ياعيون الكون غضي بالنظر ،، (تقرير تايلند) - الصفحة 10

كتكات783 · 30-05-2015, 05:50 PM

أهلا بالمبدع والمميز دااائما ( فهد )

اجتمعت الطبيعة والجمال مع يد تجيد صيده بزوايا واحترافية ..

أظهرت لنا صورة راااااائعة عن البلد بكل مافيه .. لم تجعل لنا أي تساؤل .. بارك الله بجهدك ..

الهوليدي إن جدا مميز ( أعجبني الفندق كثيرا ) ومتحمس للموفنبيك ..

جولاتهم وفعالياتهم فعلا مميزة وممتعة وتغطي يومك بالراحة .. وأسعارهم رخيصة ..

أعجبني تخطيطك من البداية .. دائما أساس النجاح التخطيط المبكر ..

تقرير يعطيك رسماً لسفرٍ تايلندٍ 5 ستارز .. يبقى بس تجديد الجواز ��

استمر .. أنت من المبدعين الذين يشبعون الذائقة تماماً ..

بريق أملمعجبون بهذا.

فهد المنيع · 30-05-2015, 07:49 PM

اقتباس : المشاركة الأصلية كتبت بواسطة glidoes

اجمل شي عجبني في بوكيت رحلة الرافتنغ والانشطة اللي فيها

في انتظار انطباعك عنها

تحياتي

رحلة الرافتنق كانت كلام ثاني .. ان شاء الله راح اغطيها ضمن التقرير

مشكور اخوي على التعليق

فهد المنيع · 30-05-2015, 07:54 PM

اقتباس : المشاركة الأصلية كتبت بواسطة فيصل

احس ان االلي ما يحب البحر بيمل
واسعارهم اعجبتني

6 ايام هل هي مناسبه

اللي ما يحب البحر ما تصلح له هالرحلات لانها طويلة وبتكون مملة بالنسبة له ..

اما الاسعار آآآه يا ناس

رخص التراب بالمقارنة لاسعارنا في الخليج

و6 ايام مناسبة جداً

فهد المنيع · 30-05-2015, 08:07 PM

اقتباس : المشاركة الأصلية كتبت بواسطة كتكات783

أهلا بالمبدع والمميز دااائما ( فهد )

اجتمعت الطبيعة والجمال مع يد تجيد صيده بزوايا واحترافية ..

أظهرت لنا صورة راااااائعة عن البلد بكل مافيه .. لم تجعل لنا أي تساؤل .. بارك الله بجهدك ..

الهوليدي إن جدا مميز ( أعجبني الفندق كثيرا ) ومتحمس للموفنبيك ..

جولاتهم وفعالياتهم فعلا مميزة وممتعة وتغطي يومك بالراحة .. وأسعارهم رخيصة ..

أعجبني تخطيطك من البداية .. دائما أساس النجاح التخطيط المبكر ..

تقرير يعطيك رسماً لسفرٍ تايلندٍ 5 ستارز .. يبقى بس تجديد الجواز 😜

استمر .. أنت من المبدعين الذين يشبعون الذائقة تماماً ..

صرحة ما ادري كيف يقدر الواحد يرد عليك .. ما شاء الله اسلوب ولباقه وتميز

بخصوص الموفنبيك راح افرد له مساحة من التقرير شاملة لكل مرافقه بمشيئة الله

وصدقت كل شي حلو في تايلند الا تجديد الجواز

مشكور يا غالي ولا تحرمنا من تواصلك .

