اخواني انا ناوي ع شهر عسل باذن الله بشهر ستمبر

وتقرر تكون اخر محطة لنا هي فينيسيا وبنجلس فيها يوم وليله

من18 ستمبر الى 20 ستمبر

ومن ثم التوجه لمطار البندقيه والعوده للسعودية

السؤال هنا ؟؟

ابي سكن معقول وبميزانية معقوله ويكون قريب للاشياء السياحية ويغنينا عن التكاسي والقطار

واذا حصل تصممون لي برنامج من 18 ستمبر الى 20 ستمبر فيا سلااااااااااام سلم

مرحبا اخوي
أولا الف الف مبروووك بارك الله لكم وبارك عليكم وجمعكم في خير

وبعدين بالنسبه لفينيسيا خلكم في سان ماركو فقط تمشو في ساحتها
وشوارع القديمه الضيقه وبين المحلات التجاريه
وأهم شي تاخذون قارب واحد يجدف فيكم ويدخلكم بجولة بحريه داخل المدينه
ولما تدخلون المدينه بالقرب قول له يصفر يعطيك نغمات عجيبه مع الصدى

ومكان القوارب هو نفس مكان المركب الي ينزلكم في سان ماركو وقريب أيضا من الساحه

تحياتي

مثل ما تفضل مشرفنا افضل شي للسكن قريب السان ماركو
المنطقة حيوية جدا وكل الي تبيه تلقاه

من المطار الى الفندق في السان ماركو يا تاكسي يا باص يا التاكسي المائي
اذا بالباص او التاكسي فراح يوصلونك لعند نقطة معينة وبعدها لازم تركب التاكسي المائي ( البوت) وطريقته مثل المترو بس هذا مائي

رحلة الجندول قيمتها ٨٠ يورو للنصف ساعه او ١٦٠ للساعه
طبعا نص ساعه كافيه الرحلة جدا جدا ممتعه وتناسب عرسان
لا تنسى تخلي سائق الجندول يصوركم

شي مهم تعرف اسم اقرب محطة لفندقكم لانه مثل ماقلت لك التاكسي المائي مثل المترو له عدة مسارات ويوقف في كذا محطة

اذا عندكم وقت تقدرون تروحون جزيرة مورانو تبعد حوالي ٣٠-٤٠ دقيقة عن السان ماركو وتشتهر بصناعة الزجاج والجزيرة حلوه جدا التمشي

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم