مسـآء / الالق والآنـآقه
صبـآح /الجمـآل وربوع ايرآن الخضرآآء
كيفكم اتمنى تكونو بخير جميع
كلمة شكر لكل من قيمني وتوآصل معـآي وشجعني على تكملة التقرير
كمـآ عودتكم ودي تصفون بـآلكم شوي معـآي وتجيبون شي جنبكم تحبوه
وتبعدون اي شي يعكر مزاجكم
حيـآكم الله في الحلقة الثانيه من حلقـآت ايران الخضراء
توقفنا في الجزء السـآبق عنج تعرفنا على الفندق اللي سكنـآ فيه
واللي قلت لكم بعيد عن ضجة مدينة مشهد وفي بدآآيتها
صحينـآ الصبـآح نزلنا نفطر تحت عشـآن نـآخذ لنا جوله في شوارع ايران
تفضلو معنـآ
المهم طلعنا واول ماطلعت مع البـآب شفت عامله اللي تشتغل
في التنظيف الميزه والعيب في نفس الوقت في ايرآن
انهم مايفهمون عربي وقليل جدآ اللي يفهم انجليزي
الميزه انك تقدر تحش على راحة راحتك بدون محد يدري بك
بس انشب عـآد لو طلع اللي تحش به يفهم عربي
لاتقولون وقتها حدتنا تقـآسيم لان احتمـآل يتوطـآك ذا الايراني
العيب انك ماتقدر تسلم عليهم عربي ولا فـآرسي ف تضظر
لهز الرآآس اسفل مع ابتسـآمة واسعه عشان يفهم اللي قدامك
انك تقوله صبـآح الخير هههههههههههه
ماعرفت اقولها شي بس كويس انهم يقولون سلآم ع الاقل كلمة
ترميها وانت مـآشي
نزلنا نفطر لا اقصد صعدنـآ صحيح لان فطورهم فوق موش تحت
وهذي بعض الصور لفطورهم
المشهور بالايرانيين الطمـآطم المقطع والخيـآر تلقاه بكل كل مكان
بكل بوفيه غدآ عشـآ فطور شوف معـآي
لاااه ماتشوف بوص

هنا المكـآن





البوفيه



هنا عندهم شي اسمه خـآمه مقـآرب للقشطه
بس اطعم بكثير وفيه على نكهـآت سـآده بيضـآ اللي هم يسموها سفيد يعني ابيض,, شوكلآ ,, وفراوله



المربى والعسل



فوآآكه طازجه



هنا الفـآصوليـآ والبيض والاشياء الثانيه ..



الخبزات



هنـآ اللي يعملك الاومليت والبيض بالطريقه اللي بدك عاد ابلش به اذا ماتحكي فـآرسي
اشارات



فطورنا من يومين عشـآن تشوفون كل الانوآآع








الاومليت



بعد مـآ افطرنا والحمد لله مسكنا خريطتنا عشـآن نحدد وجهتنا
> من النصب فرنسـآ على غفله
لا جد ميزه حلوه برضو بايرآآن لاخريطه ولاهم بس هناك عندهم كتيب
يوزعونه بكل مكان ولاحتى وانت تمشي السواقين يقولون لك
شانديز نيشابور مدري وشو .. اماكنهم يعني
وانت بس تقول ودني هنا يوديك
يلا بسم الله طلعنا من باب الفندق واخذنا لنا تـآكسي
لان المسـآفه بعيده عن وسط مشهد
ضمن جولتي لليوم رحت اماكنهم المقدسه بس مثل ماذكرت اول التقرير
عشان انا فضوليه رحت بس بعيدا عن الحلآل والحرام
والجدل اللي راح يصير مراح اعرضها
راح اعرض الجوله وسط المدينه فقط نشوف سوا



الله مكثر البنوك عندهم كل مكان بنك بنك





طبعآ عادي جدآآ انك تشوف الرجال يسوق دبـآب والحرمه وراه ماسكته
ويمكن بعد ولد وبنت هههههههه





هناك بـآصات النقل الداخليه جوى المدينه



المكان هذا ينقلك من الطرف الاول للثاني برضو بانكك



يلا يلا نركب



اسواق متفرقه



طبعا معروفه ايرآآن بالزعفران وهذا من اشهر وافضل واغلى
محلآت الزعفران عندهم ولكن ممتـآز جدآآ



هنا المدخل ل اماكنهم المقدسه مرآآح ندخل جوى



عندهم جنبه بازآآر مثل مايقولون الاتراك حتى لهجتهم تتشـآبه مو بس طبيعتهم



هنا داعوس



برضوفي ايرآآن كل مكان تمشي تشوف حديقه
نشوف هذي الحديقه هنا



يلا نلعببببب



يعلم الله وقلبي شاهد
ان عيني من املها …
بس تشوفك عندي قاعد
روحي ترجع في محلها …



تدري يوم احنا انتباعد …!!
كل هالدنيا واهلها …
يفقدون انسان واحد
و افقد انا الدنيا كلها …