قصة حب · 31-05-2015, 02:41 PM

الصور رووووووووعه

يازين رحلة جيمس بوند زينااااااااه

لازم كل سفرة نروح لها

لكن عند هالقارب وما انزل لو تنقلب الدنيا

والعيال وابوهم يضحكون علي ويحاولون يقنعوني

لكن لا والف لاااااااااااااااااا ما انزل

روحوا حافظكم ربي وانا اطالعكم من بعيد

اخاف من الماي واحس انه القارب بينفش واغرق

Haksa77 · 31-05-2015, 11:48 PM

جزء رائع
ماشاء الله صور روعة
متااابع وياااك يالغالي
شكرا لك

فهد المنيع · 01-06-2015, 11:23 PM

اقتباس : المشاركة الأصلية كتبت بواسطة قصة حب

الصور رووووووووعه

يازين رحلة جيمس بوند زينااااااااه

لازم كل سفرة نروح لها

لكن عند هالقارب وما انزل لو تنقلب الدنيا

والعيال وابوهم يضحكون علي ويحاولون يقنعوني

لكن لا والف لاااااااااااااااااا ما انزل

روحوا حافظكم ربي وانا اطالعكم من بعيد

اخاف من الماي واحس انه القارب بينفش واغرق

هههههههه ما تنلامين البحر يخوف

اقتباس : المشاركة الأصلية كتبت بواسطة Haksa77

جزء رائع
ماشاء الله صور روعة
متااابع وياااك يالغالي
شكرا لك

حياك يالغالي وشاكر لك متابعتك

فهد المنيع · 02-06-2015, 12:44 AM

نكمل معكم تقريرنا عن جزيرة بوكيت الرائعة

الرافتنق (Whitewater Rafting)

الرافتنق عبارة عن ركوب الزوارق المطاطية داخل النهر وبصراحة مغامرة ممتعة جداً وراح اتكلم عنها ان شاء الله بتفصيل اكبر في هذه الرحلة

سعر الرحلة للشخص : 1900 بات = 211 ريال تقريباً شاملة ركوب الفيلة والجواميس والدراجات النارية وركوب الرافتنق (5كيلو) مع المواصلات من والى الفندق

انطلقنا في الصباح الباكر وبالتحديد عند الساعة 8 صباحاً .. اخذنا الميني باص الى مكان التجمع وطلعنا في باص كبير مع مجموعة من السياح الى الرافتنق وبصراحه موقعه بعيد جداً لانه يقع في شمال جزيرة بوكيت وبالتحديد في منطقة الجبال ..

توكلنا على الله وقطعنا الطريق في اكثر من ساعة وفي هالوقت المرشدة السياحية تعطينا معلومات عن الرحلة والاماكن اللي راح نجيها ,,

وصلنا لاول محطة وهي عبارة عن منتجع فيه بعض الفعاليات البسيطة .. بدينا بركوب الفيلة .. تاخذك في جولة بين الاشجار

بعد جولة الفيلة رحنا لمضمار الدبابات .. تاخذ لفتين بالدباب

بعدها ركوب عربة خشبية تجرها الجواميس

بعدها رحنا لمكان عروض الفيلة .. يعني تسوي حركات استعراضية ومساج لبعض الجمهور

هذا شاب كويتي خربها وتطوع ياخذ مساج من بين الجمهور هههه يا رب يشوف صورته في هالتقرير

وبعد عروض الفيلة طلعنا من المكان ورجعنا للباص عشان ياخذنا للمحطة التالية .. لكن قبل الانتقال حبيت اوضع ان الفقرة الاولى من الرحلة عادية جداً ووقتها قصير فاذا بالامكان الغاءها من البرنامج والابقاء على الرافتنق فقط يكون افضل واوفر من وجهة نظري ..

انتقلنا للمحطة الثانية وهي الرافتنق ..

توقف بنا الباص ووزعونا على سيارات عشان ننتقل لمكان الرافتنق لانه في مكان مرتفع وصعب الباص يوصل له ..

