الله يعطيكم العافية على ردودكم وتفاعلكم اخواني

وراجع لاستفساراتكم ان شاء الله بس عطوني وقت



اليوم الثاني :
نمت حتى ١ الظهر قمت وصليت الظهر والعصر وطلعت من الغرفة ودفعت التذاكر عرض
The Beatles LOVE | Cirque du Soleil طبعا التذاكر المفترض اني ادفع حقها اونلاين لكن موقع فندق ذا ميراج ما طاع يقبل الدفع من بطاقتي فراسلتهم على الايميل وقالوا ان هالمشكلة تصير في بعض البطاقات العالمية وقالي اختر المقعد اللي تبيه وانا احجزه لك وبرسل لك الحجز على ايميلك واذا وصلت للاس فيقاس رح لفندق ام جي ام بتلقى شباك التذاكر هناك ادفع عنده طبعا اخترت المقعد وارسلت له وارسل لي الايميل وكنت حريص احجز هذا الوقت لان كان في عرض على الحجوزات بسبب ان السيرك هذا تم له 50 سنة وحاطين عروض خاصة والمقعد اللي حجزته كانت قيمته 170 دولار وبعد الخصم صار ب 126 دولار ومن باب النصيحة ولو اخترت من المقاعد الأخيرة واللي هي أرخص شي بتصير الرؤية جيدة لان مكان العرض كان صغير ولو اخترت اول المقاعد واللي هي اغلى شي تصير كأنك داخل معهم في العرض وبتتلفت يمين ويسار عشان تلحق تشوف والأفضل المقاعد اللي في النص مثل ما اخترت والحجز من موقع الفندق :
The Beatles LOVE a Cirque du Soleil Show at The Mirage in Las Vegas

وعقبها كانت الوجهة إلى HIGH ROLLER بديت اتمشى في الستريب بين الفنادق ومريت ستار بكس وتقهويت فيه ومشيت ولما جيت بدخل أحد الفنادق ببدل نظاراتي الشمسية بالطبية مالقيت نظارتي الطبية وأدور واسأل المحلات عنها ولا حصلتها للأسف والحمد لله أني كنت جايب نظارة طبية احتياط رجعت للفندق وخذتها وبديت أتمشى في الستريب وأنا أدور حسيت بالجوع وقررت أن اذوق برقر ان اند آوت وأشيك عليه في قوقل ماب وألقه قريب مني ومشيت له ويوم قربت له تفاجأت أني ما أقدر أوصل له الا عن طريق السيارة لانه كان ورى جسر ولا كان فيه ممر للمشاه عندها قررت اتمشى في الستريب وباكل أي شي القاه

اطلالة الغرفة



لوبي الفندق



أول ما طلعت من الفندق والنية طريق الستريب



اكبر تمثال مصنوع من البرونز للاسد



صورة للفندق من الخارج



هنا صور متفرقة للشوارع والفنادق من الخارج والداخل





5

هنا احتسيت قهوتي السوداء





هذا المحل قريب من ستار بكس مبدع في طريقة وضع الصور داخل الزجاج





بعدها شفت هذا المحل اللذيذ وتمنيت أني ما كلت من ستار بكس عشان أكل منه بس وعدت نفسي بزيارته مره ثانية ولكن لم أفي بوعدي :eq-67:





هديتي لزوار الموضوع





أي واحد يروح ياكل الكوكيزبالمارشميلو نيابة عني









وهذي صور متفرقة للفنادق والشوارع من الداخل والخارج











حبيب الشعب شيك شاك بس طاح سوقه بعد ان آند آوت :eq-63:



حبيب الملايين ام آند امز







عالمي ولا عزاء للهلاليين



كل هلالي ياخذ هدية بس لا تزعلون علينا







اكتشفت أني احب الميداليات فصرت كل ما رحت لمحل خذت منه ميدالية وهذي أولها



صور متفرقة للشارع والفنادق

طبعا هذا المجمع اللي في الزاوية أنصح جميع البنات يبتعدون عنه مقدار ألف ميل حفاظاً على الميزانية

















أعجبني اسمه وشريته



هنا وصلت للطريق اللي يوصلك للهاي رول وهو شارع جمييييل خاصة بالليل فيه مطاعم وكافيهات ومحلات



وصلت البوابة اللي تدخلك على الهاي رول طبعا التذكرة شريتها من النت على هذا الموقع وطبعتها وقدمتها لهم عند الدخول
https://www.caesars.com/linq/high-roller#_=_

في نوعين الاول تذكرة صباحية من 11:30 ص وحتى 7:00 م هذي ب 27 دولار
والثانية تذكرة مسائية وهي اللي خذتها من 7:00 م وحتى 2:00 ص طبعا جيتهم على الساعة 7 م ودخلت عشان يمدني ألحق على الصبح والمساء pb192 لان مدة الدورة نص ساعة وارتفاعها عالي حوالي 550 قدم



















وبعد ما طلعت من الهاي رول رجعت مع نفس الشارع اللي رحت معه



ووقفت عند هذا المحل اللذيذ :





معليش ما صبرت لكم



تكملة مع هذا الممر الجمييييل





هنا مجموعة من الصور الليلية للفنادق تبين لنا كيف تكون فيقاس في الليل بعكس الصور اللي قبل فرق شاسع في الليل أجمل بكثير من النهار





العرض المعلق على اللوح هو اللي بأحضره في بكرة في نفس الفندق ذا ميراج








































كنت جايع ولكن مع كثرة المشي انسد نفسي وكان عندي برنامج يحسب مقدار المشي في اليوم وتفاجأت أني مشيت 21 كيلو اليوم كله في الستريب ووعدت نفسي بغدا دسم يعوض المشي اللي راح وتوجهت للفندق للصلاة والنوم وبتشوفون الغدا في الحلقة الجاية ان شاء الله طبعا كثرت لكم الصور عشان يمكن اسحب عليكم في الويكند الا أن يشاء الله