وجااااااااالس لحالي ولحالي … وهزني الشوق وذكرتكـ …






الشي المميز في حدائق ايران لازم تشوف شي ريـآضي



والورد الورد بكل مكـآن بكل زاويه مختلف الاشكـآل والالوان



ياورد في كل الفصول يا فرح عيا لا يطول
قول لي وأقول إن كان عندك لي حلول



يا فرحه قلبي الحزين "
الوقت يمر مالك عذر "



يا بسمة الثغر الخجول
ان عندك لي حلول



وان كان ودك نتفق
ولا ترانا بفترق
ولا تزعلي لو نفترق
قلبك خلي
قلبي انا اللي بيحترق

هذا الورد شفته مقطع وجمعته




المطرب المشهور هههههههه لا والجمهور



وروح يـآطاير وقله قلبي فيه الفين عله



طلعنا من الحديقه ورحنا هالبازار عندهم



صوره جويه ههههههه



دخلنا هالمحل واشهر محل عسل عندهم شهد كلهـآ



شفتو هذا الرجـآل اللي ع العسل شفتوووه متـآكدين بصو كويس
احفظو شكله طيب خلاص حفظتوه تمام



الحين شوفو معـآي



نفسههه يوم كبر خلاص محد يرجع للصوره اللي فوق يتأكد
قلت لكم بصو زين محد سمع الحكي > كملي تقريرك يرحم اهلك

ايونننن بالنهايه بدت تغرب شمس ايرآآن تعلن عن نهـآية اليوم الثاني
في ايرآآن والمنظر الجميل



الى هنا وصلنا لنهـآيه حلقتنا الثـآنيه
وكالعاده قبل ماتطلعون نضيفكم

يم يم



اتمنى اني غيرت جوكم
اتمنى اني اخذتكم معي
اتمنى تكون مرتاح دوم مو يوم
انتظروني في الحقله التاليه
اللي راح يكون زياره لمنطقه تبعد ساعه وشوي تقريبا
عنمدينة مشهد واللي راح تكون مميزه اكيد
بتواجدكم ومشاركاتكم
تهمني متابعتكم اكيد
الى ذلكم الوقت دمتم بكـآمل صحتكم وسروركم وعافيتكم


وقفتنا الجمـآليه

لحبيبـآتي عن ايشدو من شركه امريكيه معروفه

نيكد بايسك الجديدة


طبعا صار لها فتره عندي
باليتات نيكد للشدو, أخذت شهرة واسعة في منذ صدور الباليت رقم واحد من حيث الدرجات الدافئة والمناسبة لكل فصول السنة ومن حيث جودتها وثباتها الرائع,,
كانت الباليتات الأولى والثانية مناسبة للسهرات ونادرا ما يمكنك استخدامها بشكل يومي لاحتوائها على الشيمر “اللمعة” , قد لا تناسب الجميع ربما هناك من تود أن تظهر يوميا بلوك طبيعي أكثر.
* ذات الجودة للباليتات الأولى والثانية .
* ألوان طبيعية أكثر بألون البني والنود , والأسود وبدون لمعة.
* حجمها مثالي وصغير ومناسبة للحمل أي وقت, في الحقيبة أو أثناء السفر.
* إمكانية استخدامها كلون للحاجب أيضا, واللون الأسود منها مناسب ليستخدم أي لاينر.
* مناسبة للوك يومي للعمل والجامعة بدون الإحساس بأنك تجاوزت الحد المعقول لأماكن مثل العمل وغيره.
*مستوى الثبات رائع .
طبعا ماتقدرون تشترونها من هنا
انا اخذتها اخر مره في زيارتي الاخيره ل امريكا
بس تقدرون تطلبونها من النت من مندوبات ع الشبكهه العنكبوتيه
السؤال هل تستحق اشتريها
برائيي تستحق وبقوه للي يحب الالوان الطبيعيه جدا والبسيطه
اتمنى اني اكون افدتكم بهذي الفقره من الوقفه الجماليه
اتمنى لكم عزيزاتي مزيد من الجمال والاناقه والنظاره

متنفس

ما قبلنا الحظ قولي وين ابارحل ويـن اروح
الصبر يا هو يعذب و الاماني موجعـه
اه يا جود الحزن وياي و الفرحه شحوح
ضايع بهمومي الغبرا بوسط المعمعـه
اشتكي لوسادتي دنيـاي واسمعهـا تنـوح
كنها بعضي وبعضي وين هو من هو معـه
ايه انا و العالم المغرور و اليـاس اللحوح
خايض حرب الرياح اللي تسوق الاشرعه

مختلط في عبرتي حبر الشقى ودم الجـروح
ومستوي في نظرتي غرب الوجود و مطعـه
عودي المبري بقى به من عطايا الوقت روح
وفصل خامس حاير بين الفصول الاربعه
وراس مالي ذكريات حلم وأمـال و طمـوح
لا صديق ولا رفيق ولا طريق واتبعـه
وأسمحي لي يالغراااااام

يسعد هالمسااااااااااااااااا …
يا هلا والله ومليون غلا ….
يا هلا والله بأحبابي ..
كيفكم … ان شاء الله بخير وعااااااااافيه يارب،،،،
/

/
شكر كبير .. كبير .. كبير جدا … لكل واحد مر من هنا ….. وقرأ الحلقـآت السابقه،،،
أسعدتني كثير كلماتكم … أسعدني كثير تفاعلكم …. دعواتكم … شعوركم … تواجدكم …. …
ربي لا يحرمني منكم .. سواء اللي أعرفهم .. أو حتى اللي ما أعرفهم …
اذا كان الواحد في باله يستغني عن كم ساعة يجلسها معكم …. أتوقع بعد هالتفاعل … بيستغني عن يومه كله ….

