انواع تذاكر ديزني لاند باريس - الصفحة 3

motherghala · 07-06-2015, 12:55 AM

اقتباس : المشاركة الأصلية كتبت بواسطة fanda

العروض اكثرها في الاستوديو مثل شلون يسوون خدع سينمائيه تفجير سيارات وهالشغلات طبعا الاولاد راح يحبونها ويستمتعون فيها

في عرض احنا حبينا كثير اسمه Animagique ممتع جدا بعد في الاستوديو وله اوقات محدده

ايوة انا شفت ف موقعهم كاتبين اسم هذا العرض ..بأحفظه ف الملف..كمان ماشاء الله عندي ولدي 10سنين اكيد بتعجبه عروض السيارات والتفجير.

motherghala · 07-06-2015, 12:56 AM

اقتباس : المشاركة الأصلية كتبت بواسطة fanda

تذاكر الباص الاحمر تقدرين تشترينها مباشرة من الباص نفسه
من محطة Marne la Vallee في ديزني مباشر الى الشانز تنزلون في محطة Charles de Gaulle -Etoil عند قوس النصر اول ما تطلعون من المحطة قبالكم القوس والسفاره القطريه موقف الباص الاحمر عند السفاره بالضبط

تماااام
جاري حفظ المعلومات بالملف

motherghala · 07-06-2015, 01:07 AM

اقتباس : المشاركة الأصلية كتبت بواسطة fanda

التنظيم دايم يتغير في ديزني
بقول لك شلون كان النظام في اخر زياره لي والي كانت في شهر مارس الي فات

في ديزني بارك في مكان خاص للاميرات اسمه Princess Pavilion يصير في منطقة Fantasy Land اول ما تدخلين البارك تروحين مباشره هناك وبكون في شخص يوزع بطاقات على اساس انها بطاقات دعوه لقصر الاميرات وطبعا العدد محدود
من الاميرات الموجودات ؟! انتوا وحظكم كل اميره لها وقت معين ومو شرط كل الاميرات يكونون موجودين

قريب منهم كان في مكان صغير محوطينه وكل ساعه تجي وحده من الاميرات للي يبي يتصور وتوقع له

ديزني مثل ما قلتي هي مره وما تدرين اذا راح تتكر خلهم يستانسون
وصدقيني تربه حلوه حتى لكم بس ان شاء الله ما يصر لكم مثلنا رحنا متاخر بعد ما صكت البارك وبدون موعد نطرنا 45 دقيقه ولما دخلنا ولدي مسكين ما قدر يقاوم ورقد حاولنا نقعده مافي فايده حتى ميكي وربعه لما يوصلون لطاولتنا يحاولون معاه بس بدون فايده

ايوة عرفت موقع تصوير الاميرات وان شاء الله نروح بدري عشان نلحق الكروت.
بس مسألة المكان المحوط اللي كل ساعة تجي اميرة للتصوير والتوقيع كيف نعرف متى اوقاتهم؟ لانه بنكون عند ألعاب ثانية او عند عروض او في الاستديو. لازم لي اسأل الموظفين هناك واستفسر منهم مضبوط ان شاء الله.
وابشررررررك حجزت موعد للغداء في كافي ميكي ثاني يوم من وصولنا واعطاني رقم حجز والحمد لله.
باقي مطعم سندريللون مترددة احجز فيه ولا مايسوى المبلغ لانه بيطلع تقريبا 1400ريال...اذا كلللللل الاميرات بيكونو موجودات فيه فممكن اعيد النظر واحجز فيه وأمري لله..اذا حبة حبتين احس بيكون ماله داعي..شورو علي يستاهل المطعم ولا مايسوى الغلا؟؟

الله يسعدك ويوفقك ويحفظلك كل غالي ويرزقك من واسع فضله ويجزاك الجنة ونعيمها افدتيييييييني كثييييير ربي يبارك بعافيتك .

fanda · 07-06-2015, 05:02 PM

المكان المحوط يكون مكتوب من الأميره الي بتكون واعتقد مكانها ثابت لطول اليوم
بكون في موظفين الإستعلامات في كل مكان اي شي تسالينهم راح يساعدونك بابتسامه عريضه
بس نصيحه لا تضيعي وقتك في هالطوابير استمتعوا بالموجود
يعني اللعبه الي ما عليها ضغط اركبوها والشخصية الي ما عليها زحمه وقفوا تصوروا معاها
لانه اذا تميتي تلاحقين الشخصيات بضيع وقتك عالفاضي

سندريلون ما جربته لانه شفت المنيو ما تناسبنا و ما راح تكون كل الأميرات موجودات أكيد

تمام انك حجزتي لميكي كافيه اهم شي تحتفظين ببطاقات دخول الحديقة عشان بعد الغدا تدخلون مره ثانيه لانه الكافي صاير في الفيلج

و تسلمين عزيزتي عالدعوات الطيبيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف أحجز تذاكر ديزني لاند أون لاين !؟	badralmatary	بوابة فرنسا	14	12-06-2015 08:05 PM
مساعدتكم عاجلا تذاكر ديزني لاند بالنت	nasser31	بوابة فرنسا	12	17-05-2015 07:10 PM
ديزني لاند	ياسر الجشي	بوابة فرنسا	2	06-05-2015 07:41 PM
فندق في ديزني لاند	وتين12	بوابة فرنسا	7	17-03-2015 11:46 AM