رحــلــتــي شــهــر الــعــســل أمــــريــــــــــــكـــــــا - الصفحة 3

ali pontiac · 19-06-2015, 03:42 PM

من سان فرانسيسكو الى لوس انجلوس

صحينه في يوم المغادره وتجهزنه ونزلنه العفش رتبت مع موظف استقبال الفندق اليوم الي قبل انه يرتب لنه تاكسي ياخذنه حق المطار و رحنه المطار حق استلام السياره

حجزت السياره من هذي الموقع
v
v
Billiger Mietwagen, Beste Preise Garantiert, Buchen Sie Heute! - rentalcars.com

تختار التواريخ ومن اي مطار تبقي تستلم السياره وفي اي مطار تبقي ترجعها السياره خليتها معاي 10 ايام تقريبا لي لاس فيغاس، و الموقع يبين لك شركات التأجير المتوفره

انه خذت السياره من شركة Dollar

خبرت راعي التاكسي انه ينزلنه عند مكاتب سيارات الأجار و رحت للمكتب وكان هناك شايب صيني وحاول ينصب علي يعطيني سياره اصغر انه كنت حاجز سيارة كيا ريو واهوه كان يبي يعطيني فيات 500 حته الشنطات مايدخلون فيها ، وعقب قالي ادفع 20 دولار وبعطيك فورد موستنج ، قلت له 20 دورلار متأكد ؟؟ يقول ايوه شكيت في الموضوع .. سالت موظف ثاني وقالي 20 دولار زياده كل يوم. المهم اخذت الكيا.

تاخذون السياره قولو لهم انه السياره تبون تطلعون بها من ولايه الى اخرى، حق يدخلون في بيانات السياره لو مثلا اوقفك مرور او شي يبين عندهم انه مسموح ,ونقطه ثانيه تدفعون مبلغ بسيط حق الـ Express line تقدرون تمشون في الخط السريع على راحتكم. واهم شي النافقيشن.

المهم اخذنه السياره واكلنه سندويشات في المطار وتوكلنه على الله ضبطنه النافقيشن على فندقنه الي في لوس انجلوس، النافيقشن كان نوعه [COLOR="rgb(244, 164, 96)"]Garmin[/COLOR].

انه سمعت انه في طريقين ، طريق جبلي وطريق ساحلي الي يطل على المحيط، انه رحت على درب جبلي ومناظر ماشاءالله وكان فيه مزارع يبيعون فراوله طازجه ومثلجات طازجه للاسف ماتوقفت على طوول مسكت الخط

صور الدرب

وهذي فيديو للدرب

وقفنه في استراحه وحده عبينه بترول واكلنه برجر و واصلنه الدرب

قريب من لوس انجلوس شفنه ملاهي Six flags من اكبر الملاهي حق الروولر كووستر وموجودين الـ six flags في كذا مدينه في امريكا

وصلنه الفندق نزلنه العفش ، اسم الفندق MIYAKO الفندق ياباني والي نازلين فيه اكثرهم يابانيين ، تحت الفندق ماطعم يابانيه اسم المنطقه little tokyo

لوووس انجلوووس يوم الوصول

وعلى طوول انطلقنه رحته منطقة Santa Monica

وهناك في مواقف سيارات كثيره وقفنه السياره ونزلنه نتمشه santa monica مكان حيوي وجميل حق العوائل وفي الليل فيه عروض ترفيهيه تصير بالشارع الثالث

هذي الشارع الثالث

ومشينه لي شارع البحر اسمه Ocean avenua

واحنه هناك شفنه شرطه ومسكرين الشوارع ، قلت حق زوجتي اكيد مطاردة شرطه ، مسوي روحي خبير

يوم سألنت الناس الي واقفين قالو موكب باراك اوباما بمر على الشارع

فيديو
v
v

نزلت تحت قريب من الملاهي الي على البحر

10 دولار للتصوير مع الثعابين

طبعا في اكثر من شخص من الي يربون الثعابين هذي الي رحت له حط علي ثنينه يبي يراوي صاحبه انه الزباين دايم عنده

وهذي Santa monica pier الي في الملاهي

ودخلنه الملاهي

صوره من فووق اللعبه

فيديو
v
v

ورجعنه عقب فووق حق الشارع الثالث

وهذي نفس البلازا مجمع مفتوح في نفس الشارع

حق عشاق الأيفون

وهذي كان اول يوم لنه في لووس انجلووس ....... يتبع....

