| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( تجربتي مع تأشيرة فرنسا . مقيم ( تحت ال ١٨ ) )› بقلم : Felasour
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
151الاعجاب |
| | LinkBack  | أدوات الموضوع | انواع عرض الموضوع |
06-06-2015, 11:53 PM
| #1 | ||
| مراقبة العرب المسافرون   تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,306
|  كل انسان يصبح شاعرا اذا لامس قلبه الحب : من بلاد الفلاسفه (اليونان)
السلام عليكم ورحمة الله وبركاته على احلى اعضاء واحلى منتدى منتدى العرب المسافرون - دول اوربا الاخرى لكم مني كل محبه وتقدير منو منا ما يعرف بلاد الفلاسفه بلاد فيثاغورس - كزينوفانيس - افلاطون - ارسطو - سقراط والخ من الفلاسفه انها اليونان الدولة الاغريقية فمن اقوال افلاطون " محك الرجال صغائر الاعمال " " نحن مجانين اذا لم نستطع ان نفكر ومتعصبون اذا لم نرد ان نفكر وعبيد اذا لم نجرؤ ان نفكر " " كل انسان يصبح شاعرا اذا لامس قلبه الحب " وانا اقول لافلاطون لامس قلبي الحب من اليونان بس مااعرف اشعر  ومن اقوال ارسطو " هناك اشخاص يدخلون حياتنا فجأه ويخرجون منها فجأه وتعبت من المفاجأه ونزلت دمعتي " ومن اقوال سقراط " الذكاء يحول القبح جمالا في حين لايستطيع الجمال اصلاح الجهل " من بعد هالاقوال ماراح ابتدي في النبذه والمعلومات من الحين في كل مكان ازور راح اكتب نبذه ومعلومات عن الوجهه يعني في كل جزء راح احط لكم كل شي .. والحين ابتدي معاكم بتقريري المتواضع اليونان كانت فكره في بالي من جم سنة بس ماكنت محصله اللي يشجع ويروح معاي واهي وحده من الدول المهمه اللي كنت اتمنى ازورها من تقريبا شهر 11/2014 او 10 كنت مخططه وحاطة في بالي انه لازم اروح اليونان بسنة 2015 وطبعا اذا الله كتبلي هالشي والحمدلله وتحققت السفره لكن بعد عدة تردد ات مو بسبب قلة المواضيع او المعلومات عنها لا بالعكس هذا كان دافع لي اني اروح وحتى لو ماعندي معلومات وايده السبب كانت وحده من المجندات واللي اهي اختي صارت لها مشكلة مع دوامها فقلت انخليها على عطلة العيد وكنسلت حجوزات الفنادق واشوه كانت فري كانسليشن من غير خصم الا التذاكر ماغيرتهم ولاكسنلتهم ماادري ليش بعد الشد والجذب مع اختي وداومها انتصرت اختي هههه وتمت الرحلة مثل ماكنا متفقين عليها بس ها في مشكلة اني كنسلت الفنادق والاسعار ارتفعت وفنادق فل وهذا الحجي كان في اخر ابريل يعني مابقى شي واتم يمكن اسبوع انا بين السايتات للفنادق واحسب وارتب للرحلة والحجوزات والحمدلله تمت الحجوزات والترتيبات على مايرام وبعدها جهزنا شنو نبي للسفره وبما انها صيفيه اكيد بتكون خفيفه بالوزن وعرفنا ان جوها في هالوقت حلو وزين مو حار لان الصيف عندهم حار وشمسهم تحرق حتى وقتنا في النهار كان حر بس باليل وايد حلوو الفـــــــــيزا طبعا شنغن عبيت الابليكيشن وخذيت الحجوزات والتأمين وحطيت لي موعد كان بشهر 4 رحنا المكتب ومكانهم في الكويت : مكان البريطانية القديم مقابل بنك الكويت المركزي - المباركية - مجمع البنوان ( شارع علي السالم ) وتضم كل من : النمسا - سويسرا - اسبانيا - اليونان دشيت ومعاي صوره من جوازي - والبطاقة المدنية - ومبلغ اعتقد 37 دينار - وصوره شخصية - وصوره من فيزا شنغن في الجواز - وبس نطرت الدور وخصلت اموري بصمت وخذيت الوصل بعد 4 ايام اتصلوا وقالوا تعالي استلمي الجواز وحاطين لي سنتين وبدت الايام بالعد التنازلي والفرحه طالعه من عيوني رحنا صرفنا بيزاتنا من الكويتي الى اليورو تاريخ الرحلة من 2015/5/21 الى 2015/5/31 11 يوم ب 10 ليالي الحجز كان على الخطوط القطرية وتكلفة التذكره 130 دينار كويتي للشخص تكلفة كل شخص 714 د.ك شاملة : 5 فنادق مع ريوق الا واحد من غير و طيران داخلي لمنطقتين و عبارة وطيران دولي .. سعر ممتاز هذا كله من ترتيباتي مو من مكاتب سياحية احم احم .. واتى اليوم المشهود ويازينه من يوم وانتوا تستعدون للطيران رحنا مطارنا الصغير والمتواضع وخلصنا وركبنا طيراتنا وهذي طيارتنا وكانت رحلتنا الساعه 11 ص ونوصل الدوحه 12:25 و 1:10 طيراتنا الثانية الى اثينا يعني ترانزيت 40 دقيقه ركضه هذي من الكويت الى الدوحة ونفس الحجم خذيناها من الدوحه الى اثينا مطار الدوحه ماشاءالله تبارك الرحمن واايد كبيير واحنا ترانزيتنا حيل قصير حتى كانوا ينادون علينا وكانت فاينل كول واحنا جحته وركض والله عيزنا 20 دقيقه عشان نوصل بوابتنا ووصلنا وكبنا والابتسامة شاقه الحلج من الوناسه واشغل الفلته واتابعها وبعدها فلم هندي على ما وصلنا وهذا الكرت وزعوه علينا قبل ما نوصل اثينا حق الصحه ( والكل يعبيه ) والله وتحقق منايا شوفوا اثينا معايا لقطة جويه معهوده )بصراحه وايد ذكرتني في الاردن لان جبالها مره تشوفون خضرا ومره صفره مطارهم صغير ولابج مثلنا .gif "(125)") طلعنا من المطار نبي نحط خطوط ولا الشركة سستم داون عندها ف توجهنا على فندقنا اللي نمنا فيه ليلة وبعدها انتقلنا الى اولى وجهاتنا لهذي الرحلة .gif "(34)") وكنت حاجزه فندق سوفتيل اثينا المطار ماكو تطلعون من الباب عبرة شارع انتوا في الفندق الحجز ليله وحده من 5/21 الى 5/22 بسعر 88 د.