مرحبا اخوي MRK

ماقصرو الاخوان الاخوات جزاهم الله خير
بالنسبه لجدولك بباريس

وقبل الجدول حبيت اوضح لك ان اقرب محطه مترو لفندقكم هي محطه Esplanade de La Défense

اليوم الاول وهو يوم 18 :


اليوم الاول طبعا مادري اي وقت وصولك
# الذهاب الى مجمع الفصول الاربعه Temps
محطه المترو للجمع هي La Défense بس محطه وحده من محطتكم
وهي اخر محطه في الخط الاصفر
والمحطه داخل المجمع مايحتاج تطلع برع

# قوس النصر والشانز
محطه المترو المترو الي ياخذكم الى هناك
قوس النصر والشانز محطه Charles de Gaulle - Étoile
ووسط الشانز محطه George V
واخر الشانز + الماركات محطه Franklin D. Roosevelt
جميعهم على نفس الخط الاصفر 1

# بعد الشانز تروح ساحه الكونكورد والمسله المصريه وحديقه تويليرس
اقرب محطه هي Concorde ايضا على نفس الخط الاصفر 1


ملاحظه :
اذا بغيت تصعد فوق قوس النصر
يفضل تشتري التذاكر من هنا
ARC DE TRIOMPHE - ARC DE TRIOMPHE à PARIS 08 - du 12/12/2014 au 31/12/2015
ومكان الدخول وهو جنب سور السفاره القطريه بتحصل درج تنزل من هناك وتمشي بالنفق الى قوس النصر


اليوم الثاني يوم 19 :

# كنيسه روتردام والحي اللاتيني
اقرب محطه لهم Saint-Michel

# برج ايفل وحديقه البرج
اقرب محطه Bir-Hakeim او Champ de Mars - Tour Eiffel

# جوله بنهر السين بالقارب
اقرب محطه هي Alma - Marceau

ملاحظه : يفضل الذهاب للجوله قبل المغرب
اذا قبلها كان الوقت كافي ممكن تروحون مجمع Le Bon Marché
اقرب محطه للمجمع Sèvres - Babylone
وبعدها تروحون للجوله النهريه


اليوم الثالث يوم 20 :

# ساحه الاوبرا
اقرب محطه لها Opéra

# متحف العطور
نفس المحطه Opéra

# غاليري لافاييت
محطه Opéra و Chaussée d'Antin - La Fayette

غاليري لافاييت خلف مبنى الاوبرا يعني ماتحتاج تروح له بالمترو ومتحف العطور قريب من الاوبرا ايضا

# اذا حبيت تزور متحف الشمع Musée Grévin بباريس وقريب من الاوبرا
اقرب محطه له Richelieu - Drouot

# هضبه مونمارت Montmartre
اقرب محطه هي Anvers

اليوم الرابع يوم 21 :

# الذهاب الى دزني لاند
ماعرف شنو الوسيله الي تفضلها لكن الافضل والارخص وبما انكم راجعين باريس مره ثانيه وبنفس الفندق
تتركون اغراضكم بالفندق في الاستور وتاخذون معاكم اغراض فقط تكفيكم ليومين حتى لو كانت شنطه واحده فقط
والذهاب بالمترو

وطريقه الذهاب
من فندق تروحون محطه ايسبلندا وتاخذون الخط الاصفر رقم 1
وتنزلون في محطه شارل ديغول اتوال
ومن هالمحطه تاخذون الرير الاحمر
وبما انك بفندق الماريوت يفضل تنزل في محطه Val d'Europe وهي محطه الاوت لت والمجمع اشوفها افضل عن الزحمه واسرع
او تنزل في المحطه الاخيره وهي محطه Marne-la-Vallée - Chessy وهي محطه الملاهي

العوده الى باريس

اليوم الاول من بعد دزني وهو يوم 23 :

طبعا الوصول والراحه بالفندق وبعدها ممكن تروحون غابات بولونيا
اقرب محطات للغابه
محطه Porte Maillot للدخول من جهه الالعاب وحديقه الحيوانات المنزليه
محطه Porte Dauphine و Avenue Foch الدخول للغابه والبحيره
محطه Avenue Henri Martin الدخول من جهه البحيره

او الذهاب الى الشانز مره اخرى او الذهاب الى مجمع Temps

اليوم الثاني يوم 24 :

الذهاب الى قصر فرساي
طريقه الذهاب من فندقكم تروحون المحطه القريبه من الفندق ايسبلندا وتاخذون الخط الاصفر1
وتنزلون في محطه Porte Maillot
وتاخذون الرير الاصفر وتنزلون في محطه قصر فرساي Versailles - Château - Rive-Gauche
وفي طريق العوده لاترجعون على نفس الخط
تاخذون نفس الرير C
ووتجهون الى محطه Champ de Mars - Tour Eiffel
وتنزلون جنب برج ايفل وتتمشون هناك

او بدل قصر فرساي تروحون متحف اللوفر وهو خلف حديق تويليرس
اقرب محطه له Louvre - Rivoli

مادري يوم سفرك من باريس بتاريخ 25 الى سويسرا
او بتكون في باريس يوم 25 والسفر الى 26
اذا كنت جالس في باريس يوم 25 خبرني عشان اضيف لك اشوي
وممكن تخلي يوم 24 لقصر فرساي
ويوم 25 لمتحف اللوفر

يفتح قصر فرساي كل يوم ماعدا الاثنين
من الساعه من 9 الصبح الى 6 ونص المسا
بس شباك التذاكر يسكر الساعه 6 الا عشر
وماري انطوانيت يفتح من الساعه 12 الظهر الى 6 ونص المسا

وحديقه القصر من الساعه 8 الصبح الى 8 ونص المسا
والمنتزه خارج القصر تفتح من الساعه 7 الصبح الى 8 المسا

هذا الجدول اذا عندك ملاحظات ممكن تخبرني عنها ونرتبها لك ان شاء الله
او اتفضل اشياء اخرى اكثر سواء منتزهات او متاحف تسوق عشان اعدل واضيف لك


بالتوفيق ان شاء الله