السلام عليكم ورحمة الله وبركاته
والصلاة والسلام على اشرف الخلق نبينا محمد وعلى اله وصحبه اجمعين اما بعد
في البداية اسمحولي اني اكون فرد من هالعائلة الطيبة الكريمه ولي الشرف والله ان اكون بينكم واسأل الله لي ولكم المنفعه بسم الله وعلى بركة الله اخواني الأعزاء انا بتاريخ 08/03/2015 بأذن الله متوجه لتركيا وحجزت على الطيرن التركي بيقاوس من البحرين بس راح انزل على مطار صبيحة وابي شوركم ونصيحتكم في بعض الأمور وتحملوني شوي الله يكتب لكم الأجر والثواب يارب وراح اكثر بالأسئلة شوي لانها اول سفرة لي لتركيا طبعاً السفرة راح تكون لمدة عشر ايام (6)ايام في اسطنبول و(4) ايام في الشمال التركي ولذلك عندي عدة استفسارات ودي اطرحها لكم ياليت القى لها جواب
1/افضل وسيلة نقل من مطار صبيحة الى منطقة السلطان او تقسيم .
موجود باصات هافاش تنقلك لتقسيم من مطار صبيحه او تاكسي واحرص ان يكون من الليموزينات الي تابعه للمطار بيكون مكتوب عليها تاكسي المطار غالبا ماعندهم تلاعب
2/ ابي جدول سياحي لمدة (6) ايام للعاصمة اسطنبول وطريقة التنقل في المترو واي مترو استخدم للذهاب الى الأماكن السياحية لاني عجزت افهم للخريطة وجدول سياحي لمدة (4) ايام في الشمال التركي
بالنسبه لاسطنبول يفضل انك تحمل خريطه المترو عشان تسهل عليك التنقلات
يوم يكون لمنطقه السلطان احمد الجامع الازرق وايا صوفيا وقصر التوب كابي وممكن تمر السوق المسقوف لانه قريب منها
ويوم تطلع لجزيره الاميرات من ميناء كبتاش واذا رجعت تنزل لتقسيم وتكمل طريقك الى برج غلطه وممكن تركب المترو وتنزل في مول كانيون
ويوم تروح لامينونو وتزور السوق المصري و تتجول بأمينونو وتركب لميناء اسكودار وتروح لتله العرائس
ويوم تطلع لمنطقه ايوب تطلع بالتلفريك لمقهى بيرلوتي وتاخذ جوله بمنطقه ايوب ثم تطلع على فيالاند
وطبعا ماتنسى اورتاكوي لايكفيها يوم بالنسبه لي لجمالها تروح وتتمتع بجلسات المقاهي المطله عالبسفور وتاخذ جوله بالمضيق طبعا يفضل انك تروح لها قبل المغرب عشان تتمتع بالغروب
وممكن يوم تروح تاخذ جوله بالقسم الاسيوي حديقه الفاتح وشارع بغداد
وبالنسبه لطرابزون واريافها بحكم بروده الطقس بشهر مارس من رأيي ان اقامتك تكون بطرابزون وتروح كل يوم لمكان مره اوزنجول ومره ايدر وريزا وهكذا
3/ كيف الأجواء في الشمال التركي وهل يمكن الأستمتاع بالمسطحات الخضراء بحكم ان الوقت اللي بروح فيه فيه ثلوج

4/ هل السياقة فيها خطورة في الشمال التركي بحكم الأجواء لاني راح استأجر سيارة من مطار طرابزون
5/ هل تنصحوني بالسكن في اكشبات لاني شفت منتجع سعره حلو وموقعه ممتاز عن طريق بوكنق وهذا اسمه Akcatepe Dag Evleri
هذا اللي يحضرني من الأستفسارت الحين وان ذكرت شي بزودكم فيه فا تحملوني شوي حفظكم الله
هذا ولكم مني جزيل الشكر