السلام عليكم
عندي استفسار بخصوص قطار لندن ابغا اروح لباريس من لندن بالقطار
واحنا 3 اشخاص ومعانا شنط كثيره هل في نفس القطار شحن للشنط لان ما معانا احد يشيل او هل في حل ؟

اهلا وسهلا بك اخوي
لاعادي القطار محد يقولك شي عن كمية الشنط ابدا
فيه عندكم رفوف فوق وتقدرون تحطوها بأماكن معينه داخل القطار
اساسا بتشوفون وش كثر الشنط جوا عن تجربه
بالتوفيق لك

مثل ماذكرت مشرفتنا تقاسيم

الوضع فيه سعه في عدد الشنط


والمكان المخصص لوضع الشنط هو نهاية كل عربة من القطار

عليكم السلام ورحمه الله وبركاته

ياهلا ومرحبا اختي

نفس ماذكرو الاخوان جزاهم الله خير

بس ممكن اعرف تقريبا كم شنطه !!!

لا محد يشيل الشنط لكن في ترولي ممكن تحملون فيها الشنط
بس ضرور اختي اعرف عدد الشنط عندكم

اي من جذي انا سألتج عشان اشوف العدد
السالفه مب سالفه ترولي وان تقدرون تحملونهم او لا

يمكن مايوافقون على عدد الشنط بالنسبه لعددكم
لكن 6 شنط على عددكم مافي مشكله
المشكله في الاماكن داخل القطار او حملها داخل القطار متعبه اشوي
هذا رد كنت كاتبه من فتره قريبه لاحد العضوات هنا بالمنتدى


بالنسبه لليورو ستار نعم عندهم خدمه شحن الشنط وتستلمونها بمكتبهم بباريس

اتمنى تستفيدين منه
واي استفسار انا حاضر

اقتباس :  المشاركة الأصلية كتبت بواسطة qa6ar911 عليكم السلام ورحمه الله وبركاته بالنسبه للشنط على اليورو ستار يجب ان لاتزيد كل شنطه عن 30 كيلو غرام كل شخص كبير من حقه شنطتين طول الشنطه الواحده 85 سم ماتزيد عن هالطول وايضا شنطه واحد هاند باق والاطفال من حق كل طفل من عمر 4 سنوات الى 11 سنه شنطه واحده كبيره بطول 85 سم وشنطه واحده هاند باق الاطفال تحت 4 سنوات لان تذاكرهم free غير محسوب لهم شنط معاهم اذا عندكم شنط زياده عن عددكم يعني مثلا انتو 4 اشخاص من عمر 12 سنه واكثر من حقكم 8 شنط بحجم 85 سم او اقل + 4 شنط هاند باق بأفتراض لو قلنا عدد شنطك اكبر او اكثر لما تدخلون محطه اس تي بانكراس في لندن تروحون مكتب أسمه EuroDespatch office بالنسبه لتسعيره الشنط الاضافيه طبعا الشنط الزايده عن المستحق لكم لان الشنط المستحقه لكم فري ماعليها رسوم اضافيه اولا الشنط يجب ان لاتزيد عن 30 كيلو غرام سعر الشنطه الاضافيه الواحده 20 باوند واذا كانو القطع اكثر من 3 قطع تكون سعر القطعه الرابعه 40 باوند يعني اول وثاني وثالث قطعه كل وحده سعرها 20 باوند = 60 باوند القطعه الرابعه سعرها لوحدها 40 باوند وبالتوفيق ان شاء الله