟؟؟ شنو قال : جهزي الشنط عقب باجر مسافرين انا : هههههههههاي ضحكتني وانا مالي خلق قال : والله العظيم ما اتغشمر .gif "(114)") انا : من صجك ؟؟ نطيت نطه من الغنفة وقعدت عنده وين ؟؟ .gif "(127)") انا / فكرت بدبي - البحرين - عمان مكان قريب لأن العيال عندهم دراسه وامتحانات قال : انا وانتي بس والمكان مفاجأه انا بعد ما اوصف لكم شعوري ومشاعري .gif "(6)") الصاله انترست قلوب حب :y olks00310:بنسافر ومفاجأة وانا وانت بس .gif "(22)") اول مره تصير حتى شهر عسل ما رحنا .gif "(60)") أنا : يالله قوووووووووول وين .gif "(123)") قال : جيبوووووووووووووووووتي انا : لاااا يا شيخ قول غيرها شنو هالغشمرة من الصدمه ولا كلمه بس اخززززززززززه خزه الغضب .gif "(46)") من صجك شيوديني هناك والبلد مو سياحي ولا شي قال : رحلة استكشافية ولازم تكونين معاي ما تخسرين شي مو تحبين الطياره يالله امشي معاي ليلتين انا ما أنام اسوي بحث وافكر واسوي افلام بمخي واكشن وعصابات تخطفنا وفديه وحركات .gif "(33)") وسألت عن البلد و بوغسان رد علي بحكم انه زايرها ما تشجعت قالي نبذه عن البلد .gif "(36)") وما قصروا فريق التطوير نزلوا تقرير اختنا المحاسبة اللي انحبطت منه زووووووووووود .gif "(58)") بس الأمر مافيه ردة والقرار خالص لارجعة فيه لاااااااااااااااااااااااااااااااااااا تعبت نفسيا فرحانه ووبنفس الوقت خايفة وللحين انا مو مصدقة ابداااااااااااااا جننته بالأسئلة واهم سؤال وين بنسكن ؟؟وفيه شطاف بالحمام ؟؟ قال ما ادري بس لا تحاتين .gif "(48)") وطيران على الجمعية واشتريت ابريج (ابريق) للحمام عزكم الله هو اول شي ضمنته بالجنطة  اليوم الثاني وصلت التذاكر وجهزنا الجوازات والعمل على قدم وساق لتجهيز الشنطة   .gif "(125)") بعد ما تأكدت لازم ندق على الحب الكبير ( أمي ) .gif "(149)") الوووووووووووو : يمه ترا انا بسافر مع بو فلان باجر امي : زين زين يالله ربي حافظكم يمه انا خايفة اروح والا لا امي : توكلوا على الله اشحقه تخافين ريلك معاك روحي شوفي الدنيا .gif "(89)") يمه اي دنيا هذه (((جيبوتي ))) امي : وين مكانها يعني مو زينه والا فيها شي يخوف ؟ فديتك يمه لا يمه مافيها شي يالله خلاص بروح ادعولنا نوصل بالسلامة ( ما حبيت اخرعها وهي راعية ضغط وسكر) مع السلامه ، مع السلامه وهي تضحك علي لأني خايفة واخواني وخواتي لما اسمعوا يمه اختنا من صجها رايحه هالديره ما تخاف  انا مو ناقصه تكفون شجعوني ،،،،،،،،، الحمد لله خواتي وايد شجعوني بس الشباب لا
| ||
|
| |
|
12-05-2015, 10:03 AM
| #3 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| رد: خاص
يوم السفر - الخميس الونيس طلعت من الدوام مبجر واخذت العيال من المدرسة وغديتهم على السريع انا من الفرحة ما تغديت خخخخخخخخخخ اخذنا شنطة وحدة بس لأن المدة قصيرة وعلى ما وصل رأس المال تجهزنا ولبسنا واخذنا العيال عند الأهل وفجأه تذكر انه ناسي يلبس الحزام  وليييييييييييييييييييين لازم نرجع البيت والا البنطلون يطيح بعدين رجعنا وتأخرنا شوي توكلنا على الله ((اللهم اني استودعك نفسي واطفالي وزوجي وكل ما أملك عندك )) واهم شي الكاميرا لتوثيق السفرة بكل حذافيرها   وصلنا مطار الكويت وسلمنا السياره للشركة حتى تركنها في المواقف طويله المدى كل ليله ياخذون عليها : دينارين بس ويغسلونها بعد كل يوم حلوووووووووووو نروح ونرجع