السلام عليكم ورحمه الله وبركاته

يستفسر عن أسعار التاكسي جوا المدينة ( كوالا - لنكاوي - سنغافورة ) وأسعارهم من المطار للاوتيل فالداون تاون ؟ خدمه الاستقبال بالمطار للاوتيلات من 400 وعليها مين جربها هل هي مريحة وسعرها مناسب لمستوى الخدمة او اروح بتاكسي أحسن ؟!

الشغلة الثانيه كيف أحسب الضريبة ورسوم الخدمة ؟ احد الاوتيلات خصم كامل المبلغ مع زياده 500 ريال تقريبا

سوال نسيت ارفاقه

+ وش الافضل اصرف دولار من هنا حق المطار والدخول وبعدها اصرف محليا عن طريق الراجحي ولا ايش اعمل ؟!

السلام عليكم ورحمة الله وبركاته

اهلا اختي الكريمة

بالنسبة للمواصلات راح افيدك عن ماليزيا اما سنغافورة فما عندي تجربة لها

بالنسبة للمواصلات في المطار اما بالتاكسي وذلك عن طريق مكاتب التكاسي ولها سيارات مخصصة قبل الخروج من المطار والاسعار تتفاوت حسب حجم السيارة وهذا الشي يحكمه عدد الافراد والشنط فقط تعطيهم اسم الفندق ... بالنسبة لهذه المكاتب في الاونة الاخيرة ارتفع سعرها وعموما السعر الى منطقة الصن واي لاجون في حدود 80 رينجت
او عن طريق التاكسي بالعداد وهو موجود في الدور الارضي فقط تذكرة اعتقد بــ 2 رينجت وبعد كدا بالعداد وهذا اوفر لكن التكاسي راح تكون انت وحظك قديم جديد لانها لعامة التكاسي


الطريقة الثانية بالباص رخيصة واقتصادية واعتقد في حدود 10 رينجت للشخص

الطريقة الثالثة بالقطار اكسبريس وهو الاسرع لكن النزول راح يكون في محطة kl sentral وبعد كدا تاكسي الى الفندق واعتقد الشخص للقطار بـ 40 رينجت
اشوف ما يحتاج ان احد يستقبلك في المطار لان الامور واضحة جدا في مطارهم

كما يوجد تطبيق ماي تاكسي الرائع على الجوال عند تشغيله في أي مكان راح يعطيك السعر التقريبي للمكان اللي رايحين فيه وبعد كدا يوضح لكم التكاسي القريبة منك واللي وفقوا على السعر ويمكن تحطي زيادة بقشيش في التطبيق وعلى طول راح تشوفي كمية الاتصالات عليك
البرنامج هذا كان له تقرير رائع من اخونا العدني الله يذكره بالخير في المنتدى السابقوهذا رابط التطبيق

https://play.google.com/store/apps/details?id=com.myteksi.passenger


اذا كان الاتفاق بالجولة في كوالا او سلانجور اعتقد الساعة في حدود 25 الى 30 رينجت للساعة الواحدة

في لنكاوي المطار نفس الطريقة مكتب التكاسي والسعر بسيط غالبا لمعظم الفنادق 20 الى 25 رينجت عدا بعض الفنادق البعيدة مثل اندامان

وانصحكم في لنكاوي باستئجار سيارة واسعارها حسب الموديلات والشركة من 60 رينجت الى 120

بالنسبة لاسعار الجولة في لنكاوي الساعة ب20 رينجت الى 25

طريقة حساب الضريبة مثلا
لو كانت الضريبة 10 % وكان سعر الليلة في الفندق 400 ريال فنضرب 400 * ضرب 0.10 يساوي 40 اذن 40 هي مبلغ الضريبة فيصير الناتج 440
وهكذا لو كانت الضريبة 16 % والليلة ب 400
400 * 0.16 = 64

وهكذا لو كانت الضريبة 5 % والليلة ب 400
400 * 0.05 = 20 انتبه لاتضرب في 0.5 راح يختلف

رحلة سعيدة
اخوكم
هاي مزمز

ﻻتحولي دوﻻرات وﻻ شي
الصرف من السعودية ماراح يفرق كثير وباقي المبلغ اصرفيه في شارع العرب في كواﻻ او عند الصرافين الموجودين غند الصن واي ﻻجون او في بينانج عند الباتو فرينجي
وتجنبي الصرف من المطارات ومن لنكاوي غالي

هيمزمز وااااافي ماقصرت عساك بالجنه معلومات وافيه شافيه
اعتقد راح اعتمد عالتكسي من المطار والجولات اما داخل المدن مترو بالاضافه للتطبيق
سوالي فقط وين القى مكتب التكسي ؟ وهل الاقيهم بدون مكتب بالشارع او كل مره لازم ادور مكتب قريب ؟
ايضا عن الصرف سمعت تحذير من المحلات الي تصرف ففضلت ابعد عنهم صدق هالكلام ولا ؟
في مخططي اني اصرف من الراجحي فايش الفرق بينه وبين المحلات الي ذكرتها ؟

