تجربتي في إستخراج الفيزا الدراسية ( Short-term study visa ) .

نهى الله يسهلها · 14-06-2015, 06:15 PM

السلام عليكم ورحمة الله وبركاته .

اليوم الحمدلله إستلمت الفيزا الدراسية ، فحابة أذكر تجربتي في تجهيز المتطلبات .
أنا حروح أدرس لغة إنجليزية لمدة 8 شهور إن شاء الله ، فراسلت المعهد وطلبوا مني أجهز فيزا : Short-term study visa
فدخلت موقع التقديم وتعبئة الأبليكيشن : https://www.visa4uk.fco.gov.uk/account/register
وإخترت الفيزا التالية : Visit -> (Special) -> Student visitor, to study English Languag

وعبيت الأبليكيشن ، وكان واضح جدًا وسهل ، يعني ما يحتاج أبدًا تطلبون من المكاتب السياحية تسويها لكم بجميع أنواعها سياحية أو دراسية ...

وهنا الأخ ( آخر فرصة ) مشكورًا شرح الأسئلة : http://www.arabtrvl.com/vb/t1482.html
وهي أصلاً حتجيكم مترجمة باللغة العربية ، يعني أسهل من كدا مافيش
لكن كان فيه جزء زيادة لنوع فيزتي وهو كالتالي :

وبعدين سويت هذي الإجراءات الأربعة :

1). تعبئة الأبليكيشن .
2). التوقيع . ( نكتب إسم صاحب الأبليكيشن )
3). حجز الموعد .
4). دفع رسوم الفيزا .
5). طباعة الأبليكيشن .

بعد طباعة الأبليكيشن وقعت على ورقتين زي ماهم طالبين وبنفس توقيعي اللي بجواز السفر .

وجبت الملف وحطيت فيه الطلبات الآتية :

1). الأبليكيشن .
2). جواز السفر .
3). خطاب القبول من المعهد ( طبعًا ما أرسلولي القبول إلا بعد ما حولت لهم فلوس الكورس كاملة ، وما يرجعونها إلا بحالة رفض الفيزا ) .
4). صورتين شخصية تتوافق مع متطلباتهم ، موجودة هنا : https://www.gov.uk/photos-for-passports
5). كشف حساب لآخر 6 شهور للشخص المتكفل بالمصاريف .
6). تعريف عمل للشخص المتكفل بالمصاريف ( والدي متقاعد فدخلت على موقع مؤسسة التقاعد وطبعت التعريف ، الموقع رائع ومنظم ويتيح لك تختار البلد اللي إنت مسافر لها حتى يتم توجيه الخطاب إليها )
7). خطاب تكفل بالمصاريف ، أخذته من هنا : http://www.arabtrvl.com/vb/t381.html
8). حجز سكن ، حجزت فندق لأول شهر من موقع Booking ، وكان حجز من غير دفع وعندي فرصة ألغيه بأي وقت لين يوم الوصول .
9). حجز الطيران .
10). ورقة الموعد اللي حجزته .
11). ورقة إثبات إني دفعت رسوم الفيزا ( جاتني ع الإيميل وطبعتها ) .

* ملحوظة : هذي الأوراق لازم تكون أصل مو صورة وباللغة الإنجليزية + التأمين الطبي غير مطلوب إلا لفيزا التاير فقط .

( لكنهم يغيرون بعض طلباتهم كل فترة فتحتاج تتأكد من موقعهم أو مكتبهم ) .

ورحت لهم قبل أسبوع يوم الربوع بتاريخ 3 / 6 / 2015م ، أعطيتهم الأوراق وسويت البصمة ،
وكان موعد عادي وما طلبت إستعجال إصدار الفيزا ، وبعدها بأسبوع ويومين ( يعني اليوم ) أرسلولي أروح أستلمها .
والحمدلله إتسهلت لي وأخذتها =)

وكانت هذي تجربتي ، وأعتذر ع الإطالة .
والسبب الرئيسي لطرحي الموضوع هو التشجيع إننا نسويها بنفسنا بدون ما نلجأ للمكاتب ،
ممكن بلحظات تحس بلخبطة وخوف إنك ناسي شي أو إن اللي تسويه غلط بس من خلال البحث والقراءة راح تقدر تسويها وتكملها
ويكفيك إحساس الإنجاز والسعادة لمن تستلمها بإنك إنتا اللي مسويها بنفسك =)
وشكرًا لكل من ساعدني في هذا الموقع المفيد حتى لو بمعلومة بسيطة =)
وأي سؤال أنا حاضرة أكيد =)

المستشارهمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
متطلبات وخطوات استخراج الفيزا الروسيه Russian Visa	JAKALL	فيزا دول اخرى	43	09-02-2020 02:26 PM
[شرح بالصور] طريقة إستخراج تأشيرة دخول الهند (الفيزا الهندية)	سعداف	فيزا دول اخرى	23	07-05-2019 03:12 PM
[شرح بالصور] طريقة إستخراج تأشيرة دخول سيرلانكا (الفيزا)	سعداف	فيزا دول اخرى	10	22-08-2018 09:49 PM
تجربتي في إستخراج الشنغن من السفارة الفرنسية بخمس أيام عمل ..	Mr.White	فيزا	13	25-01-2017 01:16 PM
الفيزا الدراسية	نهى الله يسهلها	فيزا بريطانيا	13	09-06-2015 03:47 PM