السلام عليكم ورحمة الله وبركاته
يقولون النية مطية ...
ونوينا بحول الله وتوفيقه نخت لدبي بصحبة ام عبدالله +الابناء ( طبعا الابناء حتى سيبويه مايقدر يصرفهم في السفر ) وماعندهم رجلنا على رجلك لا هم يقولون رجلنا قبل رجلك

الخبراء ماقصروا في وصف الطريق البري لدولة الامارات في موضوع سابق وفي هذا الموضوع ابي استفسر عن بعض الشغلات
سبق سافرنا كم مرة لدبي ورحنا لكثير من الفعاليات والاماكن ( القرية العالمية التي لاتمل ،سكاي دبي ،المقهى الثلجي شفناه من برا ، دبي مول ،اوت ليت دبي ، جزيرة نخله (سكنا باوشيانا) ، سوق جميرا )
بس نبي نعرف الاشياء الجديدة السنة هذي اذا فيه +مع الاحداثيات ان حصل
يعني حنا بنروح بتاريخ 16/1/2014 وبنجلس اسبوع ان شاء الله ايضا ابي اعرف مكان :
- محاكي الطيران وين فيه بالضبط .
- بطاقة سالك من وين اخذها قبل دبي او في دبي وهل انا الزقها وكيف وهل لها مكان محدد على القزاز؟ او اللي اشتريها منه يركبها او مااخذها لاني حاط في القارمن تجنب بوابات الدفع (بالعادة استاجر سيارة من المطار وعليها الملصق)
-مكاتب الاتصالات اذا بغيت شريحة انترنت في المولات زحمه هل فيه مكان صاد وسريع