سيارتنا معانا وبامان والقيمه حلوة 6 دنانير حق 3 ايام  ياحلو المطار ويا زينه زيناااااااااااااااااااااااه رأس المال يمشي مستعجل وايد تأخرنا وصلنا المطار الساعه 4 والطياره بعد ساعه ونص بس وانا وراه اجكجك بالتلفون ومره بالكاميرا وهو : يالله خلصينا نستلم البوردننق وندخل الشنطة ونفتر بالمطار على الراحة وقعدي صوري على كيفك وانترس المطار قلوب حب مرة ثانية انزين لا تزف ترا اخليك وارجع البيت قال يالله اخذي السيارة وروحي بس بالعيد اخلييييييييييييييييييييييييك وارجع ده مستحيل يا بابا ,,,,,,, وفيها طياره بعد ,,, يا ويلي ولا بالأحلام &&&&&&&&&  *** الله لا يغير علينا ويبعد عنا العين اللي ما تسمي باسم الرحمن الكريم*** .gif "(88)")
| ||
|
| |
|
12-05-2015, 11:02 AM
| #4 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| رد: خاص
الناقل : الطيران القطري الوقت : المفروض الساعه 5:25 العصر لكن تأخرت ما تم الأقلاع الا الساعة 6:10 المساء استلمنا البوردينق للرحلة كامله الترانزيت ساعه ونصف بالدوحة واخترنا الأماكن عند الشباك عشان اجكجك عدل على راحتي    أحلى ممر بالدنيا ،،،،،،،    وانطلقنا من بعد ما دخلنا الشنطة وصلينا العصر بالمطار وافترينا اشوي لأني تعبانه على الآخر ما نمت الظهر .gif "(34)") لكن كل شي لعيون المطار يهووووووووووون  انام بالطياره اذا قدرت  دخلنا البوابه وانتظرنا شوي على ما افتحت .gif "(35)") وتم ركوب الباص للانتقال الى الطيارة وشفت الوزير السابق الدكتور الجار الله معانا بالباص آخر شياكة وكله ذووووووووق للأسف كان جدامي بس استحيت اصوره نطرته يقعد وصورته خلسة   طائرنا الأزرق اللي مستحيل اجازف واطير معاهم .gif "(92)")  ووصل الباص للطياره هذه هي   البزنس او الفيرست كلاس كراسيهم غيررررررررر  شنو يعني مو مهم الكرسي المهم اني بالطيارة حتى لو فارشة بساط وقاعدة خخخخخخخخخخ   الصراحة حلوة ونظيفه الطياره وواضح انها جديدة ما شاء الله ذكرتني بالعمانيه نفس الشي وهذه كراسينا زوجي يقولي : قصه حب خلاااااااااااااص انت بالطياره صار امر واقع هااااااااا بعدك خايفة قلت لا معاك ما أخاف احنا بالهواء سواااااااااء وين ما كنت  .gif "(141)")  تأخرنا بالاقلاع نصف ساعه واحنا نحاتي الطيارة الثانية مافي وقت الا ساعه ونص ترانزيت يارب نلحق عليها  افتر راسي مرة ثانية من التفكير   والحمد لله تم الاقلاع على خير وزال الخوف من المحاتاة مع السلامه ديرتي الغاليه راجعين باذن الله          
| ||
|
| |
|
12-05-2015, 11:49 AM
| #5 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| رد: خاص
ووزعوا كلينس معطر ريحته اتهبل لمووووووناظة نسوي رفرش  وبعدها على طول على السريع وجبه سناك لذيذ    شكلها ما يشهي .gif "(39)") لكنها لذيذة وتؤدي الغرض وتشبع والحمد لله على نعمه الكثيرة الطيارة كبيرة وما شاء الله مليانه نااااااااااااااااس والشاشات روعه لكم حظي شاشتي ما تشتغل شحنت الاي فون عشان اقدر اجكجك عدل باقي الرحلة الوجبه عبارة عن فطيرة خضار مشكله مهروسه او دجاج مع كيكة تمر لذيذة وعصير برتوووووووووقاااااااااااان (برتقال)   وبانت الدوحة اتهبل من فوووووووووووق ما شاء الله منوره وشكلها يرد الروح ان شاء الله ربي يكتب لي سفرة اشوفها   وركض للحمام نغسل حتى نصلي قبل رحلتنا الثانية الى جيبوتي يالله نصور كم لقطة لهالمطار الرائع ايهبل