نعيـب زماننـا والعيـب فيـنـا

ومـال زماننـا عـيـب سـوانـا

ونهجو ذا الزمـان بغيـر ذنـب

ولـو نطـق الزمـان لنـا هجانـا

::::::::::::::::::::


قبل كم يوم تحديدا يوم الجمعة الماضية

شفت بالمول وحدة كانت ضمن شلتنا ايام الدراسة بالكلية

كنا 6 بنات ما نفترق بيوم واذا وحدة غابت الكل يسال عنها

مع اختلاف تخصصاتنا وبعد المسافات بين كلاساتنا الا ان نتيمع بكل بريك ..

اول ما لمحتها من ابعيد استانست رحت اسلم عليها بكل شوق "ما شفتها ولا سمعت صوتها من 3 سنين"

انصدمت ببرودة سلامها وكأنها تبي تسلم بسرعة وتمشي كأنه واجب تبي تقضيه وتفتك منه ..

سألتها فلانة بشري اشتغلتي . لا لا اكمل دراسة يلا باي ...!!!!

وقفت اطالعها وهي تمشي و سألت نفسي ليش يا عناقيد سلمتي عليها ..

اول مرة بحياتي اندم اني سلمت ع حد من القهر ...

مادري الصداقة ترتبط عند هالناس بمكان معين بمصلحة معينة ... ما عندي تفسير مقنع لهذي الفئة

الصداقة الحقيقة هي صداقة الاخوات و الام وبنتها .. مهما كان الغريب قريب منكم ما بيكون اقرب لك من اهلك

ان شاء الله تتعدل الاحوال

دمتي بحفظ الرحمن