قطرية كولمعجبون بهذا.

فيصل · 19-06-2015, 06:41 PM

الطريق جميل

بس ليش استأجرت من المطار بالعاده المطار سعر الاستئجار منه أغلي من المدينه

الي هالدرجه سان فرانسيسكو جميله

شكرا لك

مقدام · 20-06-2015, 12:03 AM

تسلم اخوي علي على هذا التقرير الرائع والصور الجميله

ومبروك الزواج

عجبتني جولاتكم في سان فرانسيسكو
وحلوة جولة الطبيعه في Muir Woods

وايضا جولة الكروز ممتعه

شكلك حافظ شوارع سان فراسيسكو من لعبة درايفر هههههه

سجلني من المتابعين لهذا التقرير المميز

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

ali pontiac · 20-06-2015, 10:41 AM

مشكوورين يا اخوان

اخوي فيصل في الموقع كان نفس الأسعار مكاتب التأجير الي في المطار والي في المدينه

ali pontiac · 20-06-2015, 12:03 PM

لووس انجلوس اليوم الثاني

في هذي اليوم قضينه اليوم كامل في Universal studio Hollywood

اشتريت التذكره من الموقع الرسمي
V
V
Universal Studios Hollywood | Official site of Universal Studios Hollywood theme park in Los Angeles California. Your guide to park hours, attractions, and theme park ticket deals.

في التذكره العاديه وفي تذكرة Front of Line وفي تذكرة VIP

نصيحه ومثل مانصحوني تاخذون تذكرة Front of Line حق ما توقفون في الطابور حق الألعاب والعروض ، اما تذكرة الـ VIP هذي مالها داعي يكون معاك مرافق ويفرجكم الأماكن والألعاب

سعر التذكره 56.5 دينار للشخص

صحينه الصبح وعلى طول بالسياره رحنه يونفرسال ، طبعا لوس انجلوس مب مثل سان فرانسيسكو لازم يكون معاكم سياره

وصلنه و وقفنه السياره في المواقف ، اول ماتدخلون في اليونفرسال ستوديو تكونون في الساحة الي اسمها City walk فيها مطاعم وعروض وسينما ومحلات وحفلات مكان حيوي في الليل

هذي الـ City walk طبعا في الصباح عادي وهادئ

وهذي مدخل الحديقه

عطيتهم التذاكر الي طعتهم وعطوني بطاقة ال front of line

فيديو
V

السيارات الي في فلم [COLOR="rgb(244, 164, 96)"]Fast 7[/COLOR]

Plymouth road runner

1968 camaro

السياره الأصليه الي فلم Back to the Future

سكوبي دووو

دراكولا ينتظر فريسته تصور معاه واهوه يعضك

وجبة الغداء رجل ديك رومي

عروض مائيه

فيديو العرض المائي
V

طبعا الألعاب كثيره واقلبها عرض سينمائي 3D وماقدر اصور من داخل ،بس متعه بصراحه خصوصا الي عنده عيال اعمارهم 12 بتكون يونفرسال احلى من ديزني لهم شبابيه اكثر ..وجايكم تقرير ديزني لاند في الدرب

المكان كبير لازم تاخذون الخريطه عند البوابه حق تعرفون محلات الألعاب والمطاعم والأستراحات

وهذي مقاطع فيديو في جوله تشوفون فيها مدينة التصوير وخدع والتأثيرات في صناعة الأفلام
V
V

وكملنه كل الألعاب ورجعنه City walk وفي الليل المكان يصير حيوي

فيديو
V

الملاهي و الألعاب يسكرون بس City walk لي وقت متأخر

وهذي كان يومنه في يونفرسال.........يتبع...