وركبنا في صندوق السيارة والسواق حاط رجله ويمشي بسرعة بس الطريق حلو وبين الغابات

وصلنا لمكان الرافتنق وهو عبارة عن نهر مليان احجار كبيرة مسوين فيه سد يحبسون المويه ويجهزون الزوارق المطاطية وكل زورق يركب فيه 4 اشخاص بالاضافه لشخصين يقودونه ويوجهون الركاب للتجديف بعد ما تجهز الزوارق يفتحون السد وتدفعك المويه في النهر وتواجه احجار تسوي لك مطبات وطوله 5 كيلو صراحة تروح في غمضة عين من متعة التجربة

طبعاً يعطونك وسائل سلامه مثل الخوذة وسترة النجاة ويوفرون لك صناديق تحط فيها اغراضك وتاخذ المفتاح معك

اول ما وصلنا للمكان شربنا بعض الشاي والقهوة والمرطبات في الاستراحة وعطونا بعض التعليمات عن الركوب وطريقة التجديف وشرحوا لنا الوضع بشكل عام ..

بدوا العمال ينزلون الزوارق على جال النهر ويتأكدون من سلامتها بعدين وزعونا كل 4 في زورق وركبنا وعطونا مجاديف وتجلس على طرف الزورق وتدخل رجلك في الحبال الموجودة اسفل الزورق عشان تثبت ..

ويفتحون السد وتنطلق الزوارق .. يمكن في حدود الثلاثين زورق او اكثر وهذا اللي عطى التجربة متعة وحماس ونمشي بسرعة وكل حجر يصادفنا او نزله يكون فيها اهتزاز وقفز للزورق لكن الحمد لله بدون ما نطيح لان الوضع جيد والمكان ماهو بذيك الوعوره والطريق كله متعه وضحك وصراخ .... وفي نص النهر فيه استراحه مائية وسيعه ننتظر في القوارب لمدة 5 دقايق وبعدها نكمل الانطلاق وكل ناس يرشون المويه على الزورق اللي جنبهم بالمجاديف ههههه والكل يضحك ويمزح مع الثاني والطريق كله مطبات ومطافش الى ان وصلنا للنهاية وهذااجمل مافي الرحلة لان فيه متعة وتجربة جديدة ...

ومن الاستحاله التصوير في هالمكان لانك تنزل رابص مويه وكل اهتزازات فما قدرت اصور التجربة في وقتها ..

تمنيت معي كاميرا قو برو كان قدرت اوثق المغامرة لكن خيره ان شاء الله

بعد ما انتهينا من الرافتنق اخذونا بالسيارات لنفس المحطة اللي حطينا فيها اغراضنا ولما وصلنا لقينا وجبة الغداء مجهزه عباره عن بوفيه مفتوح

تغدينا وشربنا الشاي وريحنا وبعدها خذونا لشلال داخل الغابة للسباحة

وبعد السباحه رجعونا بالسيارات للمحطة اللي فيها الباص وبكذا انتهت رحلة الرافتنق الممتعة ورجعنا للفندق قبل المغرب بقليل منهكين من الرحلة ..

لذلك انصح اللي يروح فوكيت ومعه عدد ايام كثيرة يخلي يوم رحلة ويوم راحة لان الرحلات فيها ارهاق ..

حتى اذا رجعت اخر النهار تصير تعبان ولا تقدر تلف بالليل وتتمشى من التعب ..

أبن السلطنة, الايمان, أم ريمه و 2 آخرون معجبون بهذا.

فهد المنيع · 02-06-2015, 12:48 AM

حاب اركز في هالجزء على منتجع موفنبيك واعطيه مساحة من التقرير

منتجع موفنبيك (Movenpick ) ذو 5 نجوم

يقع منتجع موفنبيك على شاطئ الكارون ويبعد عن المطار 45 إلى 50 دقيقة تقريباً .. وهو عبارة عن منتجع ضخم فيه فندق على نظام الغرف وفلل واكواخ معها مسابح خاصة .. والمنتجع يحتوي على مسابح وصالة لممارسة الرياضة من اجهزة حديد ولياقة وغيرها وصالة للبلياردو وتنس الطاولة وقسم خاص بالمساج بجميع أنواعه ومطاعم وكوفي شوب يقدم جميع أنواع القهوة وموفرين فيه أجهزة كمبيوتر وانترنت بالمجان ومن الخلف تطلع من المنتجع تدخل على طول لشاطئ الكارون ..

