3000 كيلو حول الألب والغابات السوداء _ سبتمبر 2014 _الجزء النمساوي - الصفحة 5

Fahd · 09-06-2015, 11:09 PM

اقتباس : المشاركة الأصلية كتبت بواسطة ثااامر وبس

تقرير بطل ومميز ...والحمد لله على السلامه ...

مع اني تاثرت بالاكشن اللي صار في بداية الرحلة لكن ماشاء الله عليك..قدرت تتجاوز هذي المنغصاات وما اثرت عليك ف الرحله

هههههه اي والله كان اكشن
صدقني اخوي ثامر لو اني ما كتبت تفاصيل ما تعرضنا له في نفس تلك الفترة يمكن الآن ما اتذكرها .. لكن اتذكر كثير من الاماكن الحلوة اللي رحنا لها..
هي كما ذكرت في رد سابق على احدى الاخوات .. الامر باختيارك .. وانا والله مو شطارة مني لكن تجربة حاولت استفيد منها وانقلها هنا ليستفيد الكل ..
وفيه جزئية بسيطة ذكرتني فيها جزاك الله خير ..
اشتراكي في تجوال البيانات قبل ما اروح هناك ساعدني كثير في محاولة ايجاد البدائل وانا في مطار باريس ومن بعده ديسيلدورف ..
لأني كنت شغال على الجوال واللابتوب مع كل تغير في الخطة ..
أشكر لك مرورك وتفاعلك يا غالي ..

Fahd · 09-06-2015, 11:11 PM

اقتباس : المشاركة الأصلية كتبت بواسطة احمد الحربي

يعطيك العافية على التقرير المتعوب عليه

تحياتي

تستاهلون كل خير ..
شاكر ومقدر لك مرورك وتفاعلك يابن العم ..

Fahd · 09-06-2015, 11:15 PM

اقتباس : المشاركة الأصلية كتبت بواسطة قصة حب

ما شاء الله التقرير مرتب والصور وايد حلووووووووووة

بالعافيه عليكم

الله يعافيك واشكر لك مرورك وتفاعلك ..
تحياتي لك ..

فهد المنيع · 12-06-2015, 02:53 PM

ماشاء الله تبارك الله

شغل مرتب .. وتقرير فاخر

تسلم يديك على الصور الجميلة والمعلومات الرائعة واللي بتفيد كل مسافر ..

اكرر شكري الجزيل

الانيق · 12-06-2015, 06:56 PM

الله عليك تقرير جميل وافي وتفصيل لكل شي
جدا ابداع وامتاع

بس في الجدول الاول الاحداثيات عجزت تركب بالقارمن
مدري وش السبب

Fahd · 12-06-2015, 10:40 PM

اقتباس : المشاركة الأصلية كتبت بواسطة فهد المنيع

ماشاء الله تبارك الله

شغل مرتب .. وتقرير فاخر

تسلم يديك على الصور الجميلة والمعلومات الرائعة واللي بتفيد كل مسافر ..

اكرر شكري الجزيل

العفو يا غالي ويستاهلون اهل المنتدى كل خير ..

اشكرك على مرورك وتفاعلك ..

Fahd · 12-06-2015, 11:23 PM

اقتباس : المشاركة الأصلية كتبت بواسطة الانيق

الله عليك تقرير جميل وافي وتفصيل لكل شي
جدا ابداع وامتاع

بس في الجدول الاول الاحداثيات عجزت تركب بالقارمن
مدري وش السبب

حياك الله اخوي الأنيق وتسلم على تفاعلك ..
بصراحة أنصحك بتحميل ملف الأخ احمد الدوسري (رجل شرقي) كان مفيد جدا وفيه أكثر من 500 احداثية في أكثر من دولة أوربية وبالأخص النمسا وسويسرا وألمانيا ..
لست متأكد إن كان موجود هنا في المنتدى حاولت احمله في هذا الرد لكن للأسف المنتدى لايقبل الامتداد .. وضعته لك في ملف ورد وانشالله يضبط معك ..
ووضعت لك نفس الملف الموجود في الصورة حتى يسهل عليك نسخ الإحداثيات ,,

بالنسبة للإحداثيات .. .. هي صيغة من 3 صيغ ممكن تستخدمها .. وأعتقد تقدر تغيرها في إعدادات القارمن بشكل سريع ..
بالنسبة للموجودة في الملف .. انا نسختها من قوقل مباشرة لأنه يستخدم هذه الصيغة ولكنه يقبل كل الصيغ الأخرى ..

