السلام عليكم ورحمة الله وبركاته
احب اشكر جميع القائمين على المنتدى والله يجعله في ميزان حسناتكم
بأذن الله بتزوج بعد العيد وحاب اقضي شهر العسل في بريطانيا
ابي اطلع فيزا لخطيبتي هي طالبه جامعيه كيف اطلع لها وانا وظيفتي مدرس وراتبي 9 آلاف وخطاب التعريف من العمل له اكثر من شهرين من طلعته يقبلونه عادي انا قد سافرت بريطانيا بس التأشيرة اللحين منتهيه

و عليكم السلام

طالما عندك فيزا بريطانية سابقة هذا بسهل الوضع كثير
لابد من تجديد خطاب تعريف العمل

اذا فيه امكانية تسوون ملكة و تقدم لها على انها زوجتك و هذا افضل
غير كذا ابوها يقدم لها و يعمل لها خطاب تكفل بالمصاريف + كشف حساب + تعريف عمل
+ صورة من جوازه

1000 مبروك مقدماً و الله يوفقكم

الله يعطيك العافية اخوي آخر فرصه والله يبارك فيك
شكرا اخوي آخر فرصه
يعني ما اقدر أقدملها انا واسوي خطاب تكفل بالمصاريف يعني السفارة تهتم لموضوع ان الي يتكفل بالمصاريف لابد يكون ابوها او زوجها
وبالنسبة لخطاب التعريف لابد يتجدد مافي امل يقبلونه لان عملي في نجران وبعيد علي جدا

نعم لابد من وجود صلة قرابة و هم دقيقين بالامور هذي

ممكن تجرب معاهم اذا مقر العمل بعيد عليك
و اذا كان بالعربي لابد تترجمه للتذكير

أنصحك تطلع تعريف جديد .. مدري بس المعلم ما يقدر يطلع تعريف من أي إدارة ؟

ولا لازم الادارة التابع لها

الله يعطيكم العافية اخواني آخر فرصه و tab_el ماقصرتم الله يجزاكم خير
خطاب التعريف لازم من الاداره نفسها
الله يعينني اروح نجران آخذ خطاب جديد عشان أضمن

الله يعينك و يوفقك

الله يعيننا و يوفقنا جميعاً

ألف مبروك وبارك الله لكما وبارك عليكما وجمع بينكما في خير
ما قصر الإخوان
وأتمنى لكما رحلة سعيده موفقه

الله يبارك فيك اخوي الغردقاوي ويسعدك يارب