/
ايوه وين وصلنا بالحقـآت السابقه وصلنا لتمشيه بشوارع ايران وتحديدا مشهد
انبسطنا كثير كثير بالتمشيه هونيك
اليوم صحينا بدري بدري مره > يعني والعصفور يقول صوصو > صوص مو عصفورخخخ
الموهيم ماعلينا
افطرنا وعملنا طقوسنا المعتاده وكلمنا لنا تـآكسي يتكلم عربي بالاصل عراقي
بس عايش وانولد في ايران > بتقولكم حياة السواق
المهم ههههههه
نزلنا لقيناه ينتظرنا تحت لكن وجهتنا وين ؟؟؟
وجهتنا بتكون لشانديز شانديز تبعد ساعه وشوي عن مدينة مشهد
مدينه جميله طقسها ابداااااع غير اكلهم ومشاويهم المميزه
اول ماشفت جزء شانديز حسيت جد ان كاميرتي تستهبل
>وشو يعني الكـآميرا بتصور من حالها ياختي
عدد الصور 134 تقريبا لاننا جمعنا معها معها بحيره بديده
افقررت اقسم هالحلقه قسمين
شانديز بقسم وبحيره بديده بقسم لان الصور كثيره وبيكون مزعج جدا اني اضيفها كلها
بحلقه وحده
طلعنا بالسياره لين وصلنا لشانديز ووقفنا بمطعم من المطاعم ناكل وهو عباره عن نزهه او منتزه
نشوف سوا

وصلنا هنا صوره للشارع

والمطعم

اخذت لي جوله استطلاعيه في المحل

صوت المويه تنزل والجو وكل شي حلو سبحان ربي

هنا فيه طابق فوق وطبعا طبعا اكيد انا ابغى فوق

يلا نركب

مذهله ماهي بس قصة حسن
رغم ان الحسن فيها بحد ذاته .. مشكلة

كل شي فيها طبيعي .. ومو طبيعي
تملأك بالأسئلة ..
مُذهلة ..

هي ممكنة والا محال ..؟!
هي أمر واقع .. أو خيال ؟!

هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..

ليه كل معجز مر هذا الكون .. فيها له صلة ؟؟

ليه كل شي فيها تظن انك تعرفه .. تجهله !؟

ليه كل (لا معقول) فيها ورغم هذا تعقله !؟

وصلنا المكان اللي جلسنا فيه هون

الجو كان بارد وهنا صوره من موقعنا

شوي وجـآت المشاوي المعروفه فيها ايران كيف سيخ الشوي عندهم
كبير كثير واصريت ع زوجي يطلب لنا نوع واحد
لكن عيـآ بما انه فضل يطلب لحم وانا ما اكله
طلب لي دجـآج مع اني برضو ما اكله كثير بس اهين من اللحم اكيد

طلب زوجي ريش لحم مع الرز الابيض

وهناك طلبي دجـآج اوصال مشوي
وجنبه بنير يعني روب عادي
وبشير يعني روب على نكهة ثوم لحد يستغرب
الثوم فيه مش واضح بس له طعم غريب وانا شخصيـآ اعجبني
وسلطه ومقبلات ايرانيه ثوم مشوي ومدري وش خخخ تجي مع الطلب
وغازيات الشي اللي مايعجبني ب ايران ومطاعمها
مو كلها تحصل فيها مقبلات وسلطات على مزاجك وعلى طول شرابهم غـآزيات
وانا ما اشربه نهائيا تحصل عندهم لبن ومو كله زين بعد فيه بعضه
يجي مثل المويه وحامضضض ماينشرب

بعد ما اكلنا الحمد لله رحنا نغسل واخذنا لنا جوله ثانيه

جميل المويه تجري

هنا اللي تشتغل بالمطعم صافنه مدري وش فيها خخخخ
وهناك المغاسل

اضاءه جميله

ربيع وخريف سبحان الله

في النهايه صور عند البوابه حاطين لهم بطيخه

وهون انواع ورد وقصتي مع الورد وتقطيعه خخخخ
الموهيم عجبني شكل الورد مره
وانا اصور التفت لزوجي مبتسمه قلت له فارس عادي اقطع لي ورده ؟
ناظرني نظره مستغرررب وقال بلهجةة اعرفها لهجه يتكلم فيها
وقت يكون الحكي ما اعجبه او مو مصدق خخخ
قال شدعوووووى !!
قلت وانا منحرجه امزح امزح خخخخ
عاد ماعليكم من جوآآآي انغبنت مره لان خاطري بورده اقطعها مدري ليش
وفي نفس الوقت حسيت ان مالي داعي فعلآ اشوه المنظر العام
ومالي داعي من الاساس اني قلت لزوجي هيك خخخخ

نشوف انواع الورد

الورد واللون اللي احبه

ويالبيـآض .. والجمال .. والريحه الحلوه

ورد ورد ...

