Washington DC & Orlando By Reem - January 2015

Reem Kw · 28-06-2015, 12:33 AM

العرب المسافرون

بوابة السفر الى الولايات المتحدة الأمريكية U.S.A

بسم الله الرحمن الرحيم

السلام عليكم و رحمة الله و بركاته،

هذي أول مرة أكتب فيها تقرير رداً لجميل هذا المنتدى و أعضاءه اللي استفدت منهم بكل سفراتي و إن شاء الله أوفّق في كتابته ..

مخطط الرحلة:

واشنطن دي سي ٥ أيام
أورلاندو ١٥ يوم

الذهاب: الكويت - واشنطن
31-12-2014 @12:55 صباحاً
الوصول 6:35 صباحاً

طيران داخلي: واشنطن - أورلاندو
5-1-2015 @10:09 مساءً
الوصول 12 صباحاً

العودة: أورلاندو - الكويت
21-1-2015 @1:49 مساءً
ترانزيت 6 ساعات بمطار واشنطن و الوصول ثاني يوم @6 مساءً

عدد الأشخاص:

4 كبار

الطيران:

بعد البحث لمدة طويلة كان أرخص طيران هو الطيران السعودي بس عيب الرحلة إنه ترانزيتها طويل 7 ساعات من الليل لي الصبح
طيران يونايتد كان الخيار الأنسب لنا بما إنه دايركت و سعره مناسب
سعر التذكرة 320 دينار مع الطيران الداخلي
تم الحجز عن طريق موقع طيران يونايتد قبل السفرة بـ 5 شهور

* قبل لا أحجز كنت أدور رحلات الطيران الدولي بروح و الطيران الداخلي بروح
سعر تذكرة الطيران الدولي 320 و الطيران الداخلي 60 يعني المجموع 380!
بعدها اخترت multi-destination و طلع علي كله 320

السكن:

واشنطن:

Residence Inn Capital View Arlington
2 ستديو لثلاثة أشخاص
سعر الليلة للغرفة الوحدة 27 دينار (89 دولار)
الإجمالي لـ 5 ليالي للغرفة الوحدة 135 دينار (446 دولار)

أورلاندو:

Vista Cay by Millenium
شقة من غرفتين و صالة و مطبخ
سعر الليلة 55 دينار (182 دولار)
الإجمالي لـ 16 ليلة 882 دينار (2،919 دولار)
* كان فيه عرض على أسعار الشقق إذا كانت الفترة أسبوعين أو أكثر

الطقس:

واشنطن:
الجو بارد جدا بين 11 و -3 و أحيانا يطق مطر خفيف و آخر يوم كان snow

أورلاندو:
درجة الحرارة بين 10 و 25
بالنهار الجو حلو بس بالليل يبرد الجو
و فيه يوم كان برد حيل درجة الحرارة بالنهار 4
و جم يوم مطر قوي

السيارة:

أجرنا سيارة Ford Edge

من موقع AVIS و استلمناها بمطار أورلاندو

من تاريخ 6-1 إلى 21-1
السعر 288 دينار (954 دولار)

Reem Kw · 28-06-2015, 12:49 AM

من مطار الكويت

كان فيه كاونتر قبل الـ check in عنده قائمة بأسماء اللي على هالرحلة
سألنا رايحين أمريكا من قبل؟
شنو سبب الزيارة؟
وين بتروحون؟
شكثر المدة؟
تعرفون أحد هناك؟

و بعدها رحنا نسوي الـ check in

سألنا وين بتسكنون أول ليلة؟
و خذا عنوان الفندق

خلصنا من لوية الـ check in و دخلنا عند البوابات

ناطرين البوابة تفتح

دخلنا البوابة و فتشونا و كانوا متشددين بالتفتيش

خلصنا و ركبنا الطيارة

نودع الكويت

وزعوا علينا العشا

وجبة خفيفة بنص الطريج

تقضية الوقت

Fun run

الريوق

قبل لا نوصل بشوي وزعوا علينا كرت الجمارك

كان معانا أكثر من المبلغ المسموح فيه بس ما كتبنا و ما دققوا كلش

قربنا نوصل

وصلنا بالسلامة
الجو بارد درجة الحرارة -2

كان المطار فاضي ماكو إلا جم عايلة

سألونا جم معاكم فلوس؟
وين بتسكنون؟
شنو سبب الزيارة؟
أول مرة؟
تعرفون أحد بأمريكا؟
شكثر بتقعدون بكل منطقة؟
شنو علاقتكم ببعض؟ << يبين نفس الأسامي مادري شهالسؤال
معاكم أكل؟
قلنا لهم معانا ككاو حق الطيارة و بس مشونا ما قالوا شي ولا شافوا الجناط ولا جيكوا على الفلوس
كان سهالات بسرعة خلصنا

أكمل المشاركة الياية بأول يوم من واشنطن ..

