بوابة السفر الى الدول الاسكندنافية
عنوان التقرير ستوكهولم ... عاصمة السويد بقلم احلى من العقد

يسعد أيامكم

كانت الدول الاسكندنافيه بالنسبه لي مكان يستحق التفكير فيه وزيارته ... كنت متردده ومحتاره بين الدنمارك كوبنهاجن ، ستوكهولم ، اوسلو او روسيا ... والسبب في اختياري هذه الدول او المدن هو اكمال مخطط سفرتي الصيفيه ...
قريت بصورة عامه عن هالمدن استثنيت روسيا لانها تحتاج فيزا خاصه وغير سالفة الامان ..
قريت ان ستوكهولم فايزه كاحد احسن 10 مدن في العالم ..
فعلى طوووووول
قلت خلاص الوجهه الاولى هي السويد .. ستوكهولم
والحمدالله القطرية تسير رحلات الى ستوكهولم ومدة الرحلة 5 ساعات تقريبا ..
طرنا من الدوحة الى ستوكهولم وكانت الرحله خفيفه جدا ماحسينا فيها ولا تعبنا ووصلنا الى ستوكهولم الي من اول مانزلنا فيها وشفنا جوها من شباك الطائرة انبسطنا جدا ولما اعلن الكابتن ان درجة الحرارة 18 درجة سيلزيه وجوهنا صارت هكذا

خلوني امشيكم معانا في شوارع المدينة الجميلة ستوكهولم ..

خطتنا لليوم شكل ماقلت لكم

مشي بدون هدف ومشاهدة ستوكهولم على رواقه واكتشاف المنطقة













هاي صورة ثانيه للفندق والله موقعه ممتاز جدا











مدينة ستوكهولم عبارة عن ارخبيل من الجزر الصغيرة المتناثر والمتلاصقة ببعض .. وانتو في ستوكهولم مابتحسون انكم تنتقلون من جزيرة لاخرى بسبب الشوارع والجسور بين الجزر الملاصقة لبعضها بشكل يحسسك انها ارض وحده .. و الجدير بالذكر ان في جزر تعتبر شوي بعيده وتحتاجون مراكب او سفن عشان توصلون لها وهي ايضا جزر سياحية .. بس مارحنا لهالجزر .. كانت من ضمن الخطه عشان نستغل المكان ونسبح في البحر بس الجو بارد مب مال سباحه

جسور وشوارع جميله تربط الجزر الصغير المتناثرة ببعضها مكونه مدينة فريده من نوعها

ولقينا روحنا بالقرب من المدينة القديمة ((غالماستان)) كنت اظن المدينة القديمة بعيده بس طلعت جدا قريبه وهاي بوابتها

واتجهنا بحماس جهة بوابة غالماستان او المدينة القديمة










والماي يحيط فينا من الجهتين

















ودخلنا

















ومثل كل مكان قديم ... ينبعث منه سحر من نوع خاص يشد كل السياح















مايذبحوني الا بائعين النقانق .. ياخي نقانقهم تشهي




















































وصلنا لمرحلة من الجوع تخلينا ممكن ناكل بعض اذا مابدينا البحث عن مطعم ..











محل هدايا و هالنوعية من المحلات منتشرة بكثره في المدينة القديمه

ووقعت عين خالتي على محل اسمه جورسليم يبيع فلافل و شوارما وهالاكلات









ووقفت تتأمل منيوهم لعدة دقائق وتمدح اطباقهم الي تبين انها شهية تقول شوفو يحطون فلافل وجمبه جبن وشوي زيتون وحمص وشكله حلو ومن هالكلام .. برغم اني اكره المطاعم العربيه في الخارج لكني استسلمت للجوع و قلت يالله ناكل اي شي ولقيت عندهم سندويج كفته قلت بس باكل سندويج كفته وامي قعدت في مطعم جمب مطعم الفلافل يبيع اكلات احلى من الفلافل ياريتني قعدت معاها




المطعم للاسف اكله اقل من المتوقع بوايد




كفتتي بارده والخس والطماط مطلعينه من الفريزر وحاطينه بالسندويج بارد بطريقه غير طبيعيه وطبق خالتي جاها بدون خبز خخخ قالو لها هالطبق مامعاه خبز خخخ




الكل اجمع ان هالمطعم فاشل للاسف وانا ماكملت حتى ربع السندويج .. بس مانقول غير الحمدالله على النعمه غيرنا مب محصل ..




ويتبع

وكمل الباص جولته للمحطة الرابعه ..