اليوم السادس


اليوم الأخير في واشنطن و هو يوم روحتنا لأورلاندو




زهبنا كل شغلنا و سوينا Check Out الصبح و خلينا جناطنا بالفندق
و اليوم اللي قبله كنت مسوية Check In أونلاين حق رحلتنا اختصار للوقت

طيارتنا @10 بالليل و الساعة 6 بنروح المطار
عندنا وقت طويل من الصبح لي العصر
قررنا نروح تايسون كورنر و العصر نرجع الفندق ناخذ أغراضنا و نروح المطار


الغدا









ستاربكس تايسون 2 ما شاء الله جني (كأني) قاعدة بدولة خليجية
كله طلبة خليجيين





الساعة 5 طلعنا من المجمع
المسافة لي الفندق ربع ساعة إلى ثلث ساعة
بس بهاليوم حاشتنا زحمة مو طبيعية الشارع وااااقف ما يمشي طلعة دوامات
بس الحمدلله وصلنا الفندق قبل 6
و 6 طلعنا من الفندق رايحين المطار و الشارع كان سالك خلصت الزحمة
و قبل 7 وصلنا المطار




رحنا نطبع الـ Boarding و ندخل الجناط






ناطرين ينادون رحلتنا






طيارتنا




ركبنا الطيارة

رايي بواشنطن

واشنطن حلوة و تستاهل الزيارة و فيها أماكن حلوة
بس ما يبي لها أكثر من 5 أيام أو أسبوع
أقوى سوق رحت له فيها تايسون 1-2


فيه أماكن ما رحت لها و هي
National Harbor
The Washington Harbor
Six Flags كانت مسكرة بالشتا

فيها آوتلت قريب من National Harbor
اسمه Tanger Outlet
بس التاكسي ما مدح لنا إياه و ما أعرف أحد شخصيا راح له فما رحنا

و إذا كنتوا مأجرين سيارة تقدرون تروحون هيرشي ببنسلفينيا Hershey, PA
تبعد عن واشنطن بالسيارة من ساعتين إلى ثلاث ساعات

و نصيحة للي بيستخدم التاكسي بتنقلاته يخزن الأماكن اللي يبيها عنده احتياط
أكثر من مرة صادفنا تكاسي ما يعرفون الأماكن فكنا نوريهم اللوكيشن

و عن الفلوس مكاين السحب بأمريكا ماكسمم تسحب 300 - 400 دولار بالسحبة الوحدة
و البنك اللي فيه حسابي إذا سحبت أكثر من سحبتين باليوم يقفل الكرت ما أدري إذا كل البنوك جذي وإلا لا
خلوا معاكم مبلغ يكفيكم أول الأيام عالأقل

فصلت قد ما أقدر للفائدة فإذا فيه شي ما ذكرته أتمنى تنبهوني عليه عشان أعدله و أكتبه ببارت أورلاندو
أسعار التكاسي للأسف ناسيتهم بس طبعا اهما الخيار الأغلى و أوفر شي تأجير سيارة
أما المترو فكان سعره بين 1.70 إلى 3.50 دولار
يختلف على حسب المحطة اللي بتروحون لها


جذي أكون خلصت من واشنطن أشوفكم المشاركة الياية بأورلاندو