يعني ما يحتاج تطلع منه ابد .. لذلك خليته للاسترخاء والهدوء

المنتجع له مدخل خاص وحرس .. والأمن في كل مكان من المنتجع لكبر مساحته ..

سعر الليلة فيه بـ 480 ريال شاملة الافطار .. طبعاً انا ماخذ اقل مواصفات يعني غرفة عادية لا اطلاله ولا غيره .. بس معها بلكونه .. وراح افصل فيه شوي بحكم اني جلست فيه يومين
الفندق بشكل عام جميل ومريح والغرفة متوفر فيها كل شي .. وسعره برخص التراب اذا قارناه بمنتجعات الخبر او جدة ولافيه وجه مقارنة

وهذي بعض الصور للفندق والمنتجع بشكل عام ..

وهذي البلكونة

وهذي ممرات الغرف والاماكن المطله عليها

وهذا اللوبي

وهذي جلسات على شكل اقفاص

وهذا واحد من المسابح وفيه ملعب كرة مائية صغير

وهذي صور للمنتجع وبعض مرافقه

مسطحات خضراء واشجار

وهذي لوحات ارشادية في المنتجع

وهذي الاكواخ اللي فيها مسابح خاصة بس احجامها صغيرة

اذا حبيت تروح للبحر فأول ما تطلع من المنتجع من البوابة الخلفية تقطع الشارع وتحصل شاطئ الكارون يعني على بعد خطوات من المنتجع ...

صراحة شاطى نطيف وحلو وهادي جداً ومناسب للاسترخاء يعني مافيه العاب مائيه من دبابات بحرية وبرشوت وغيرها وممتاز للراحة والتمتع بالطبيعة والاسترخاء ..

وهذي بعض الصور له

وهذي لحظة غروب على الشاطئ

وهذا واحد من المطاعم في المنتجع .. وحياكم الله على بيتزا سي فود

الحمد لله على النعمة ولكن مشكلة شرق آسيا الاكل .. بجد ملينا من السي فود والخضار .. حتى الدجاج واللحم ما نقدر ناكله لان ذبحه ماهو على الطريقة الاسلامية ماعدا المطاعم العربية والاسلامية واشتقنا لكبسات الرز والطبخات الحلوة في بلدنا لكن الحمد لله على كل حال ..

نرجع للمنتجع وكيفية قضاء الوقت فيه ..

... عندك صالة الحديد واللياقة وعندك صالة البلياردو وتنس الطاولة

وممكن قضاء الوقت بالسباحة او الانترنت المجاني الموجود في الكوفي شوب ..

وهذي لقطة وداع لشاطئ الكارون على أمل العودة في يوم ما

وبكذا انتهى هذا الجزء وان شاء الله نكمل معكم في الجزء القادم رحلة الى جزر بي بي ايلاند وتجربة الغطس تحت الماء..

شكراً على المتابعة

أبن السلطنة, الايمان, أم ريمه و 2 آخرون معجبون بهذا.

طارق عنايات · 02-06-2015, 01:25 AM

يا سلام جزء مليء بالإثارة

الرافتينج رائع جداً ،،،، برأيك مسموح الاطفال ؟؟

الفندق رائع جداً ،،، السعر رخيص جداً بالمقارنة مع فنادقنا

صور الغروب مذهلة وصور الشاطئ ابداع لا متناهي

تسلم ايدك مستمتعين ومتابعين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المطارات في تايلند	BKK	بوابة تايلند	14	12-01-2018 10:56 PM
تاي في تايلند....... مباشر	تاي بن تاي	بوابة تايلند	255	25-01-2016 10:43 AM
بتايا تايلند	شارلوك هولمز	بوابة تايلند	28	17-04-2015 08:07 AM
تايلند في شهر ابريل ..	r.f	بوابة تايلند	3	26-02-2015 07:38 PM
رحلتي الى تركيا هل من معين	دروب	تركيا	5	10-02-2015 03:20 AM