تجربة السكن في فندق Magic Circus Hotel - Disneyland

fanda · 05-06-2015, 05:17 PM

منتدى العرب المسافرون - بوابة فرنسا

Magic Circus Hotel - Disneyland

راح اذكر لكم اليوم تجربتنا للسكن في فندق مجك سيركس ديزني لاند

تم حجز غرفتين لمدة ليلتين عن طريق موقع booking
غرفة عائلية ( Family room with pool access) بسعر اجمالي 268يورو

غرفة مزدوجة ( Double room with pool access) بسعر اجمالي 232 يورو

الغرفتين متصلتين بينهم باب

والحين نشوف الصور

هذا مدخل الفندق شكله مثل مدخل خيمة السيرك

ندخل الفندق وهذي ديكورات في بهو الفندق

الاستقبال و الموظفين بعضهم حبوب ومتعاون وبعضهم ما له نفس حتى يتكلم

اول ما تدخلون الفندق على يدكم اليمين راح تشوفون مكتب سكست لتاجير السيارات
والباب الي باين يمين الصورة هو غرفة حفظ الاغراض

يعطونكم بطاقة خاصة تفتح الغرفة وتدخل تترك اغراضك انته وغيرك
طبعا انه ما حبيت هالحركة ما حسيت فيها امان بس دامهم متبعينها معناته ما صار شي

هذا بهو الفندق مليان العاب للاطفال

وهذا ديزني ستور في الفندق

وهذا لفيو للحديقة الخارجيه من غرفتنا

fanda · 05-06-2015, 05:23 PM

[CENTER]وهذا مكان بوفيه الريوق " الافطار"

لقطات من البوفيه

ا

لمطعم كبير جدا والعاملين فيه بشوشين ومتعاونين
لبسهم نفس لبس العاملين في السيرك
الخيارات جدا محدوده وخلال 3 ايام ما تغير شي من الاكل نفس المنيو كل يوم

الحين نشوف الغرف

وهذا حلم حياة عيالي انهم ينامون في سرير بو طابقين

ديكورات الفندق كلها على شكل خيمة سيرك

للاسف ما توفقنا في الغرف او يمكن انه توقعتها افضل من جذي
الغرف كتمه والنور خفيف
حمام الغرفه العائليه كان خربان اول ما وصلنا وخبرناهم وصلحوه
ويوم ثاني باب الغرفه علق وما رضي يصك وبعد اتصلنا لهم وصلحوه

بشكل عام الفندق جيد اعطيه 8/10

Eng1Basemمعجبون بهذا.

فيصل · 06-06-2015, 02:30 AM

شكرا لك مشرفتنا

بما انهم يستجيبون للطلبات هذا شيء طيب منهم

نفسك ما احب اني ادخل شنطي بمخزن مثلا لو فيه توقيع علي استلام وتسليم اي شنطه بيكون افضل

Eng1Basemمعجبون بهذا.

MOHANAD · 07-06-2015, 01:40 AM

تجربه جميله والفندق شكله كويس
بس ما حبيت التلفزيون القديم لو كل الغرف نفس التلفزيون اتوقع ما يستحق قيمته

وحلمي حتي انا ، انام في سرير بو طابقين

شكراً لطرح تجربتكـ

fanda · 07-06-2015, 07:50 PM

اقتباس : المشاركة الأصلية كتبت بواسطة فيصل

شكرا لك مشرفتنا

بما انهم يستجيبون للطلبات هذا شيء طيب منهم

نفسك ما احب اني ادخل شنطي بمخزن مثلا لو فيه توقيع علي استلام وتسليم اي شنطه بيكون افضل

نظام غريب لاحظته في الفندقين الي سكناهم في ديزني ...دريم كاسل وماجك سيركس
بس أكيد ما صارت حوادث تستدعي تغيير النظام

fanda · 07-06-2015, 07:54 PM

اقتباس : المشاركة الأصلية كتبت بواسطة MOHANAD

تجربه جميله والفندق شكله كويس
بس ما حبيت التلفزيون القديم لو كل الغرف نفس التلفزيون اتوقع ما يستحق قيمته

وحلمي حتي انا ، انام في سرير بو طابقين

شكراً لطرح تجربتكـ

التلفزيون ما كنّا ندري عنه أصلا ما راح تحتاجه في ديزني
طول اليوم في الألعاب ونرجع مهدودين عالفراش رقاد

السرير صار لهواش عليه اثنينهم يبون فوق

تشكر عالمرور مميزنا

شايل الظبي · 07-06-2015, 11:53 PM

شكرا على الموضوع المفيد والرائع...

توبليرون · 08-06-2015, 12:22 AM

ياحلاته هالفندق
صج ذكرني بايام الطفوله
لان كل الصور تدل على الماضي وافلام قبل
وسيرك قبل اللي نشوفه بالتلفزيون قديما
الصور لي ولج متشابهة بس احنا كنا بالصيف وانتو بالشتاء
المخزن صدقوني أمان لأن في كاميرات أكيد محديتجرأ ياخذ او يفتح شنط غيره
يعطيج العافيه على الموضوع الحلوووو

مسافر بلا زاد · 08-06-2015, 10:17 PM

تقرير رائع ومفيد

شكرا لك مشرفتنا

طوق الياسمين · 09-06-2015, 08:36 AM

ام ريم

انا حاجزة فيه ان شاء الله

عجبني من تقرير ام حسين

تسلمين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربة السكن في مزرعة weissenhof in lenngries --بقلم /ommalik1985	فريق التطوير	بوابة المانيا	6	10-06-2019 01:57 AM
New hotel فندق ادمز	q8ya metnaqla	بوابة الكويت	27	08-10-2018 12:39 PM
تجربة السكن بفندق فندق ماينينغر فيينا داونتاون سيسي	blue@sky	بوابة النمسا	8	13-03-2015 05:11 PM
فندق سبلانديد ( فاس) splendid hotel fes	ساري أحمد	بوابة المغرب	13	20-02-2015 03:42 PM