عالم آخر - مطار الشيخ حمد الدولي الجديد بقراطيسه .gif "(37)")   زوجي يقولي : يااااااااااااااا بنت الحلال خلصيني مو الا تصورين .gif "(2)")       يقولون هالدبدوب الظريف مكلفهم 6 مليون دولار لا أعرف كلام صحيح ام لا والعهده على الراوي   وللأسف لأننا تأخرنا بالاقلاع وصلنا والطياره الثانية جاهزة للاقلاع واخر نداء واحنا ما ندري ولا سمعنا شي زوجي شاف اللوحة بالصدفه والا طيارتنا واركض ولحق لا تلحق واركض واركض ووالمطاااااااااااااااااار شاسع .gif "(111)") صار سباق ماراثون @@@@@@ وزوجي سابقني عشان يلحق البوابه وما تطير عنا الطياره لو تعرفون اشحالي مرة اركض ومرة على السلم المتحرك واخر شي لاااااااااااااااا طحت وحسيت اني بالشارع بغيت ابكي بس ماسكة نفسي غصب بو فلاااااااااان انطرني وين رايح لا تخليني .gif "(150)") امبيييييييييييييه شكلنا يضحك اخذنا راحتنا بالصراخ عشان نسمع بعض والناس يطالعوني بس والله ما همني طاااااااااااااااااااف الحق الطياره اهم ولازم اتصرف بوابتنا رقم سي 23 اخر شي بقلعه وادرين قاطعينهااااااااااااااا حسبي الله على ابليس  ووالحمد لله مرت سياره القولف اللي توصل واسويله تأشيره تعال الحقني ***** طيارتنا بتطير ويحليله يضحك علي ليش اركض وأأشر حسيت اني بمصر بالشارع بلحق الاوتوبيس .gif "(56)") ويقول اوصلكم لا تحاتين  وركبنا وبوابتنا اخر المطاااااااااااااار ياخر بوابه يعني لو بنظل للصبح نركض ما وصلنا وناااااااااااااااسه صار هواء عليل واحنا ماشين كنت ميته من الحر من الركض  ومن كثر ما اعصابي مشدودة كنت دايسه حييييييييل بريولي .gif "(38)") كأني انا اللي ادوس بنزين وبوصل بسرعه ههههههاي والحمد لله وصلنا ومن القهر قلت حق موظقه الكاونتر حرام عليكم ليش اخر المطار البوابه ذبحتوني بموووووووووووووت وقفت تهديني وتقولي ريلاكس خلاص انت وصلتي ارتاحي ياعمي اي ريلاكس قلبي وقف من التعب الحمد لله الف مرة دخلنا واحنا اخر ناس نركب الطياره .gif "(153)") قعدت والتعب بدأ يطلع علي ريولي شبت نار ماكو لياقه واركض بالمطار اشهالرحلة بدايتها تخووووووووووووووف ووزوجي يهديني ارتفع الضغط وراسي افتر ما اشووف شي طلبت ماي من المضيفه قلت لها تعبانه بسرعه والحمد لله اخذت دواي ولزمت الصمت حتى تصوير بطلت خخخخخخخخخخ برتااااااااااااااااااااااااااااااااااااح لا تتكلم بعدين اسولف معاك ونمت شوي والحمد لله
| ||
|
| |
|
12-05-2015, 01:16 PM
| #6 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| رد: خاص
هذه طيارتنا الى جيبوتي  الصدمه ان الرحلة طويله والطياره بدون شاشات اشلون نقضي 5 ساعات طيران بدون تسلية ورددنا دعاء السفر واستودعت نفسي وزوجي واطفالي بالكويت عند الله وتوكلنا على الرحمن  سبحان الذي سخرنا لنا هذا وما كنا له مقرنين علم الانسان مالم يعلم قادر على كل شي كنت اتأمل بالكون من الشباك واسبح الله شي عجيييييييييب  بعد ساعه تقريبا بدأ توزيع الوجبات ما أعتقد فيه احد مثلي يحب يصور الأكل كثري يالله استمتعوا بما لذ وطاب من عدستي المتواضعة جدا اما دجاج او قطع اللحم اخذنا الاثنين للتنويع استغرب على اكل الطياره كميته قليله لكن يسد النفس بصورة غريبة ؟؟؟؟؟؟؟؟؟؟ اتهقون يحطون لنا فيه شي يشبعنا غصب طيب ؟؟؟؟؟؟؟؟؟  الحلو لذيذة كيكه توفي ونسكافيه اعتقد بس لذية وايد اعجبتني وخلتني انسى الركض اللي ركضته بمطار الدوحة  صمونه متفوخه اتهبل طلبت غيرها قالت ماكو خلص!!!!!!!! ليش مو حاطين زيادة ؟؟؟؟؟؟؟؟؟؟  