السلام عليكم ورحمة الله
اخواني انا حجزت بفندق Blakemore Hyde Park Hotel
الان اريد اعرف افضل موقف للباص ورقمه الذي من خلاله اذهب ل ادجور رود
وبعض الاماكن السياحية ممكن اعرف الارقام وكذلك العودة
وايضا الاندر جراوند
جزاكم الله كل خير

عليكم السلام ورحمة الله وبركاته

فندق بلاكيمور اعتقد في البيسووتر هذه اقرب محطة اندرقراوند له او لانكستر غيت وتكمل مشي للفندق وشارع العرب والهايدبارك مشي ماتحتاج باص وان حبيت تركب الباص عندك باص 70 - 94 - 148 - 390

بارك الله فيك وبميران حسناتك

كيف الجو في لندن شهر يوليو واغسطس
الليل والنهار يحتاج لبس ثقيل

هل يتم التوقيع على الفيزا بعد طباعتها
وكيف بالنسبة للاطفال في حال الجواب بنعم

جزاك الله كل خير
وعذرا دائمآ انسى بوابة التاشيرات

بالنسبه للباص
دايما تلاقي الخريطه موجوده على زجاج المحطه
شوف اسم المنطقه ويكتب عليها ارقام الباصات البي توصل
وتلاحظ في عمود عليه ارقام هذه الارقام للباصات اللي بتوقف هنا
واذا ما حصلت رقم باصك روح للمحطه اللي وراها ما يبعدون كثير عن بعض

وتقدر تسأل راعي الباص الي يوقف يدليك اذا كان هالباص يوصلك والا يعطيك رقم الباص المناسب

اذا كنت تقصد التأشيرة فلا يتم التوقيع عليها التوقيع يكون في الجواز نفسة بخانة التوقيع ثاني صفحة وليس على نفس التأشيره انتبه تكتب عليها شي

الجو غالبا معتدل وقد يصادف ايام حر في النهار لكن في الليل الجو ربيعي وجميل ومايحتاج لابس ثقيلة فقط جاكيت خفيف لو صادفك برد شوي