بس احلى شي احلى احلى شي تدري وشو ؟؟؟
ان زوجي ماحب يكسر بخـآطري وانا رحت دورة الميـآه الله يكرمكم
واغسل لقيت زوجي وآآآقف ومعه بيده ورد
ايوآآآ ورد بس ورد مش مقطعنه من زراعتهم قصدي حديقتهم
مدري مطعمهم لآلآلآ
ازين من وردهم المخيس > من الغبينه يـآ اختي
جد ورد شاريه من محل جنب المطعم ومنسق بطريقة حلوه
لان شكله حس فيني اني انغبنت ومـآحب يكسر بخـآطري
وقالي وهو يبتسم سمي قطعته لك تعرفين ماحبيت اتعبك
واخليك تقطعيه بروحك> حسيت بدقه خفيفه بس مايخـآلف ههههههه
ولو ان بـآقي خاطري كنت اقطع بنفسي خخخخ
ويـآورد يامهديني الورد شكرآآآ على لطفك وذوقك

بعدها طلعنا برا المطعم نتمشى شوي ونـآخذ جوله

يلا نركب فوق

زوجي ووقفه تأمل
ولي في عشقككك يـآ انتتتت حيـآة اخرى ...
يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !

يا أعذب من الأمنيات ..
يا عالم من الأغنيات ..

يا أجمل الشعر البديع ..
من آخره لين أوله ..
ما راودتك الاسئلة ؟!

ليه عمري ما لقى لبرده دفى ..
الا دفاك ِ !

ليه قلبي ما بدقاته عزف لحد ٍ ..
سواك ِ !

ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة

خصلنا من هنا ورحنا مكان حلو مره وروعه
احسكم تعبتو صح ؟؟
اوك خلاص نوقف اليوم لهنا
ونواصل في الحلقه اللي بعدها ولاتنسو تتابعوني
عشان نعرف قصة البحيره ونشوفها سوآآآ
طبعا قبل ماتروحون ضيافتكم

متنفس

خذني معك الى أبعد حدود الكون
خذني معك
الى دنيا الجنون
خذني حبيبي .. ماعاد أبيني
خذني فرح .. خذني شقى
خذني ياغالي ماعاد بقى
فيني صبر
شف هالاماني تحتظر
ماعاد تقوى غيبتك
تبيك ياروحي مفر
تحتاج حضنك لوه جمر
واتوووه في دنيا حنانك
فيها تحسسني بأمانك
وأغفى معك طول العمـــر
خذني حبيبي .. وذا أمـــر
ماعاد تسوى دنيتي
من غير قربك منيتي
خذني أمل .. خذني ألم
خذني معك دنيا الوهم
خذني دقايق أو ثواني
تكفيني والله شوفتكـ

مسااااااااااااااااء الورد …
مسااااااااااء أجمل … اجمل أحساس ….
مسااااااااااااءك أحلى …
مساااااااااءك طيبه .. وعافيه … اتمناها من قلبي … لقلبك ….كيفكم … وش أخباركم … أن شاء الله بخير وعااااااااافيه …./
توقفنا بالتقرير السـآبق عند رحلتنا لشانديز الجميله
الخضره .. والجو .. والوجه الحسن
> ههههههههههههههههههه
قبل ما ابدا اشكركم من اعماق قلبي على تواصلكم
وتقيماتكم اللي بالفعل اسعدتني
وهذي تقييمي بس امس



انبسط من كل قلبي الله لايحرمني تواصلكم
المهم احب اكمل بـآقي التقرير بعد خروجنا من المطعم
لوين ياترى لبحيره بديده
المهم انا من قوة الحمـآس متربعه في السيـآره وماسكه دفتري وجالسه اسيف الاسماء وهيك
والمناطق عشان ما انسى خبركم يعني ثقافتي فرنسيه مانحفظ هيك اسماء
يلا جاهزين معي ؟؟
ما اسمع جاااااااااااااهزين ؟
هيـآ بنا
اول شي رحنا مكتب البحيره نفسه
وكان المشروع قايم هناك
وكيف بيسسوون هناك مشروع
ما ادري ايش بالضبط بس كانو شغالين
بذمه وضمير نشوف سوا






