كل انسان يصبح شاعرا اذا لامس قلبه الحب : من بلاد الفلاسفه (اليونان) - الصفحة 8

توبليرون · 30-06-2015, 02:57 AM

عليكم بالعافيه الريوق مع هالطله الحلوة
على البحر
يحبوون الشمس والتان ياريتهم ايوون عندنا يشوفون التان بو دقيقه هههه
متابعين على خير ان شاءالله

q8ya metnaqla · 30-06-2015, 09:12 PM

اكمل معاكم باجي اليوم

هذا زرعك واحصد محاصيل الالم
عقبك انا بخير يا درب الضياع
وماعندي لك غير كلمات الوداع

صار الوفا في هالزمان محد اذا قالة يصون
يا ما في هالدنيا قلوب تخدع ولا يمكن تتوب

وهذا اللي جنه سوان معروف عندهم وايبلهم الحظ على قولتهم

هالبيت وشزينه وشزينها سنينة
كنا تحت سقفة نسهر ولا نغفى
وجونا صافي وقلوبنا اصفى
الله يا الايام

وهذا فيديو

ونرجع الفندق نريح اشوي لان مافي رحلات بسبب حالة الطقس

الهوا تارس ومره تمطر وتوقف اشوي

وهذيل جم صورة على بداية الغروب

والحين بنطلع نتعشا

بنتعشا في ليتل فينس

وهذا مطعمنا

اسمه nice n easy

المطعم فاتح شهر 4 /2015 والاكل عنده لذذذذييذ بصرااحه
انصحكم فيه
تقيمي له 10/10

المنيو وناطرين الطلبات

المقبلات

المشروبات

الطلبات

البيرغر يمي يمي اللحم لذيذ

اما السي باس شي ثاني احلى سي باس لما الحين اكلتها
السي باس نوع من انواع سمج البحر المتوسط وبالكويت صارلنا فتره هابين فيها ولما جربتها من موطنها وصلصتهم شي ثاني صراحه طعم ولا احلى

وحسابنا

وحده من الكنايس

وهذي سينمتهم مكشوفه

ناطرين الفلم الشباب

انتظرتك ليل بعيون السهر انتظرتك شووق ما يقوى الصبر

يا ضياع العمر باسبابك
كل شي غاب في غيابك
حتى فرحي عيا في دربك يمر

الا يا سراج طول اليل ضاوي
وعقب هاليوم ما ظنيتة يضوى

ورجعنا فندقنا

وانتهى يومنا الثالث وقبل الاخير في ميكنوس

مجدي, عامر الزعابي, ياسمينة ستي و 1 آخرون معجبون بهذا.

q8ya metnaqla · 01-07-2015, 01:57 AM

الجـــــــــــزء الثـــــــاني

اليــوم الـــرابــــع والاخير في ميكنــــــــوس

اليــوم السابع من السفره

صبحكم الله بالخير والسرور

هذا يومنا الاخير في الجزيره الجميله وريوقنا الاخير للاسف

الجزيره حلوه وشبابية

فيديو صباحي من الفندق

واحلى ريووق

فيديو الحمام السباحه والبار

جولة وداعية للتاون

طبعا احنا كنا نروح التاون بسيارة الفندق يوصلونه لي المدخل ومتى ما خلصنا درق عليهم ايون ياخذونا
ونفس الشي سيارتهم وصلتنا المطار
خدمه مجانية

مطارهم نتفه صغييير حيل وكل شي نسويه لازم بالجهاز للبوردنغ

هذا مطارهم

هذا الجهاز ندخل رقم الحجز وتطلع اسامينا انأكد عليهم وبس نستلم البوردنغ بعدها نروح مكتب الخطوط ندفع 30 يورو للجنطة عشان نحطها في الشحن لان التذكرو مو محسوب معاها الجناط

والاجانب كلهم جناط صغيره ما يدفعون البخله والله واحد مع مرته سووا زحمه مافي مكان حق جناطهم المكان صغير اللي يدخلون فيه الجنطة والله ولا همهم قلقصوهم وحطوهم تحت ريلهم ..

