السلام عليكم ،،

باذن الله رحلتنا هالسنه بتكون ابتداء بتركيا وبعدها مدريد وبرشلونه ومن برشلونه للوطن ان شاءالله ،،

سوالي هو موعدنا للتبصيم يوم الاحد ان شاءالله ،
وابيكم تراجعون معاي للي جهزته خوف من نسيان شي ،،

١ـ السجل التجاري مصدق ( بديل عن تعريف العمل للوالد )
٢ـ تذاكر السفر ( طبعتها من الموقع موكده )
٣ـ حجوزات الفنادق ( عدد ايام السفر يعني من ٢١ الى ٣ سبمتبر نفس التذاكر دخول اسبانيا ٢١ والخروج ٣ سبتمبر ان شاء الله )
٤ـ كشف حساب ل اخر سته اشهر ( رصيد لايقل عن ٢٥ الف )
٥ـ تامين السفر للمسافرين كلهم من الاهلية للتامين ( ٢٢ يوم والتامين اعطوني ٢ واحد للعايله كامله مع الوالد والثاني ل اختي وولدها لوحدهم بما انهم عايله بدون ابوهم عادي ؟ مافيه مشكله ؟)
٦ـ الجوازات الاصلية
٧ـ صور من الجوازات ( الصفحه الاولي )
٨ـ صوره من كرت عائله ابوي لنا وصوره كرت عائله زوج اختي ل اختي وولدها ( هل يكتفي بالكرت العايله او يلزم اصور بطاقات الاحوال بعد ؟ )
٩ـ الابلكيشن معبا
١٠ـ التعهد للاسبانيه
١١ـ صور جديده
١٢ـ وطباعه حجز الموعد

اذا فيه شي ناسيته ذكروني بليز ،،
+ ابي اسالكم عن اختي وولدها وش ضروري نجيب معنا مستندات لهم ؟ بما انهم بيسافرون معنا بدون ابوهم والمتكفل بالسفر ابوي ؟؟؟

وشكرا لكم ،،،

أي أحد يسافر بدون ولي أمره حتى لو كان شخص كبير لكن طالب أو عاطل يحتاج تعهد تكفل بالمصاريف من الشخص اللي بيتكفل بمصاريفه

مع صورة جوازه وخلو صورة بطاقة الاحوال احتياط ما يمنع

مايحتاج السجل التجاري .. ورقة يطبعها الوالد على ورق المؤسسة الرسمي وتصدق من الغرفه ويكفي

النماذج والطلبات كلها هنا

http://www.arabtrvl.com/vb/t5780.html

ياليت توضح لي اكثر عن التعهد مواصله ومخي مو راضي يفهم هههه
يعني التعهد بتكفل المصاريف ل اختي وولدها ابوي صوره جوازه واحواله والتعهد بس ؟

نعم يا أختي
التعهد بالتكفل بالمصاريف للأبناء والأحفاد طالما ليس لديهم مصدر دخل يكفي مصاريف الرحله
ويقدم خطاب التعهد بالتكاليف مرفوقا بكشف حساب البنك الذي ينزل فيه معاشه

هو التعهد للسفر صح ؟

اللي بيتكفل بالسفر ل اختي وولدها ابوي التعهد واحد يصير صح ؟
او ارفق لهم خطاب تكفل بمصاريف ان ابوي متكفل بالسفر ؟؟
طيب خطاب موافقه بالسفر زوجها يكتبه ؟ ويكتبه باللغه الانجليزيه ؟؟

التكفل يكون بالرحله بأكملها سواء سفر أو الفنادق أو كل شيئ
وخطاب التكفل له نموذج موجود بالمواضيع المثبته
يمكنك نسخه وتعبئته بما يتوافق معكم
أما بخصوص الإستفسار الأخير الخاص بموافقة الزوج على السفر
فبإذن الله يدخل أحد الإخوه الذين مروا بنفس التجربه للرد والإفاده

تحياتي

راجعي يا أختي هذا الموضوع ففيه كل النماذج الخاصه بالشنغن بما فيها خطاب التكفل بالمصاريف

http://www.arabtrvl.com/vb/t5780.html

معليش خطاب التكفل بالمصاريف التعهد ماعطوني ؟

انا اساسا كنت في السفاره الاسبوع اللي فات وعطاني بس ورقتين ورقه ابلكيشن ورقه تعهد الشيك لست بس فقط ؟
كافيه او فيه شي غير ؟؟

الخطابات مالها فورم من عندهم .. انت تكتبه بنفسك وتطبعه ..

خطاب موافقة الوالدين هنا

http://www.arabtrvl.com/vb/t2888.html

وخطاب التكفل بالمصاريف هنا

http://www.arabtrvl.com/vb/t381.html

كل شي بالانجليزي طبعا