السلام عليكم ورحمه الله وبركاته
تحية خاصة إلى الأعضاء الرائعين

بصراحة أبغاكم ترتبولي رحلتي من البداية إلى النهاية
طبعا الوقت جدا جدا ضيق وأنا متأخر مررة في الحجوزات وهذي أول مرة اتأخر العادة من قبل بكم شهر وأنا مرتب أموري
بس لظروف خارج إرادتي

حجزت مبدئيا الطيران الدولي على الخطوط السعودية
شخصين وطفلة ( عمرها ثلاثة سنوات ونص )
الإقلاع يوم 21 يوليو والعودة يوم 4 أغسطس
مبديا مرتب على أساس الرحلة الداخلية نفس اليوم ( شيكت على الرحلات بس للحين ما حجزت لمن أخذ رأيكم )
وحجزت فندق
Trabzon Yali Park Hotel



من 21 إلى يوم 22 للراحة


وبعدها مخطط على أوزنجول من يوم 22 إلى يوم 25

حجزت فندق أوزكان
وبعدها على طرابزون من يوم 25 إلى يوم 29
وحجزت فندق Elif hotel


وبعدها على اسطنبول من 29 إلى يوم 4 وللحين ما حجزت فندق.. ( كثيرة الأيام على اسطنبول ولالا ؟؟ )




فأبغى خبرتكم بالنسبة لتوزيع الأيام والفنادق وايش الأفضل بصراحة حايس مرررة لضيق الوقت وهذا الشي مو عادتي أبد

الله يوفقك ورحلة موفقة
انت رايح لاسطنبول في الصيف والجو هناك يكون حار نوعا ما
يعني انصحك اخلي الوقت الأكثر في الشمال
فاذا بتبقى على نفس جدولك وانت خلاص ماعاد تقدر تعدل حجوزاتك
فجدولك حلو ترتاح يوم الوصول في طرابزون والفندق حلو وقريب من المطار
وتروح ازنجول 3 أيام مع اني اتمناها اكثر لانك رايح في الصيف والجو هناك رووعة
لكن بخصوص حجوزاتك أتمنى تتأكد من التواريخ
يعني ازنجول المفروص حجزك من 22 اول يوم تصل الى تاريخ 24 ويوم المغادة هو يوم 25 يعني لاتحسبه من ضمن حجوزاتك في ازنجول
لكن احسبه من حجوزات طرابزون

وتوي انتبه انك بتطلع من طرابزون وتروح ازنجول 3 أيام بعدها ترجع على طرابزون 4 أيام ما ادري ليش؟؟
فهل انت مجهز رحلة في بالك او تحب ارتب لك جدول يناسب حجوزاتك

هلا بك أخوي
والله أنا حجزت من عندي اذا الجدول مو مناسب ياليت ترتبلي جدول أفضل..
واذا أيام الشمال التركي قليلة ممكن نزيدها .. أنا أفضل الطبيعة طبعا ..
بس لازم كم يوم في اسطنبول نشوفها ونتسوق فيها وفيها ملاهي ودي أزوها..

ممكن نخلي مثلا أول يوم طرابزون للراحة.
وبعدها اوزنجول 4 أيام من 22 يوليو إلى والخروج 26
وبعدها 4 أيام طرابزون من 26 يوليو والخروج يوم 30 يوليو وبعدها ع المطار لإسطنبول

خليت طرابزون 4 ايام منها يوم لإيدر نزورها من طرابزون ونرجع بدون ما نسكن هناك..

وبالنسبة للرحلة الداخلية وصولنا لمطار اتاتورك الساعة 2 الا ربع الظهر..
فيه رحلة على الخطوط التركية الساعة 5 وفيه رحلة الثانية على الخطوط التركية الساعة 5,55 ايش الأفضل؟؟


تمام الجدول كذا؟؟؟؟
بصراحة متلخبط جدا ومحتااااااااااار

وعليكم السلام
بالنسبة للرحلة الداخلية الافضل تأخذ على 5:55 اضمن واريح بال
وايدر تقدر تزورها من اوزنجول
شوف الخريطة ممكن تفيدك

ياليت ترتبولي جدول وتوزيع الأيام الوقت قرررب مرررررررررة