وهذا البوردنغ بالاتجاه الى اثينا

البوابة عاليسار مع مكان الانتظار

هذا المكتب اللي دفعنا لهم رسوم الجناط كل جنطة 30 يورو

والكاونتر نقط الجناط بعد البوردنغ

هذي طيراتنا ام مراوح نزلت الركاب ومشي لي المطار وبعدها احنا صعدنا ومشي لي الطيارة

على الالمبيك اير

والحين دورنا نصعد الطيارة يا حسرتي مرااااوح ليييش

صغيييرة ليش هالضيج اللهم ياكافي وسعوا

فيديو وقت الاقلاع

الوداااااع ميكنووووس

بينت ملامح اثينا

والاجواء عندهم بعد امطار

والحمدلله خلصنا الجزء الثاني واللي كان في جزيرة ميكنوس

نطروني في الجزء الثالث والاخيره من الرحلة واللي راح يكون في اثينـــــــــــــا

وتصبحون على خير

مجدي, عامر الزعابي و ياسمينة ستي معجبون بهذا.

q8ya metnaqla · 01-07-2015, 07:53 PM

اقتباس : المشاركة الأصلية كتبت بواسطة توبليرون

عليكم بالعافيه الريوق مع هالطله الحلوة
على البحر
يحبوون الشمس والتان ياريتهم ايوون عندنا يشوفون التان بو دقيقه هههه
متابعين على خير ان شاءالله

الله يعافيج ام حسين
ههههههه چان زين والله الواهي بروحه تان الله ياجرنا من نار جهنم
ياحلو متابعتج[emoji173]️

Q8ya metnaqla

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

فارس من خيال · 04-07-2015, 08:59 PM

تقرير رائع بكل المواصفات والمقاييس
صور الغروب كلها روعه والسكن ماشاء الله موقعه رهيب
يعطيك العافية ابرار

لم اكمل التقرير ولي عوده ان شاء الله

q8ya metnaqla · 05-07-2015, 01:08 AM

اقتباس : المشاركة الأصلية كتبت بواسطة فارس من خيال

تقرير رائع بكل المواصفات والمقاييس
صور الغروب كلها روعه والسكن ماشاء الله موقعه رهيب
يعطيك العافية ابرار

لم اكمل التقرير ولي عوده ان شاء الله

يا حي الله فارسنا
العين ما تعلى على الحاجب ياخوي
والله كلامك الاحلى الله يعافيك ..
تنورني بأي وقت

فيصل · 05-07-2015, 02:43 AM

تصويرك رووووعه
والديره أحلي

هل الجو ما ساعدكم تكتشفونها أكثر

بما أنك وصلتي لأثينا يعني وصلنا للنهايه

q8ya metnaqla · 05-07-2015, 05:04 AM

اقتباس : المشاركة الأصلية كتبت بواسطة فيصل

تصويرك رووووعه
والديره أحلي

هل الجو ما ساعدكم تكتشفونها أكثر

بما أنك وصلتي لأثينا يعني وصلنا للنهايه

من ذوقك [emoji4][emoji4]
اي والله الديره اتينن
أهي مو سالفه استكشاف لانها تعتمد على بيتش وحفلات باليل و الريلاكس الجو ما خلانا نستانس في الانشطه البحريه والرحلات وبالعاده اهما في هالوقت ما تييهم امطار على قولتهم بس حظنا [emoji3]
اي بوغازي شارفنا على النهايه للاسف [emoji4]

Q8ya metnaqla

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla · 06-07-2015, 01:02 AM

الجـــــــزء الثــــــالــــث
اليــــــوم الاول في

اثينــــــــــــــا

اليــــوم الســــابع من السفـــــره

ابتدي معاكم بنبذه عن اثينــــــا

اثينا عاصمة اليونان واكبر مدنها ويعود اسمها الى الهه الحكمة الاغريقيه ..

تقع اثينا في جنوب اليونان على سهل اتيكا بين نهري إليسوس وكيفيسوس ، محاطة ب 3 جهات بقمم جبال هي هيميتو وبينديلي وبارنيثاس وتطل من الجهه الرابعه على خليج سارونيكوس الواصل الى البحر الابيض المتوسط ، يبلغ تاريخ المدينة 5000 سنة لتعد بذلك احد اقدم مستوطنات اوربا وتعد المدينة مهد الحضارة الغربية والديمقراطية .
اول العاب اولمبية اقيمت في اثينا عام 1896 .

بعض الاساطير عن تسمية اثينا :

توجد أسطورة إغريقية عن سبب تسمية أثينا بهذا الاسم. وكانت هذه الأسطورة رائجة بين الأثينيين القدماء حتى أنها كانت ممثلة بمنحوتة على الواجهة الغربية
للبارثينون
. تقول الأسطورة أن كلا من الآلهة
أثينا (ميثولوجيا)وبوسايدون
طلبا أن يكونا أسيادا للمدينة ويطلقا اسميهما على المدينة، فتنافسا لنيل هذا الشرف، بعرض هذية على المدينة من كل منهما. أخرج بوسايدون نبع مياه مالحة بضربه للأرض برمحه ثلاثي الشعب ليجسد قوة البحار. بينما تقول أساطير أخرى أنه قدم للمدينة جيادا كونها من زبد البحر. على الناحية الأخرى تقول الأسطورة أن أثينا خلقت شجرة الزيتون وقدمتها للمدينة لتكون رمزا للسلام والازدهار. قبل الأثينيون بقيادة حاكمهم
كيكروبس
شجرة الزيتون وسموا المدينة على اسم الآلهة أثينا.

