السلام عليكم

أنا بكرة موعدي إن شاء الله لتقديم أوراق وطلبات الفيزا ،
لكني محتارة بموضوع التأمين الطبي ،
فيزتي هي تبع الـ Short-Term Study Visa :
Special) Student visitor, to study English Language

فأفكر أسوي التأمين إحتياط عشان تكون الأوراق كاملة ،
ولكني مالقيت في قائمة الفيز فيزتي


فحطيت other ثم ما جاني إلا course F


فهل أختارها ؟ ولا أصلا فيزتي ما تحتاج تأمين طبي ؟

محتارة بصراحة ، واعذروني على كثرة الأسئلة بس أنا اللي بسوي كل شي فـ خايفة من الغلط

و عليكم السلام

هل النية دراسة اللغة ؟ و كم المدة ؟

بالنسبة لي ماراح افتيك لان قيمة التأمين 1300 ريال تقريبا للشخص
بس اللي اعرفه انه من بعد 6/4/2015 فيه تأمين للي بيجلس اكثر من 6 اشهر

بالنسبة لنا دفعنا تأمين وكان فيه واحد خلا المكتب يمشي المعاملة بدون مايدفع ورجعوا السفارة اوراقه وانه لازم يسدد التأمين ... لان فيه خانه لرقم التأمين الصحي في الابلكيشن

اشوف لك فترة حايسة في الموضوع هذا
انا كنت مثلك والابلكيشن جدا غثيث والموضوع حساس + الوقت ضيق ...والمكتب ياخذ 150 ريال بس ...انا حست اسبوع والشرح الموجود يختلف لان اعتقد ابي تير4 والموجود للسياحية وماحبيت اجتهد لان موب وقته ...واعطيت المكتب الصباح اوراقنا والمغرب دق علي يعلمني انه حجز الموعد ...احيانا عادي نلجأ للمكاتب واشتري راحتي + شغل مضمون ان شاء الله لانه لو صار غلط بسبب اني موب فاهم باتمنى وقتها اني دافع 1000 موب 150 وتمشي اموري ...الموضوع موب حجز اوتيل او سيارة الخطأ فيه يتعدل والخسارة بسيطة ...

شكرًا لكم جميعًا ،
رحت للموعد وأوراقي كاملة بفضل الله ، وفيزتي ما تحتاج التأمين الطبي ، وقالولي بس التاير هي اللي ينعمل فيها التأمين .

أخ أبو عبدالله ، الحمدلله كان عندي وقت ومن شخصيتي أحب أعتمد على نفسي ، عشان كذا سويتها بعد بحث وقراءة واستفسار ، يعني مو شغلة فلوس =)

شاكرة لكم تعاونكم وما قصرتوا =)

مبروك التقديم و عقبال الفيزا

رائع أنك انهيت أمورك بنفسك ما شاء الله عليك

ياليت تكتبين لنا تجربتك بالتفصيل

عشان الكل يستفيد

ماشاء الله تبارك الرحمن
الله يوفقك وييسر لك ...وان شاء الله ربي يفرحك بالفيزا قريبا..

ما شاء الله عليكي
موفقه بإذن الله