قطرية كولمعجبون بهذا.

فيصل · 20-06-2015, 06:11 PM

صراحه استغرب من اللي سعرها 299 $ حسب الموقع

الـ 3D تسوي الواحد يزورها

|القحطاني| · 20-06-2015, 08:08 PM

ما شاء الله عليك يا أخ علي

أولا الله يحيك في هذا المنتدى أخ وحبيب

أما من ناحية التقرير ما شاء الله شيء جميل

بصراحة كنت أتوقع أمريكا بس ولايتيين اللي حلوة والباقي صحاري هههههههههه

بس تقريرك الجميل أعاد لي النظر في متابعة تقارير أمريكا

هل واجهت مشاكل كشخص عربي في المطار عند التفتيش أو واجهة عنصرية في مطارات أمريكا .؟

ولا الوضع كان طبيعي جدا وتفتيشهم مثل بقية الدول

الله يعطيك العافية

ali pontiac · 21-06-2015, 12:14 AM

الغالي فيصل تسوه ونص ممتعه للشباب و العوائل

القحطاني يا الغالي شكرا لك ، بصراحه والحمدلله ماواجهت اي عنصريه الشعب مساعد ،وطبعا الشعب خليط من الأسيويين وكثييير من اللاتينيين ومثل مانقول احنه الأصابع ماهي سوه.

من ناحية التفتيش الأمني قوي نوعا ما ، مثلا يقولون لك تفصخ الحزام والحذاء وانتو بكرامه ، واذا معك لابتوب لازم تطلعه برع وتخليه فوق شنطة اليد ويدخلونه في جهاز الـ X Ray

ali pontiac · 21-06-2015, 02:39 AM

لوووس انجلوس اليوم الثالث

اليوم الثالث صحينه وكان عندنه برنامج تور داخل ستوديو Warner brothers شركة الأفلام الغنيه عن التعريف

حجزت التذاكر من الموقع
V
V
WB Studio Tour Hollywood | Hollywood Made Here

الموقع مجددينه ماكان مثل الشكل يوم احجز منه ، سعر التذكره للشخص 40.75 دينار للشخص

وصلنه

طبعا عطيناهم الحجز ودخلونه على سينما صغيره ويفرجونه على تاريخ الشركه و وزعونه مجموعات حق الجوله الداخليه كل مجموعه ومعاها مرشد

مدن كامله للتصوير

طبعا المواد الي مستخدمينها حق بناء المدينه مب اسمنت واشياء ثقيله ، مواد خفيفه مثل الجبس الي يزينون فيه سقف المنازل واكثر قريات التوصير عمرها اكثر من 30 سنه وبعضهم حتى 50 سنه

هذي المكان قبو ، صورو فيه فلم قديم حق مخلوقات تتكاثر بالماي اسم الفلم Gremlins

هذي صوره للي شاف الفلم يتذكره

هذي المكان الي فيه لقطه فلم سبايدر مان الي يقبل صديقته واهوه نازل بالمقلوب من فوق

ودخلنه المكان عجبني وايد وبيعجب محبين افلام BATMAN

هذي شخصيات فلم BATMAN & ROBIN الي نزل في سنة 1997 من احلى افلام باتمان بالنسبه لي ،والبعض يشوفه من افشل الأجزاء، انا احبه يمكن لنه يذكرني بأيام حلوه وانه صغير

شخصيات فلم BATMAN FOREVER الي نزل في سنة 1995

طلعنه من كهف باتمان

هذي المكان الي تم فيه تصوير صورة غلاف البوم فرقة Pink floyd العريقه، الي يسمع اغاني روك كلاسك اكيد يعرف الفرقه، اسم الألبوم wish you where here الي اصدر في سنة 1975

