رحلتي إلى اوروبا - ايطاليا النمسا سلوفاكيا التشيك المانيا - 22 يوم

Seeker · 05-01-2016, 12:09 PM

.
.
.
اشترينا عصير طازج :ممتاز:.. واحنا ننتظر العصير جالنا واحد سنغالي يبيع اصنام صغيرة على شكل فيل و سلحفاة و يقول انه اليوم يوم ميلادي (ميلاده) وانه مسلم، قلنا له ما نريد نشتري.
بعدين عطانا كل واحد هدية لان يوم ميلاده. و بعدين قال انزين عطوني فلوس انا عطيتكم هدية. قلنا تقص علينا انت ولا ويش سالفتك. يوم شاف ان ما نعطيه فلوس قال رجعوا الاصنام ..
رجعنا له بدون تردد.. صرنا نروح اي مكان نشوف شكل فيل نضحك و نقول هذا سوالنا لعنة فيل يمكن (cursed by elephant) و هذه قصة من القصص اللي صارت لنا فالرحلة.

قررنا نروح نوقف فالطابور اللي يودي القبة. صعود القبة كان اكثر تعب من البرج لان ما في استراحة و الدرج عبارة عن 463 درجة. لكن يستحق التعب الصراحة لانك تكون في اعلى مكان في فلورنسا.
اول ما وصلنا كان في هواء بارد. طبعا ما كان زحمة و ما كان فاضي المكان. استمتعنا بمناظر فلورنسا الجميلة و الجو الجميل وطبعا صورنا.

داخل القبة

داخل القبة

داخل القبة

الخروج من القبة

نزلنا من القبة و رجعنا الشقة خلينا اغراضنا و طلعنا نتغدى عند واحد باكستاني مسلم يسوي دونر كباب. شي عجييييب الصراحة. احلى من دونر كباب مال عمان بوجهة نظري. انا طلبت دونر دجاج و البقية طلبوا دونر فلافل.

قبل الغروب رحنا قصر فيشيو لنصور غروب الشمس. وصلنا و كان ممنوع تاخذ معاك ترايبود الكاميرا فوق البرج:وكسه: لازم تخلي عندهم تحت صندوق الايداعات. لكن عادي تاخذ الكاميرا. بعد صعود 223 درجة وصلنا اعلى البرج و على طول تصوير.

نزلنا و رحنا الجسر St Trinity Bridge وجلسنا على الجسر... منها راحة ومنا سوالف و تصوير وسوالف عن اليوم. و جاء وقت العشاء، استخدمنا برنامج الذبيحة ندور مطاعم حلال فالمنطقة. حصلنا مطعم تركي خذينا صواريخ.

واحنا راجعين الشقة شفنا ناس متجمعة مسوين مستطيل و ضحك، طلع في عرض شوارع. شفنا العرض و رجعنا الشقة مرورا بالسوبرماركت. لينتهي اليوم السابع اليوم المتعب كله مشي و صعود درج و نزول من درج (لياقه)

فيديو عن اليوم السابع
https://youtu.be/773K9tkOdvM

فيصل و q8ya metnaqla معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زيديني حضنًا بجمالك زيديني**زيديني ألمًا بفراقك زيديني(المانيا- النمسا)	mazmaz_0	بوابة المانيا	89	19-07-2019 03:10 PM
رحلتي الى المانيا وفرنسا وسويسر والنمسا	Fahad Mandi	بوابة المانيا	122	19-07-2019 03:09 PM
مساعدة في تخطيط رحلتي إلى المانيا	Maha	بوابة المانيا	11	20-03-2018 12:06 PM
مخطط سير ل 4 دول ( هولندا - بلجيكا - المانيا - النمسا )	hoseenkhader	بوابة الدول الاخرى	4	15-05-2015 09:56 AM