لاتدققون بالمويه ههههههههههههههههه







بعد ماتفرجنا على موقع العمل رحنا للبحيره ذاتها

هذي الصوره كانت بالطريق



هنا الموقع



كان فيه درج طووووووووويل اطول من رقبة الزرافه
والله جد عندك حل من حلين يا انك تـآخذه رجليه وتوصل
اذا غربت الشمس الا شوي
عاد انا يعني انسانه ريـآضيه وماعندي مانع اروح ع الدرج بس يعني
قلت بجرب تلفريكهم مدري باصهم مدري قطارهم > تلفريك مره وحده
اققققققصد ذي العربه > من النصب يا اختي قولي زوله وبس هههههههه
لا نوفر الطـآقه للتجول فوق وهيك ههههههههههه
ماعلينا اخذنا لنا تذكرتين
شفتو ذيك العربه اللي هناكككككك ذيك ذيك لاتطالع هنا
هناك ايووووه بالضبط البيضـآ
طبعا بخضك خض وهي تمشي وكانها قطار السعوديه > ركبتيه يانصـآبه عشان تشبهين
اسمع يعني يقولون خخخخخ
ايوه ركبنا عشان تودينا فوق للبحيره



هنا مكان الانتظار عشان تنزل لنا العربه



طيب شفتو الكوشك وش فيه؟؟
ايواااا مبيض قهوه لا ويعني حركات عندهم
لو فـآت بعد > احلى ياحركات انتوووو
سيارتنا هناااااااك شفتوها ؟؟
> ليش وش عرفهم يا اختي :؟
طيب شفتو البيضـآ هذيك الواقفه اللي جنبها بالضبط عكس اتجاه الاوادم
ذي سيارتنا > طيب وبعدين
بس عشان تعرفوها يعني يلا يلا كملي بس خخخخخ



المهم كـآن تقريبا ب الف تومـآن للشخص الركوب
هذا المنظر من العربه وهي تركب




شفتو ذوليك الناس ؟؟
شفتوها ايوووه هذا الدرج الناس نازله من فوق واللي عكسه هناك الصعود
وصلنا لفوق وهنا موقع البحيره
فيه جلسات جانبيه تجلس تشرب فيها شاهي
معسل تجلس تهذر اللي تبي



صور متفرقه طبعا فوق عندهم مطـآعم وبقـآلات
والبحيره تقدر تستأجر فيها طراد وتخوض التجربه
او سفينه

شوفو الجلسات من فوق كيف منظرها



وهون



وزي مو متعودين ب ايران
نـآفوره بين الجلسات



ومويه تجري



من وين تجري لكن نشوف




الصور هذي وهنا ننزل للبحيره







برضو هون




البحيره








عذبة أنت كالطفولة كالأحلام
كاللحن كالصباح الجديد



كالسماء الضحوك .. كالليلة القمراء
.......كالورد .. كابتسام الوليد



أنت أنت .. أنت ما أنت؟
....أنت رسم جميل عبقري من فن هذا الوجود



أنت تحيين في فؤادي ما قد مات
.......من أمسي السعيد الفقيد



وتبثين رقة الشوق والأحلام
.....والشدو والهوى في نشيدي





يالها من وداعة وجمال
....وشباب منعّم أملود




أنت روح الربيع تختال في الدنيا
.....فتهتز رائعات الورود







تـآبع ..

تقدر تستأجر لك من هنا قارب طراد



او سفينه مثل اللي عندنا اول بالحكير تدف برجلك
لين يجيك شد عضلي ماتقدر تمشي
> اوفففف ياغبار انتي



ايوااا انا اعطيكم كـآفة الخيارات يعني
عشان تعيشون التجربه وانتو بكيفكم عـآد خخخخ
عاد حنا خيـآرنا زوجي استاجر طراد صغير
وخـآض تجربة التزلج على المـآء
الزلاجه مربوطه بالسفينه
اول شي مـآرضيت صرآآحه مو عن شي
بس قلت له بتممرررض الجو بـآرررد مره
يوم شفت اني بكسر حمـآسه قلت له بكيفك بس بتبرد والملابس؟
صـآر عنده بالشنطه جـآكيت وبنطلون احتيـآط
صار يعطونه ملابس برضو بدل وبدت المغـآمره



طول ماهو يتزلج وانا بس ازاعقققققق ومتحمسه
كأني انا اللي اتزلج خخخخخ
بعد ماخصلنا مغـآمره وهيك زوجي بدل ملابسه
لانه ابتل خـآلص خالص نزلنا من السفينه
وبدا المطر ينزل خفيفففف




هون عندهم مكان تبدل فيه يعطونك ملآبس من عندهم قديمه
لبس الايراني القديم وتصور فيه حتى مكتوب باللغه العربيه نشوف




الاستلام يكون بعد 7 دقـآيق



والازيـآء



رحنا لجوى توجهنا لجلسه
قررنا ندفي انفسنا ونشرب شـآهي
اما زوجي قلبت عيونه وخشمه احححمر من البرد
ف قلت له يلبس جاكيته لاني خفت عليه من المرض
لان جد انا انصح الكل بتجربة كل شي بس الشي اللي بيخلي سفرتك تتعكر
ك مرض لاسمح الله ابتعدو عنه بس مثل ماقلت لكم
ماحبيت اقتل حمـآس زوجي

جالس حالي ولحالي هزني الشوق وذكرتككك




ابدآآآع سبحان الخالق




هون مكان الجلسات والمطاعم



يلا ندور لنا جلسه



الجو بدا يزداد برروده




سألتك بالذي زانك .. تحبي فيني حتى الظلم ..
تحبي عيوبي وغدري .. تحبي المر في كاسي ..