سلطة الصوص مو حلو ما أكلناها  وجبه رأس المال لحم  انا اخذت دياي ولو اني مو ذاك الزود معاه بس يوعانه وايد   منقوله لكم تفضلوا !!!!!!     وبعد ما خلصوا الناس وجباتهم وجمعوا الصواني وزعوا شاي وقهوة وحليب والصدمه لما شفت المشروبات الروحية للأسف المسلمات يقدمونه ضاق خلقي وصورت العربانه وعصبت المضيفة ونادت المسئول يكلمني وقالي ممنوع التصوير بالطياره قلت انا ما صورتها صورت العربانه وراااااااااااااااح على مين يا بابا انا قصة حب اصور يعني اصور خلسه    واعجبتني هالوصفه احبها لذيذة  وبدأت الطيارة بالهبوط شوي شوي وتأملنا خير من بعد ما شفت هالمنظر اقول بقلبي يارب لا تخيب آمالي وتطلع جيبوتي حلوة ياااااااااااااااارب   وهبطنا على خير بالموعد الساعه 1 الفجر تقريبا 
| ||
|
| |
|
12-05-2015, 02:40 PM
| #7 | ||
| عضو قدير تاريخ التسجيل : Dec 2014 رقم العضوية : 140 الدولة : الكويت - ديرة الخير الجنس : انثى المشاركات : 3,442
| رد: قصة حب في جيبوتي - Believe it or Not
واخيرا وصلنا الحمد لله والشكر على فكرة الطيران القطري هو الوحيد اللي يسير رحلة الى جيبوتي وهذا جديد من كم شهر بس ونزلنا من الطياره مشي على الأقدام آآآآآآآآآآآآخ تكسرنا 5 ساعات بس الحمد لله مرت بسرعه يمكن ليش نمنا شوي  دخلنا الصاله العجيبة صاله استقبال القادمين صغيرة حيل فيها 3 اكشاك والطابور ما شاء الله  وحر بدون تكييف اوصف لكم شعوري حزتها بهالشكل    :yolks00 210: والموظفين اخر برووووووووووووود حتى يشوف الجواز ويتأكد من الفيز يالله رحمتك ربي يصبرنا المطار مأساااااااااااااه الحمد لله والشكر احنا بنعمه وخير ربي يزيده الجو حار ورطب وايد ( صدمة قوية ) .gif "(5)") انا سحت وصبيت عرق تقول سووووووونا والناس عااااااااااااااادي ولا نقطة ماي   والحمد لله كان فيه ناس بانتظارنا جانا واحنا واقفين دور انت فلان الفلاني ؟؟ قال زوجي : نعم اهلا فيكم وحياكم الله بجيبوتي قلت هلا فيك عرفنا من الشكل واللبس الباقي كلهم جيبوتيين واجانب وخلص امرنا على السريع واسطات يا عم وتم الخروج باتجاه السكن ،،، ((السكن مفااااااااااااااااااااااااااااااااااااجأة ))) غدا التكمله ان شاء الله تعبت اليوم ،،،،،،،،ان شاء الله يعجبكم التقرير واشوف تشجيع وتصفيق حار حتى اقدر اكمل اختكم - قصة حب ديرة الخير الكويت
| ||
|
| |
|
12-05-2015, 03:32 PM
| #9 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,855
| رد: قنبله الموسم - قصة حب في جيبوتي - Believe it or Not
| ||
|
| |
|
12-05-2015, 04:29 PM
| #10 |
| مسافر متميز  تاريخ التسجيل : Jan 2015 رقم العضوية : 1379 الجنس : ذكر المشاركات : 238 | رد: قنبله الموسم - قصة حب في جيبوتي - Believe it or Not
|
|
| |
|
| الكلمات الدلالية (Tags) |
| الموسم, خاص, حب, جيبوتي, في, قصة, قنبله |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جيبوتي | قصة حب | بوابة الدول الاخرى | 15 | 10-11-2021 12:50 PM |
| جيبوتي عبر كميرتي بالتفصيل الممل بقلم مبرمجة حاسب | فريق التطوير | بوابة الدول الاخرى | 17 | 22-12-2020 12:35 PM |
| بونجور جيبوتي | آخـــرفـــرصـــة | بوابة الدول الاخرى | 97 | 30-03-2019 11:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