حمدالله على سلامتك
متابعين للاخر
تحياتى

تسلم علي الصور يا غالي

حسب ما أقرأ ان لاس فيغاس في الليل أجمل

الله يعطيك العافيه ع التقرير الجميل
رجعتنا لايام التقارير الجميله
شكرااااااااااااااااااااااااااااااااا ملاييين

اخوي اخر فرصة

حياك الله وشرفتني في الموضوع

وهذا الهدف من التقارير توضيح التفاصيل اللي تخدم الناس في السفر

شكراً لك



اخوي شارلوك هولمز

حياك الله اخوي وشرفتني في الموضوع

الوضع البانورامي من جوالي نوكيا 1020 واعتقد أنه موجود في أغلب الجوالات الان

شكرا لك



اخوي أبو عبدالله

حياك الله وشرفتني في الموضوع

شكرا لك



اخوي القحطاني

حياك الله اخوي وشرفتني في الموضوع

شكرا لك على اثراء موضوع الانترنت والصراحة بحثت بشكل موسع عشان القى شي مفتوح بسرعة عالية لكن عجزت

وشكرا لك



PrinceOfPersiahاخوي

حياك الله وشرفتني في الموضوع

شكرا لك



اختي عناقيد الربيع

حياكِ الله وشرفتيني في الموضوع

من الضروري زيارة أمريكا دولة جميلة جداً وشعبها طيب
والشنطة إلى الان وأنا أضحك على نفسي كيف نسيت شكلها
وبالنسبة للتطبيق هذا اسمه تطبيق رحلة حلال أو HalalTrip اذا بغيتي تبحثين عنه
وشكراً لكِ



اخوي
oceanus

حياك الله وشرفتني في الموضوع
واكسبيديا احس أنه ما يقدر يطلع كل الرسوم المطلوبة ولازم تاخذها من الموقع الاساسي
والله أعلم
شكراً لك



اخوي فيصل

حياك الله وشرفتني في الموضوع

والله زين الوناسة بس وصلت هالحد ما جبت العيد في شي ثاني
والمجمع اللي صليت فيه ما كان فيه مسجد بس وقف ورى وصليت

وبالنسبة للسيارة هذي ميزة السفر لحالك كنت أقدر اسوق بعد هالرحلة الطويلة

ولو معي أحد أجزم أننا كنا بناخذ ليلة نرتاح فيها قبل لا نروح لفيقاس وكان ممكن اروح بالطيارة

لكني ما أحب إلتزامات الطيارة قص بوردنق انتظر الاقلاع تسليم الشنط

أحلى شي معي سيارتي وأمشي متى ما بغيت

والموقع والله ما ادري وش السبب انه ما يطلع كل الرسوم المطلوبة بس أنه لقى لي تذكرة الطيران بسعر رخيص

وهذا شفع له عندي

وفعلا قبل سنتين خذناها في المانيا على سيكست وخذوا ضعف المبلغ

وفيقاس في الليل تطلع مدينة ثانية جميييلة جدا

شكرا لك




اخوي ابو سلمان

حياك الله وشرفتني في الموضوع

وعقبال ما نتشرف بموضوعك الخاص إن شاء الله

شكرا لك



اخوي BoAziz2001

حياك الله وشرفتني في الموضوع

والله يسلمك وأهلك من كل شر

وفرصة أني أشكرك جزيل الشكر على ما قدمته في هذا المنتدى ويعلم الله أني استفدت الكثير منك

فالله يجزاك خيرا كثير ويوفقك

لا تحرمنا من تعقيباتك وملاحظاتك

شكرا جزيلا لك



اختي omfahadkw

حياكِ الله وشرفتني في الموضوع

والقادم أحلى إن شاء الله

شكرا لكِ

ما شاء الله تقرير جميل وصور راااااااااااااااااااااااااائعة

ومشكور على هالهدية



أما إطلالة الفندق


ههههههه بس حلوة المباني اللي في الخلف .. والله شيء جميل

أنا لو رئيس أمريكا وعندي هذي الأشياء ما أشتغلت لا في السياسة ولا في الحرب واهتميت بدولتي ههههههههههه

عندي سؤال بسيط: هل جربت الدفع في أي مكان في أمريكا عن طريق الجوال ؟ يعني عن طريق google wallet أو apple pay أو samsung pay ؟
لأنه هالخدمة مفعلة في أمريكا ورهييييييييبة

مثل كذا
apple pay


samsung pay


الله يعطيك العافية

حياك اخوي القحطاني

أنا لو رئيس امريكا كان استقلت ورحت اتمشى في كل الولايات

والله الخدمة جميلة وسمعت ان الكويت الان طبقتها
بس للامانة ما جربتها ولا لاحظت أن احد جربها
بس ممتازة امنة جدا خصوصا مع البصمة

يعطيك العافيه على هذا التقرير الرائع بصوره وتفاصيله

زين ماحسبوا عليك المشروبات الروحية هههههه

وبانتظار باقي الرحلة المشوقه

ما شاء الله تقرير رهيب

بصراحة فكرة المطعم الأول غريبة شوي هههههههههه

وأحلى شيء مثل ام ذكرت الدفع أغلبه اذا مو كله بالفيزا وهي أفضل من الكاش وأمان من سرقة الفلوس

ولكن لا بد من وجود مبلغ كاش في الجيب تحسبا لأي أمر طارئ

الله يعطيك العافية