انا من كثر ما احبك .. ابيك كثر رمل اليم ..



وابيك فوق الناس .. وابي ماينحني راسي …





وهنا بدت الشمس تغرب شوي شوي



جميلللللللله



وهناااا



حصلنا لنا جلسه وطلبنا شـآهي يدفينا



شربنا الشـآهي وهذي الصور وحنا نازلين بالعربه الجميله
طبعا وانت تقص التذاكر تخبيها معك بجيبك
لان اذا ضاعت بيصير مصيرك مصير ربعنا
اللي شفناهم نازلين ع الدرج



شوفو هذاك اللي هنااااااااااك الرجال اللي يصور
زوجته مارضت تركب هنا بالعربه
قالها انزلي مع ولدك وانا بروح بالعربه
والحين يصور شكله بيحارشها يوم يرجعون
> كم مره اقولك لاتراقبين احد



وحنا راجعين وقف السواق يعبي
السيـآره مويه وزوجي كان واقف يناظر
نزلت عشـآن بس اخذ له هذي الصوره

كن معي .. وكن بجواري .. فأنت بداخلي …





في نهايه التقرير
كيذا يا حلوين … نكون وصلنا لنهايه حلقتنا …. اتمنى من كل قلبي .. انك انبسطت معنا … وغيرت جو …
في نهايه التقرير يلا كل واحد يروح بيتهم
هاه نسيت شي ؟؟
شنو ؟؟؟ فيه شي ناقص
ايووووا المتنفس قصدكم ؟؟
هاه ايوا ايوا وهوا دا يبئا كلام اكيد مانسيت اضيفكم حاقه
تفضلووو




متنفس


كل دقه قلب فيني لك قصيدة
تكفي الدنيا مع الا حباب غنوه ..
وكل هاجس ما يجيب الا خيالك
سلوتي بالعمر في صحوه وغفوة ..
اجمع احساسي .. واشواقي .. واجيلك
والبس ثياب الهوى والعشق كسوة ..
والله اني يا احب الناس احبك
والله ان الروح لوترضيك فدوة
والله اني تارك غيرك وجيتك
مزعل الزعلان والعذال عنوة ..

السلام عليكم ورحمة الله وبركاته
مسـآء اجمل .. مساء ارقى .. مساء اسعد
صبـآحكم مليئ بالامل والتفـآؤل .. صباحكم ابتسـآمة طفل لم يشوه خفوقه اي سواد
كيفكم ؟؟ ان شاء الله تكونو بخير وسعاده
مراح اكرر الروتين في كل تقرير واشكركم
ولكن اهديكم زهور بيضاء بلون قلوبكم جميعا
تنحني لحروفكم الراقيه كرقي حضوركم
> توها ورده بيضــآ من وين صارت ورديه
مـآيخالف رشوهـآ
ونكمل مع بعض تقريرنا اليوم ورحلتنا راح تكون
لمدينه تبعد الساعتين تقريبـآ عن مدينة مشهد
وهي بالاصح قريه قريه ريفيه بارده جدا
اجوائها منعشه خضرتها في كل مكـآن
وهي قرية كلات الريفيه
اول شي صحينا بدري ك العـآده تروشنا وافطرنا
وجهزنا انفسنا للخروج
وانا خارجه قالي زوجي خذي لك جـآكيت احتياط برضو
قلت لا ماله داعي انا لابسه بالطو ودافي ما اعتقد اني راح احتـآجه
قالي ليش انتي فيك عند اهل السعوديه كلهم > كلمه دايم يقولها لي
خذيه وخليه في السيـآره ان شفتي الجو مو مستاهل خلاص
السياره بتكون معانا دآآيم
قلت ليش اثقل على عمري وبعدين جو مشهد اشوفه معتدل مايحتاج اكثر
من اللي لابسته قال كلآت غير بارده وهيك
ركبت راسي كالعاده وقلت مابي اخذ سكت عني واحسه يقول مع نفسك
> وبعدين معك يعني ههههههههههههههههه
نزلنا وكانت السيـآره تنتظرنا
مشينا شوي وابتعدنا شوي شوي عن مدينة مشهد

صور من الطريق



الضباب يملى المكـآن والروئيه تكاد تتلاشى
والجو الجو




ياجمال الخضره



بعدها اقترح علينا السواق يوقف عشان نصور ونشوف المكان
استحسنت الفكره



يلا نشوف المكان حولنـآ



شوفو الكلب



> يعني شوفوني ابضـآيه كلب وعادي واقفه واصور
> ماكان الزوم اللي عندهـآ يحسسك ان اللي بالبحرين
حولنا بالبيت > قويه قويه تقاسيم هههههههههههههههه



