السلام عليكم

وكل عام وانتم بخير

مالي بعد الله الا انتو

بعد طلوع الفيزا والحجز ولله الحمد احترت ومخي فر بين المواضيع

وصولي انا واسرتي الى باريس 25 رمضان وحجزت فندق لكن ابغى ازور سويسرا لو مدينه وحده ومنها الى المانيا وتحديدا بادن هاوزن لزيارة مريض هناك شافاه الله

معي ثلاث اطفال وكلهم تحت ال 11 سنه

وارغب في مدن طبيعه اكثر للاستجمام والهواء النقي ،، حامشي اطفالي في باريس وامتعهم ثم باقي المدن للاستجمام

شورو علي مدة رحلتي 22 يوم النزول في باريس والعوده من فرانكفورت .. المكوث في باريس 3 ايام او اقل يومين

بالنسبه للقاطارات والتنقل ؟؟

زوجي تارك لي تخطيط الرحله << الله يستر

سمعت عن قرية جريندوالد وشفت صور لها عجبتني الطبيعه فيها اعتقد انها جنب انترلاكن << احس الرحله شخمطه الله يستر ����

رتبت هذا الجدول

الوصول لباريس ٣ ايام .. ومنها لجنيف ٢ يومان .. ثم الى انترلاكن ٥ ايام ثم الى المانيا ( الى الان لا اعرف اقرب المدن الالمانيه لانترلاكن )


ايش رايكم ؟ تمام ولا اغيره !!

انتظركم

فأنتم اهل الكرم وانا استاهل

:y olks00260:

انا ما عندي خبرة بس سفرتي بنفس وقتك بكون في باريس 27 رمضان باذن الله وبجلس خمس أيام بعدها على انترلاكن خمس أيام عن طريق القطار

مدة القطار خمس ساعات ونص ماهو مباشر فيه تغيير بيكون في مدينة بازل السويسرية

اذا بتستاجرون سيارة من فرنسا وتروحون بها سويسرا بيكون اسهل بس حنا ماراح نستاجر أبو العيال مايبي يسوق فراح نتعامل مع المواصلات العامة والقطارات

قرية جريندوالد قريبة من انترلاكن بس اذا ماراح تستاجرون سيارة الأفضل السكن في انترلاكن عشان اغلب الأماكن السياحية فيها وتنطلق منها

مثل ماقلت لك انا مو خبيرة بس هذا من خلال اللي جمعته عشان سفرتي

اكيد الخبراء ماراح يقصرون معك

مخططكم ممتاز وممكن تزيدون ايام جنيف الى 4 ايام
وبعد انترلاكن ممكن تروحون فرايبورج الالمانيه في الغابات السوداء وتسكنون فيها 4 ايام او خمسة

واذا عندكم سيارة ممكن تسكنون في بادن بادن

السلام عليكم ورحمة الله

اذا كانت البلدة اسمها Badenhausen فهي تبعد عن فرانكفورت بالسيارة ثلاثة ساعات شمالا ..وعن انترلكن سبعة ساعات .

المسار على هذا الرابط :
https://www.google.com.sa/maps/dir/I...6!2d51.7690066


ما شاء الله ما قصروا الاخوان والاخوات بتخطيط الايام ..لكن ..راح يختلف شوي اذا كانت معاكم سيارة ولا راح تخلونها قطارات بس .

المسافة من انترلكن الى بادنهاوزن بعيدة ..سواءا كانت بالسيارة ولا بالقطاراات ..ولابد من كسر المسافة مثل ما تفضل العمدة بالراحة في بادن بادن يومين او ثلاثة..وكسب زيارة اليوروب بارك منها.

يعني اختصارا لما سبق:
باريس 4
جنيف 4
انترلكن 5
بادن بادن/فرايبورغ 4
بادنهاوزن 2
فرانكفورت 3

استخيروا الله وشاورو ..والله يكتب لكم اللي فيه الخير .

السلام عليكم
أنا أعيش في سويسرا إذا تحتاجي للمساعدة هنا في سويسرا أقدر اساعدك إن شالله
انا أسكن في مدينة زوريخ
مع تحياتي