السلام عليكم اخواني

اول مره ازور لندن وحابه استفسر منكم كذا شغله


رحلتي باذن الله 9 ايام من غير يوم الذهاب والعوده كلها تطلع 11 يوم انا وزوجي وولدي عمره 5 سنوات

وصولي الاثنين باذن الله وخطتي اجلس بلندن الى الخميس

وباذن الله الجمعه اطلع لمنطقة البحيرات واجلس فيها الى يوم الاربعاء
وصباح الخميس ارجع للندن رحلة العودة باذن الله

استفساراتي

1- هل خطتي مناسبه علما ان زوجي يحب الطبيعه عشان كذا باطلع للبحيرات او ازيد مكان ثالث

2- ابي ترشحون لي فندق في لندن وفندق في البحيرات وابي فنادق متوسطه بس مجربينها

3- كم تتوقعون معدل الصرف اليومي للندن ل 3 اشخاص هل زي ماسمعت غاليه واغلى من دول اوروبا الثانيه

4- لو باطلع من لندن للبحيرات هل احتاج سياره نستاجرها او القطار يكفي

بانتظار ارائكم ومقترحاتكم واهم شي لاتنسون معدل الصرف التقريبي في اليوم ولكل الرحله تقريبا كم احط ميزانيه مقترحه بدون التذاكر والفنادق

شاكره تعاونكم

عليكم السلام ورحمه الله وبركاته اختي

مبارك عليج الشهر وتقبل الله صيامكم


ابشري بالخير ان شاء الله

راجع لج بعد اشوي

مرحبا اختي افيرا
بالنسبه للرد على استفساراتج

1- هل خطتي مناسبه علما ان زوجي يحب الطبيعه عشان كذا باطلع للبحيرات او ازيد مكان ثالث

مرحبا اختي نعم خطتج مناسبه وبما ان زوجج يحب الطبيعه فالخطه مناسبه زياره البحيرات وتحديدا ويندرمير
ومافي داعي تزيدين مكان ثالث لكن ممكن تخصصين يوم واحد وانتي في وندرمير وتطلعين على بلاك بول blackpool الصباح وترجعين المسا
بس المده طويله بالنسبه للبحيرات يعني بالكثير 4 ايام تناسبها
ولو نحط معاها يوم لبلاك بول بتطلع خمس ايام مناسبه
الا اذا كنتو من محبين الهدوء والبحيرات اكثر ممكن تجلسون فيها اكثر


2- ابي ترشحون لي فندق في لندن وفندق في البحيرات وابي فنادق متوسطه بس مجربينها


فندق متوسط في لندن :

# فندق ثيستل ماربل ارش

Booking.com: ظپظ†ط§ط¯ظ‚ ط«ظٹط³ظ„ ظ…ط§ط±ط¨ظ„ ط¢ط±طھط´ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©

# فندق ماينديفل

Booking.com: ظپظ†ط¯ظ‚ ط°ط§ ظ…ط§ظ†ط¯ظٹظپظٹظ„ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط*ط¯ط©


وفندق في البحيرات بالويندمير

# ماجربت ولا فندق في ويندرمير


3- كم تتوقعون معدل الصرف اليومي للندن ل 3 اشخاص هل زي ماسمعت غاليه واغلى من دول اوروبا الثانيه

اصعب سؤال

المصرف اليومي صعب الواحد يحسبه لكن لعدد 2 كبار وطفل اتوقع المعدل اليومي من 200 الى 220 باوند
من غير صرف تذاكر الدخول للفعاليات وغيرها انا اشوف هالمبلغ ادنى صرف ممكن تصرفونه


4- لو باطلع من لندن للبحيرات هل احتاج سياره نستاجرها او القطار يكفي


بالقطار اختي يكفي والمسافه مابين 3:04 الى 3:13 وتبديل قطار واحد
وفي رحلات تاخذ وقت اطول لكن حاولو تاخذون اقل الاوقات بالنسبه للمسافه




واي استفسارات اخرى حاضرين اختي

نسيت اذكر لج المسافه من البحيرات الى بلاك بول

بالقطار تقريبا ساعتين
مع تبديل قطار واحد لبعض الرحلات وبعض الرحلات الاخرى تبديل قطارين

السلام عليكم وتقبل الله منا ومنكم صالح الاعمال

والله ياخوي انا دائماً اقول ان اللي رحلتة اقل من 10 ايام لايكثر بالتنقلات المسافات بعيده والبحيرات بلحالها يبيلها 5 ساعات بالقطار الا اذا كنتم معزمين عليها فـ الله يقويكم ولاتكثرون عليها من ايامكم يكفيها يومين فقط مناسبة لعدد ايام رحلتكم كلها


يوجد اماكن طبيعة قريبة من لندن ابو نص ساعة بالقطار زي وندسور وقلعتها الجميلة وفعالياتها على فكرة اكثر من البحيرات مثل ركوب الخيل في مدارس الخيول هناك وزيارة القلعة او عندكم برايتون على البحر جميلة وقريبة من لندن كذلك لندن زوو سفاري قريبة من لندن كذلك ريتشموند بارك بجانب هيثرو وفيها الغزلان مفلاة واليفة تجيك لين محلك وانت جالس وتأكلها بيدك شي جميل ههههه


الله يوفقكم ويسعدكم وييسر امركم