نكمل طريقنا



الله الله



الضبـآب يرجع يخيم على المكان
احس نفسي داخل بين الغيوم
الا على طـآري الغيوم واني احس روحي فوقها
تذكرتك هـآيدي
بين الزهور والتلال تحت النجوم والهلال
عبر الطبيعه والجمـآل
حكايه تشابه الخيـآل > متأكدين تشابه كل هالاكل بعقولنا وتشابه
اجل لو حقيقه وش بيصير هههههههههههه
حكايه بنت اسمها هـآيدي المهم اتذكر كل ما اناظر المسلسل
والاغنيه حقته اجلس ابكي على امي ابغى اركب الغيمه ابغى اركب الغيمه
والشي الحلو ان امي تسايرني بتخيلي ابوي يوديني > اييييييه > تتنفس بعمق
ايام مو هالحين كل شي عندهم وماشي عاجبهم خخخخخخخخ
قبل كم يوم بس جالسه اشوف المسلسل باليوتيوب
وشابكه الابتوب على التلفزيون وابد مندمجه
دخل زوجي علي راح الوقت وانا مو حـآسه
دخل ووقف يناظرني وانا اللي يتغير فيسي هههههههههههههه
وقمت بطفيه ما اخذت بالي من الوقت ماشاء الله جيت
قال وانا اصعد من الدرج واسمع هايدي الجميله
واقول منو البزره اللي زايرتنا اليوم ومشغله لها حرمتي هايدي
> وانا ابد ادور عيوني وخشمي اقول بطفيه بس
ضحك امزح معك امزح معك شوفيه وبشوفه معك برضو > يازين التسليك
> اقول كملي ازين ههههههههههههههه




وعدك متى الصيف ولَى والشتاء
وانا على الوعد القديم
على رصيف الوقت ولهان ويتيم



لا قلت باكر صار امس
وتمر بي شمس وشمس



ارعى قمر .. ليل وقمر
شط البحر
اكتب به حروفي نثر
اكتب به حروفي شعر
يقبل والا راح



راح البحر .. يمحي السطر
بانشدك علمني .. متى وعدك متى



هذي الليالي زغردت
حتى ورق زهر الخريف
اتوردت.



اتخيلك لا جا الوعد وحنا جميع
خصلات شعرك ..
بس يوم اتمردت ..
الصيف هو ويا .. ويا الشتاء
وفصل الخريف صاروا ربيع ..

بعدها حسيت المويه تزيد وعكس اتجاهنا صايره لان المويه تنزل من الاتجاه اللي حنا رايحين له
واحس جد جد تجمدت
التفتت لزوجي قلت له فـآرس خلاص مقدر اكمل
تججججمدت والوضع يخوف
قال مافيه شي قلت مابي مابي خلاص ارجع
ولاترى برجع لحالي السيـآره
قال وهو يضحك شرقـآويه ماعليك شرهه
ههههههههههههههههههه
المهم جينا بنرجع واشوف هالمنظر بوجهي يالله
كلب واقف
خلاص ماعرفت شسوي كل اللي اتذكره
اني وقفت ورا فارس ومسكته اقوى اقوى شي
وهو يقول لاتزاعقققققين ترى ان زاعقتي بيأذيك
غمضت عيوني واحس وقفت العبره بحلقي ودي ابكي هههههههههههه
الشي اللي ودي اذكره برضو زوجي يخـآف من الكلاب
مو يخـآف بس عنده فوبيـآ من الكلاب يعني كلش عادي عندي
(كل شي لغير الناطقين بلهجتي )> اوخس ياللهجه الفرنسيه انتي
الا الكلب مايحبه بس على طول تقدم وقف جنبه واشر لي يعني روحي للسيـآره
احمد ربي ان السياره كانت قريبه الشي الغريب العجيب
اني وقفت بعيد واخذت لزوجي هالصوره

وبعدين استوعبت ههههههههههههههههههههههه
دخلت السياره وجلست ابكي هههههههههههه
والسواق مستغرب سألني بلهجه عراقيه
شبيج شصـآير وينه زوجج ليش هيجي جايه بلحالج وتبجين
وانا ابكي قال اخر شي قال اخر شي شبيج يابه
قلت له زوجي فيه كلب وواقف > جد بالضبط مدري كيف شرحت له
بس اللي اعرفه انه نزل ودقيقتين الا وهو وزوجي جـآيين
ركب السياره والتفت وراه قال ها شالاخبـآر > حافظني
ابتسمت وهزيت راسي يعني بخير
قاله هاي زوجتك خوافه جالسه تبجي وانا ماعرف شصاير
اريدها تحكي ماحكت هههههههههه
شوي كذا انا صرت طول الوقت ساكته واناظر بس من النافذه
قال زوجي تبين تنزلين شوي تشوفين القريه
هزيت راسي ب ايه نزلنا وصار يسـألني وش صاير وش فيك
قلت ابد ورجعنا سكتنا شوي سالته الا جد كيف وقفت جنبه وانت تخاف منه
قال بيلطف الجو شفتي هذا الايثـآر مو مثلك انحشتي للسياره وخليتني
التفتت له بسرعه وانا يعني معصبه من يوم شفت وجهه يضحك
متت من الضحك هههههههههههههههههههه