ك شامل الضرايب والريوق ل 3 مجندات  وهذا ريسبشن الفندق واللوبي ونصعد الى غرفتنا بعد رحلة تقريبا 7 ساعات وهذا مطار اثينا من غرفتنا والحمام عزكم الله على مايوصل عشانا صورة ثانية للمطار وصل وصل العشا شورة بصل  كلوب ساندويش بالخضره وواحد بالدياي و دياي بالخضره وكـــــــريم بروليــــه يمي يمي وهذي صوره طلعتنا الفير لطيراتنا والوجهه الاولى بس بوقف لي اهني بعد خسارة اليوفي باجر اكمل الجزء الاول من وجهتنا الاولى واتمنى يعجبكم ويفيدكم تقريري الصغير
| ||
|  |
|
07-06-2015, 02:36 AM
| #2 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 |  رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
|
|
| |
|
07-06-2015, 04:02 AM
| #3 |
| مسافر متألق  تاريخ التسجيل : Dec 2014 رقم العضوية : 566 الدولة : ★★★ K.S.A ★★★ الجنس : ذكر المشاركات : 456 | رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
|
|
| |
|
07-06-2015, 04:59 AM
| #4 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,858
| رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
| ||
|
| |
|
07-06-2015, 05:09 AM
| #5 |
| خبيرة كندا  تاريخ التسجيل : Jun 2015 رقم العضوية : 4093 الدولة : كل مكان يبعث الراحه لنفسي اعتبره وطن لي الجنس : انثى المشاركات : 354 |  رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
|
|
| |
|
07-06-2015, 05:11 AM
| #6 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,425 | رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
|
| |
|
07-06-2015, 10:30 AM
| #8 | ||
| مراقبة العرب المسافرون  تاريخ التسجيل : Dec 2014 رقم العضوية : 331 الدولة : الكويت الجنس : انثى المشاركات : 12,833
| رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
| ||
|
| |
|
07-06-2015, 04:14 PM
| #9 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,306
| رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
[emoji37] بالضبط بالمطار وعدل غرفته وسيعه وراهيه عدل بوغازي في باب نفصل الصاله عن الغرفه ان شاءالله يكون قد المستوى چان تورطنا ونخصم علينا بس أشوه أني أنا اللي حاجزه.. خلك متابع [emoji108]🏻 ان شاءالله تستمع في الياي ويكون قد المستوى[emoji108]🏻[emoji120]🏽 هههههه الشعر خليه لاهله - أنا بعد أحب الصغار أسرع صح المفروض بس ما كان في لما وصلنا ماعليه منها رياضه اي الفندق بصراحه ماعليه كلام عال العال ان شاءالله التكملة بالطريج [emoji122]🏼[emoji37] Q8ya metnaqla
| ||
|
| |
|
07-06-2015, 04:26 PM
| #10 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,306
| رد: كل انسان يصبح شاعرا اذا لامس قلبه الحب : من بلاد الفلاسفه (اليونان)
جان زين ماخذينج معانا الله يسلمج ويرد لكم زوجج بالسلامه حضورج الاجمل والله أنا مثلكم أحب الصغار اي أحسن عشان نطلع على راحتنا لطيارتنا الثانية بدال مشوار لابد منه هالترتيب الله يعافيج يارب والخير ياي ان شاءالله [emoji120]🏽 اي صح وخصوصا أوربا هذا شكله كسر القاعدة - مو بس درستها الا فصصتها متابعتك تونسني وان شاءالله يعجبك الياي[emoji120]🏽 أنا بعد ما أحب الفلسفه بس كنت حابه اعرف عن تاريخهم نوعا ما فيني ميول تاريخيه فتم الحجز لها وزلقه بطيحه الديره مائية تاريخيه[emoji23] حبيبتي فني شرفتيني وان شاءالله الياي يعجبج[emoji120]🏽 اي الفندق ممتاز ماشاءالله أشوه مو بس أنا اللي لاحظت لا ان شاءالله ما أطول [emoji120]🏽 Q8ya metnaqla
| ||
|
| |
|
| الكلمات الدلالية (Tags) |
| لامس, من, الحب, اليونان, الفلاسفه, اذا, اوزان, بلاد, يصبح, شاعرا, قلبه, كل |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| فيزا الشنغن اليونان Greece | mr.alhussain | فيزا شنغن | 20 | 12-08-2018 05:48 PM |
| الحب الأبدي | توبليرون | بوابة البحرين | 54 | 22-04-2015 01:54 AM |
| تحذير ( عدم تأجير الجت سكي ) | BKK | بوابة تايلند | 22 | 07-04-2015 10:13 PM |
| اريد استخراج تأشيرة الي اليونان | hesham assi | فيزا | 1 | 06-02-2015 01:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