BoAziz2001 · 28-06-2015, 12:04 PM

حمدالله على سلامتكم
شكله بيكون خوش تقرير
متابعين للاخر

بس ليش ما كنتوا صريحين بخصوص الفلوس !!؟ لو تشيكوا بتتمشكلون معاهم من غير داعى

Reem Kw · 28-06-2015, 05:52 PM

اقتباس : المشاركة الأصلية كتبت بواسطة BoAziz2001

حمدالله على سلامتكم
شكله بيكون خوش تقرير
متابعين للاخر

بس ليش ما كنتوا صريحين بخصوص الفلوس !!؟ لو تشيكوا بتتمشكلون معاهم من غير داعى

الله يسلمك ..

كان أكثر بشوي مو مبلغ وايد كبير
و ولا مرة جيكوا على فلوسنا فما حطينا

مقدام · 28-06-2015, 07:32 PM

بداية رائعه للتقرير
والاسئله هذي دايما يسئلونها في المطار

وبانتظار باقي التقرير

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

كواريزما · 28-06-2015, 08:10 PM

الحمدالله على السلامة

بانتظار الجزء القادم

oceanus · 28-06-2015, 08:13 PM

نورينا الله ينور عليك

احب التفاصيل كثير

معم متابع بشغف

albarood · 28-06-2015, 08:29 PM

عندما ذهبت الى الولايات المتحدة لم اواجه اسالة وقت التشك ان في المطار. حتى في مطار دبي كان نقطة التوقف لي فقط تشيكوا على الفيزا وخلاص.
اما من ناحية المبلغ فضحك علي. كم معاك وخبرته 2500 طبعا بالانجليزي قالي 10500 آلاف!
خبرته من يجيب 10500 علشان يتورط معاكم واضحك معاه

Reem Kw · 02-07-2015, 06:33 PM

مقدام
كواريزما
oceanus
albarood
شارلوك هولمز
المقنع22

شكرا لكم على مروركم الكريم و تشجيعكم .. و إن شاء الله يكون التقرير عند حسن ظنكم

اقتباس : المشاركة الأصلية كتبت بواسطة albarood

عندما ذهبت الى الولايات المتحدة لم اواجه اسالة وقت التشك ان في المطار. حتى في مطار دبي كان نقطة التوقف لي فقط تشيكوا على الفيزا وخلاص.
اما من ناحية المبلغ فضحك علي. كم معاك وخبرته 2500 طبعا بالانجليزي قالي 10500 آلاف!
خبرته من يجيب 10500 علشان يتورط معاكم واضحك معاه

هذا اللي المفروض يصير ..
إحنا أربعتنا كبار و كل واحد فلوسه معاه
و اهم يبون مجموع فلوسنا كلنا كانت يمكن 11000 أو أكثر بشوي
أول مرة يصير معانا إنه نتعدى المبلغ المسموح بس عدى الحمدلله

Reem Kw · 03-07-2015, 12:31 AM

واشنطن دي سي

اليوم الأول

خلصنا من مطار واشنطن و بنروح الفندق
ما أجرنا سيارة بحكم الجو وقتها
الأيام اللي قبل لا نوصل كان كله ثلج
كانت تنقلاتنا بالتاكسي و المترو

خذينا تاكسي من المطار لي الفندق

وصلنا الفندق

الغرفة من داخل

غرفة الغسيل

حطينا أغراضنا بالغرفة و نزلنا نتريق

ريوق الفندق جدا متواضع

فيه Shuttle من الفندق يودي على أقرب محطة مترو كل ربع ساعة
اسم المحطة Crystal City

رحنا مجمع قريب منا اسمه Fashion Centre at Pentagon City
عن طريق محطة Pentagon City اللي كان لها مدخل عالمجمع

للأسف ما صورته و هذي صور له من النت

رحنا T-Mobile و خذينا 4 خطوط كل واحد بـ 100 دولار
مع خدمة إنترنت و مكالمات مجانية داخل أمريكا

و بعدها رحنا تغدينا بـ Johny Rockets

رايي بالمجمع حيل عادي و قديم

هذا موقع المجمع
Fashion Centre at Pentagon City - A Shopping Center In Arlington, VA 22202-4907 - A Simon Property

طلعنا من المجمع و رادين الفندق

و وصلنا محطتنا

صارت الساعة 5 و بدت تظلم الدنيا
و ماكو ولا أحد بالشارع هدوووء

وصلنا الفندق و حدنا دايخين
أول جم يوم Jetlag
ننام 7 بالليل و نقوم 4 الفير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المدينه الساحره للكبار والصغار ORLANDO - اورلاندوا	alaaksa	بوابة امريكا	19	24-06-2018 11:21 AM