هذي صورة المكان

صورة غلاف الألبوم من قوقول

دخلونه كراج فيه كل سيارات ودراجات الي في افلام باتمان القديمه والجديده

فيديو
V

طبعا المجموعه الي معانه ومرشد التوور محنكين افلام ومسلسلات وخصوصا المسلسل الكوميدي friends الي كان يعرض من كم سنة على قناة MBC اهمه كانو عايشين الجو صح

وهذي الكوفي الشوب الي كانو يجلسون فيه في المسلسل

صوره من قووقل
V
V
V

وخلصنه التور وفيه محل هدايا داخل وكوفي شووب ستاربكس

صوره من برع الستوديو

صار لنه نتجول بالسياره ونبغي افضل مكان نصور فيه شعار Hollywood الي فوق الجبل ، دخلت قوقل ابحث عن اجرب نقطة حق احصل صوره واضحه ، وتوجهنه على طريق جبلي فيه ممشى وناس تمارس الرياض عباره عن منتزه بس ناسي اسمه

صوره للمدينه من فوق

وهناك سألنه الناس عن افضل مكان حق تصوير اللافته وقالو لنه اسم شارع Beachwood canyon وقدرنه ناخذ صور اوضح

عقب قررنه نروح شارع هوليود المشهور بس الشارع بالنهار مافيه حيويه

تغدينه بيتزا من مطعم اسمه Masa of echo park

طبعا هذي البيتزا الي يسموونها Chicago deep dish pizza تجي سميكه ومليانه صلصه وجبن

رجعنه الفندق نرتاح شوي ويوم ظلم الوقت رحنه شارع هوليوود مره ثانيه وكان رائع وفيه عروض واشياء حلوه اسم الشارع Hollywood walk of fame

من افضل الممثلين عندي

احلى محل ايسكريم في الشارع

مايكل جاكسون

فيديو
V

وهذي كانت نهاية يومنه الثالث يتبع........

قطرية كولمعجبون بهذا.

ali pontiac · 21-06-2015, 03:58 AM

اليوم الرابع لوووس انجلوس

اليوم الرابع كان يوم خفيف جدا ويوم استراحه بحريه

في هذي اليوم رحنه شاطئ New port beach يبعد مسافه ساعه بالسياره تقريبا عن فندقنه

في المنطقه فيه جزيرة Balboa island في قلب المكان

واحنه رايحين في الدرب صدفه من مليوووون

شفت هذي الكورفت، طبعا هذي الكورفت اهيه الوحيده في العالم بتصميم خاص من شفروليت حق عازف قيتار اسمه Paul stanley عازف ومغني في فرقة الروك KISS وانعرضت السياره بأسم شفروليه في معرض 2014 SEMA في لاس فيغاس

هذي فيديو من يوتيوب حق السياره نفسها وتصميمها ولو تلاحظون السياره يوم صورتها عليها لوحات خاصه شفروليت

بس بعد ماهذي موضوع الكورفت الي سألت عنه اخوي فارس الجبيل ، الموضوع جايك في الدرب مع تكملة التقرير

وصلنه البحر في هذي المنطقه مطاعم وايد ، وبالنسبه حق مواقف السيارات في كل مكان في وكل ساحة مواقف تختلف اسعارها وفي منها سعره مبالغ لي 30 دولار

وجبة الغداء اكل بحري مشوي من مطعم اسمه Rockin Baja

ممر جميل خلف البيوت الي تطل على البحر

هذي نهاية رابع يوم ...يتبع

قطرية كولمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحــلــتــي الــثــانــيــة إلــى مــالــيــزيــا (مــايــو 2015) ...	Bu Rashid	بوابة ماليزيا	199	22-10-2019 08:03 AM