المناخ وافضل وقت لزيارتها :

- مارس الى مايو افضل وقت لزيارة اثينا الجو حلو وربيعي والاسعار ممتازه.
- يونيو الى سبتمبر الجوو حااار وتوصل الحراره الى 37 و 40 والاغلبية يروحون لها عشان البحر والشواطئ وتشتهر بالمهرجات في هالوقت والاسعار ترتفع .
- اكتوبر الى نوفمبر الجو حلوو نوعا ما والاسعار تنزل .
- ديسمبر الى فبراير فصل الشتاء وفي ديسمبر فرصة للامطار الغزيرة ودرجات الحرارة تقريبا 10-15 والاسعار جيده .

المـــعــــــــالم السيـــــاحيــــــة :
الأكروبوليس: قلعة إغريقية مهمة، تعد إحدى أشهر معالم أثينا واليونان قاطبة.
أغورا: معبد إغريقي ما زال محافظاً على جزء كبير من بنائه.
كيراميكوس: سور المدينة، يحتوي على عدة بوابات.
بنيكس: تلة تقع على غرب الأكروبوليس، كانت مكان اجتماع العامة للتشاور في العصور القديمة.
مسرح ديونيسوس: كانت تعرض عليه العروض المسرحية.
ميدان أمونيا
بارثينون: معبد للإلاهة آثينا بالأكروبوليس.
متحف الآثار الوطني: أكبر متحف أثري في البلاد وواحد من أهم المتاحف دوليًا حيثُ أنه يحتوي على مجموعة واسعة من الآثار والتحف وتغطي فترة زمنية يزيد عُمرها عن 5,000 سنة، من أواخر العصر الحجري الحديث حتى فترة اليونان الرومانية.
متحف الفن البيزنطي المسيحي: وهو أحد أهم متاحف الفن البيزنطي.
متحف أكروبوليس:أفتتح في عام 2009، بديلًا عن المتحف القديم "بنفس الأسم". وقد أثبت المتحف أنه مكان جذب كبير فقد زاره ما يقارب من مليون شخص خلال فترة الصيف يونيو-أكتوبر 2009. وهناك عدد من المتاحف الصغيرة والمملوكة للقطاع الخاص التي ترُكز على الثقافة اليونانية وفنونها.
متحف بيناكي: تأسس سنة 1931 على يد جامع التحف الفنية انطونيوس بيناكي بعدما تمكن من جمع مجموعة من التحف الثمينة على مدار 36 سنة وهبها إلى الدولة اليونانية في حفل حاشد عظيم حضره رئيس الجمهورية أنذاك ألكسندروس زيميس.

المعلومات من ويكبيديا

النقـــــل والمواصـــلات :
- المترو عندهم ممتاز جربناه بصراحه شي مرتب وحلو ونظيف .
- البصات والترام ما جربناهم.
بتذكرة وحده تقدرون تستخدمون كل اللي فوق التذكره ليوم كامل اذا ما خانتني الذاكره 4 يورو للشخص
- التكاسي ممتازين واسعارهم حلوه بس لازم تشوفون العداد اهما كل يغطونه ويقول السعر من غير ما يشوف وطبعا يكون زايد فأنا كنت كله اقول اشوف العداد

الســـــكن :
احترت في جم واحد وكل ما اختار يكون فل شافني اخوي جان يقول ان اسال رفيجي بما انه يشتغل بالسفاره الكويتية اهناك قلت انا ممتاز زلقه بطيحة ان شاءالله يعطونا سعر زين طماعه
اللي صار دزلنا 5 فنادق ويعتبرون افضل الفنادق في اثينا واختار واحد منهم وهذيل اساميهم ..

تم الاختيار على هوتيل غراندي وهذا اهو في بوكينغ

http://www.booking.com/hotel/gr/grandbretagneathens.en-gb.html?aid=376363;label=booking-name-few_XkM11mHLG%2ABRlBB7VgS36078172878%3Apl%3Ata%3Ap 1%3Ap2687%2C000%3Aac%3Aap1t1%3Aneg;sid=3d1f635e25a 9471749b9164fdde2c91d;dcid=4;ucfs=1;srfid=369bface b92da816f1f4cb0224b122da080ccf02X5;highlight_room=

وتم الحجز من قبل السفارة ..