بالفعل ذكرتيني بالمونورول (المترو ) نسيت اذكره تجربته جميلة ورائعة لكن بالنسبة لكبار السن واللي عنده اطفال وعربات راح يتعب شوي



بالنسبة لمكاتب التكاسي في المطار دائما تكون قبل بوابة الخروج يعني لما تستلموا الشنط وتعدوا تفتيش الشنط راح تمشي شوي وتحصلي مكاتب تاكيسي اوفيس او اسألي اي موظف رسمي في المطار وانتبهوا من النصابين اللي يتكشخوا في اللبس ويضحكوا على العرب من ناحية التكاسي ونصب حجز الفنادق فنصيحة اي شخص يأتيكم ويسوي نفسه موظف ويلزمك انك تأخذ تاكسي من عنده اعرف انه نصاب
وطبعا زي ما قلت في الدور الارضي يوجد تاكسي العداد


بالنسبة لبعض الاسواق فيها مكاتب تاكسي يعني مثلا سوق البراميد صن واي لاجون امام مدخله الرئيسي يوجد مكتب واسعاره رخيصة بس تعطيه اسم الفندق ويعطيك السعر اذكر اني رحت من عنده الى شارع العرب ب 24 رينجت بينما لو وقفت تاكسي من خارج هذا المكتب راح يقولوا 40 رينجت لكن مع التطبيق السعر معروف الان




بالنسبة لمحلات الصرافة لم اواجه اي مشكلة معاهم اهم شي تعدي الفلوس امامهم واحتفظي بالايصال اللي يعطيك اياه (فلو ثبت في فلوس مزورة معاكي الايصال اللي صرفتي منه ) وانتبهي الصرافين كثير واسعارهم متفاوتة يعني حاولي تسألي كذا محل وبالنسبة لي كان افضل الصرف موجود امام محل اتش اند ام خارج مجمع لوت تن ولاصق فيه محل ايسكريم اسمه هاجن داز وماكينة صرف الراجحي

وهذي الصورة توضح مكانه من الغرفة في فندقwolo














ررحلة سعيدةهاي مزمز

عند شاشة الاعلانات المكعبة الشكل

^ ايش الي عند لوحه الاعلانات ؟
مكاتب الصرف قصدك ؟

اختي العزيزة.. اخي هاي مزمز ماقصر ..كفى ووفى..
ولكن بختصر عليك سالفة التكاسي. نزلي تطبيق ماي تكسي بجوالك ورررريحي بالك.
مجرد تحددين المكان اللي تبينه وراح يطلع لك المسافة كم والمبلغ تقريبا كم.
وراح يعطي التكاسي اللي جنبك خبر ودقايق وهم حاضرين. ولاتجلسين تبحثين عن مكاتب تكاسي بالمولات. مع انها افضل.

بالنسبة للمطار ومكتب التكاسي. ارجعي لتقريري وراح تجدين فيه صورة المكتب الاول والوصف
وصورة المكتب الثاني والوصف. وكل ماعليك تفهمين الوصف او تحملين صورة المكتب بجوالك واذا وصلتي هناك اقرب واحد تورينه ويدلك.

كما انصححك في كوالا لاتفكرين بتكسي الجولة داخل كوالا. لان الطرق قد تكون مزدحمهوبكذا يحسب الوقت وهو واقف اما تاكسي مشوار تاخذينه بالبرنامج او من الخط .اوالبديل الاسرع المترو(مانوريل).
وقد يكون تاكسي العداد مناسب اثناء الازدحام.
خارج كوالا مثل افموسا او جنتق في الغالي ياتكسي جولة او باص حسب المكان.
وكذلك الحال في سلانقور.
وللمعلومية يوجد في كوالا قرب البرجين وشارع العرب جسر مكيف.يغني عن التكاسي اذا كنتي قريبه منه
لكنه محدود الوصول.

http://www.arabtrvl.com/vb/t676.html
اما في بينانق فالجولات تكون افضل .ويوجد بيينانغ شبكة باصات رخيصة وممتازة
تصل كل مكان حتى الهضبة والمطار. لكن تحتاج لفهم الباصات ومعرفة اسماء المحطات.
كذلك في مطار بينانغ مكتب خارج البوابة. وبرنامج ماي تكسي بيكون شغال معاكي هناك.
وهذي صورة خطوط الباصات.


لنكاوي للاسف البرنامج مو شغال .ولايوجد مترو ولاباصات . ماعندك الا تكاسي او استئحار سيارة
واضم صوتي لصوت مزمز استاجروا.
واذا بتسوقون لزم برنامج خرايط..
شوفيني وانا اسوق بلنكاوي قبل عدة اشهر ولاهي صعبه.