عشان كذا اقول مهما كان الموقف وقتها بالسفر مزعج
بس الذكريات حلوه حلوه دايما
نشوف الصور للقريه الحلوه

هنا مويه تجري لطيفه مو مثل اللي هناك هههههههههههه

سبحان ربي

هنا ثلج بس بدا يذوب

ياجمـآل الخضره والجو على برودته الا انك تحس همممممممم
> نفس عميق ونقي

شبك عنكبوت

بعد ما عشنا هالاجواء والمغـآمره الحلوه
قررنا نرجع ونتعشى عشى حلو في المطعم حق الفندق
نشوفه سوآآآ
كيف نظامهم ؟؟
نظامهم انك اذا تبي تطلب طلب مع بوفيه السلطات اللي عندهم
يصير بوفيه السلطات ب 9000 تومـآن
اذا بدون طلب يعني بس بوفيه 12000 تومـآن
واذا بدك بس طلب بدون بوفيه برضو تقدر
يعني نظامهم حلو وكل واحد على راحته ويضمنون الناس
مو مثل عندنا فايف ستـآرز ويتحكم فيك بكيفه
المهم نشوف سوآآ

الاضاءه والمكـآن رايق مره

التنظيم والوترز بكل مكـآن والطلبات تكون بالايباد

ياجمال المكان والروقـآن

لقطـآت من بوفيه السلطـآت

المشهور في ايران وبوفيهاتهم يخلون شخص بس واقف
اي شي لو بسيط بسيط مررررررره يطيح على طول تنظيف
غير كذا شعب طول الوقت مبتسسسسم
واذا شافوك تصور على طول يبعدون عنك يعني خذ راحتك

هنا الحلويات الايرانيه

الاكل من البوفيه
شوربـآ كانت اتذكر لذيذه مره مره

سلطه

خيار ولبن

طلبي دجـآج بوسطه روبيان روعه قليله فيه
جد جد اعطيه 12 - 10

وزوجي قطع ستيك لحم

.

بعد كذا كنت مسويه لزوجي مفأجاه بسيطه
وهو ياخذ شور دقيت على الاستقبـآل تحت
وقلت لهم اننا نـآزلين نتعشى واعطيتهم اسم زوجي
وابيكم اذا تقدرون توفرون لي قالب كيك
بمنـآسبة عيد ميلاد زوجي كان طبعا قبلها بساعتين يمكن
قلت بجرب حضي وفعلا قالو اوك سألوني حتى بيكمل كم سنه
عشان يحطوها على الكيكه
بعد ماخصلنا تفـأجا زوجي بالكيكه جايه وانبسط كثير كثير
ولاجا بباله حتى انه ناسي عيد ميلاده
ضيافتكم اليوم من الكيكه هذي
وكل عام وانت عيد ميلآد حبي
وكل عام وانت في حيـآتي حيـآتي

بكذا وصلنا لنهـآية حلقتنا لهذا اليوم
حلقتنا هـآه لابكره يجي يقول لخبطته
> ماتناظر احد ابدا خخخخخ
اتمنى من كل قلبي اني اخذتكم معي
اتمنى انكم عشتو معـآي الجو وانبسطتو
اعذروني على كثره الصور والهرج
بس المكان كان يستحق صراحه وماحبيت اقصر فيه
واعذروني اذا فيه اخطاء املائيه لاني افتح صفحة المنتدى واكتب
ولا اراجع شي
نلتقي قريبا بأذن الله
في تقرير عن مدينة ايضا قريبه من مشهد
الى ذلكم الوقت دمتم بصحتكم وسروركم وعافيتكم
متنفس

يـآ عيد عمري وأبتسامه شفـآتي
كل عام وأنت العيد ّ في قلب مضنـآك !!
اشعلت شمعك من ليالي حياتي ..
واطفيت كل الهم من كل دنياك ..
كل يوم انا بك أحتفل / لآ تحاتي
والعيد عندي يوم انا اكون وياك ..
فيك انت حاضر دنيتي وذكرياتي
واسعد ليالي العمر شوفه محياك ..
يــآفارس أحلآم العمر قبل تاتي
يالواقع وين ما أطالع القـآك ..
آقسم بمن جمل في عينك صفاتي ,,
اني احبك يا غلآ العمر واهواك
يا مكثر أعيادي بقربك / غناتي
والله يا مكثر حبيبي عطياك
اليوم الك حفله مشاعر بذاتي
وأحلى المشاعر والقصايد هدآياك
يا أعياد عمري يا أمل امنياتي
ماكنت ب أعرف قيمه العيد لولآك
كل عام وانت يا حياتي .. "حياتي"
وكل عام وانـآ " أعياد عمرك ودنياك"