وصلنا مطار اثينا بعد 30 دقيقه طيران من ميكنوس والمجندات ينطرون سايق السفاره عشتوا لان قالوا انهم راح يدزونه لنا وننطر وندور ادور اسمي اسم اي وحده فينا مافي تمينا تقريبا 20 دقيقه ننطر وندور عقب قلت يبا خلاص نطلع ناخذ تاكسي صارلنا الحين نص ساعه مابين يمكن نسوا او شي .. طلعنا ونشوف السيارات الكشخه المرسيدسات والخ والسواقين كاشخين وكل واحد يتلقفنا من صوب وطبعا الاسعار اقل شي يقولونه لنا 70 يورو نعم ليش بابا جان يقولون جناطكم كبار ومحد بياخذكم قلت اي هين روحوا زين ..
ونمشي مع الادوام ولا ذاك الساتول الصغير ناطرين دور التاكسي الاوادم ونوقف وراهم ننطر والله وياخذنا التاكسي وطبعا سعر التوصيل ثابت من المطار الى السنتر 35 يورو وهذيلاك يقولون 70 اقلب ويهك انا اقول
ونتوكل على الله مع التاكسي الى فندقنا وهذيل الصور من الطريج

واحنا بالطريج اخوي كلمني يسألني وينكم قلتله بالتاكسي رايحين الفندق قال والسايق قلت مالقيناه كلم رفيجه ولا الحبيب ناطرنا بالمطار من غير اسم ولا شي بس واقف وينطر 3 مجندات جان اقوله واحنا شلون بنعرفه واقف جذي اكيد مانعرفه ولا اهو راح يعرفنا قلنا خلاص حصل خير ومشكورين تعبناكم

ويتكلم دريولنا عن السياحة في اليونان واحنا طول الطريج مستمعين له

وبين فندقنا

اول واحد عاليمين طبعا الفندق في ساحة البرلمان اللي اهي ساحه سينتغما ويمنا فندق كينغ جورج king george و NJV ATHENS

انزلنا اغراضنا ولا صاحبنا يقول 40 يورو نعم ليش مو اهو السعر 35 ثابت جان يقول انا دليتكم على السياحه واماكن جان اقول والله مو مشكلتنا انت اللي تليقفت وتحجيت احنا ما قلنا لك قولنا وبعدين اللي بيسوي خدمه فري ولا ببيزات يقول جان اقول هذيل 35 يورو مافي غيرهم ونمشي عنه

دخلنا فندقنا وعطيتهم الحجز جان يقولون روحوا فوق انتو غير عن اهني قلت ها بدينا شغل السفارة يبا ترا بس حجز بعدين نبي كل شي طبيعي مانبي شغل السفارات ونصعد فوق ولا حق الجيك ان الاكسكتف روم مسويلنا ابقريد وبسعر ارخص من سعرنا الاولي جان اضحك ذيج الضحكه من الوناسه قلت ايوا جذي ممتاز شغل السفارات والحين ممرنا واحنا رايحين غرفنا ..

نسيت اذكر سعر الليله 90 د.ك مع الريوق 3 اشخاص

غرفتنا بالدور السادس

وهذي غرفتنا

الحمام عزكم الله

المنظر من غرفتنا

اسمة mount Lycabettus تصعدون فوق وتشوفون اثينا كلها من فوق يعني فيو بوينت

وهذا البرلمان وساحه سينتغما syntagma square التفاصيل يايتكم عن بعض الاماكن اللي زرناها في الاجزاء اليايه ان شاءالله

اوقف معاكم لي اهني وباجر اكمل معاكم ان شاءالله باجي اليوم ووين رحنا
تصبحون على خير

مجدي, عامر الزعابي, ياسمينة ستي و 1 آخرون معجبون بهذا.

فيصل · 06-07-2015, 02:23 AM

ايه هذا الشغل العدل

شغل السفارات

تستاهلون والله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا الشنغن اليونان Greece	mr.alhussain	فيزا شنغن	20	12-08-2018 05:48 PM
الحب الأبدي	توبليرون	بوابة البحرين	54	22-04-2015 01:54 AM
تحذير ( عدم تأجير الجت سكي )	BKK	بوابة تايلند	22	07-04-2015 10:13 PM
اريد استخراج تأشيرة الي اليونان	hesham assi	فيزا	1	06-02-2015 01:28 PM