لكن عموما بأحاول اشرح بشكل سريع .. بالنسبة لـ 3 صيغ .. هي على الشكل التالي

DD-MM-SS وهي الدرجات Degrees .. الدقائق Minutes .. الثواني Seconds .. كل درجة فيها 60 دقيقة .. وكل دقيقة فيها 60 ثانية ..

DD-MM.sss وهي ربما الصيغة الأشهر عندنا هنا .. وهي نفس الأولى ولكن الثواني قسمت على 60 وأصبحت بعد الفاصلة

DD.mmmm وهي نفس الصيغة المستخدمة في الملف .. وهي نفس سابقتهم لكن الثواني قسمت على 60 ثم الدقائق وتصبح كلها بعد الفاصلة ..

بالمناسبة .. الأرقام في الملف معكوسة .. المفروض خط العرض Latitude يجي قبل خط الطول Longitude ..

لكن ناخذ مثال أول رقم 13.647957 وهنا سنفعل العكس لأننا نحول بشكل عكسي .. الضرب بدل القسمة ..

الاحداثية هي بصيغة DD.mmmm

لكن نفسها بصيغة DD-MM.ssss .. نضرب الموجود بعد الفاصلة في 60 .. يعني 647957. في 60 = 38.87742
يعني الأحداثية هي 38.87742-13

وإذا بغيت تروح للصيغة الأولى DD-MM-SS تضرب اللي بعد الفاصلة في 60 .. 0.87742 في 60 = 50.64
يعني الإحداثية هي 50.64-38-13

كل الصيغ أعلاه هي لنفس الإحداثية ..

إنشالله إني حليت الإشكالية .. وإذا في شي مو واضح اعطيني خبر وابشر بسعدك ..

الملفات المرفقة

	Garmin_Points.docx‏ (72.6 كيلوبايت, المشاهدات 30)
	برنامج النمسا.pdf‏ (404.1 كيلوبايت, المشاهدات 101)

الانيق · 13-06-2015, 02:02 AM

شكرا حبيبي تعبناك جدا

وجارى العمل لعل وعسى افهم

الاحداثيات

وفي الصوة المرفقه الصيغه اللي اتعامل بها

الصور المصغرة للصور المرفقة

Fahd · 15-06-2015, 12:25 AM

اقتباس : المشاركة الأصلية كتبت بواسطة الانيق

شكرا حبيبي تعبناك جدا

وجارى العمل لعل وعسى افهم

الاحداثيات

وفي الصوة المرفقه الصيغه اللي اتعامل بها

ابد ... تعبك راحة اخوي الأنيق وحنا مو هنا إلا عشان نعاون بعضنا ..
ممتاز .. الصيغة الموجودة في الملف هي الصيغة الأولى في الصورة المرفقة ..
مجرد تغير لها في الإعدادات تقدر تدخل الإحداثيات مباشرة ..
وتقدر بعد ما تدخل الإحداثيات ترجع للصيغة اللي انت متعود عليها ..

وتقدر كمان تنسخها مباشرة من الملف المرفق PDF في مشاركتي السابقة وتحطها في برنامج ال Basemap اللي يحمل النقاط من الكمبيوتر للقارمن ..
اختار اللي يريحك واعطيني خبر بالله وش يصير عليك ..

الانيق · 15-06-2015, 02:53 AM

ياحبيلك ماتقصر يالغالي

والحمد لله حملت كل احداثيات رجل شرقي ونسختهم للجهاز وشريت ذاكره ونسختهم في الذاكره وحطيتهم في القارمن
كل التحيه والتقدير لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
3000 كيلو حول الألب والغابات السوداء _ سبتمبر 2014 _الجزء الألـمـانـي	Fahd	بوابة المانيا	33	16-02-2022 01:48 AM
جدول رحلاتي في رست والغابات السوداء	مقدام	بوابة المانيا	56	13-07-2018 03:21 PM
(معشوقتي أوربا) 2014 Θςт الجزء النمساوي وسلوفينيا	AbOFareS2011	بوابة النمسا	22	16-01-2017 10:18 AM