باذن الله ودي في الاسكندريه او او او اي حته في مصر لكن الزحمه ماترحم واللي معاي موراضين اروح ويتعذرون الزحمه بس خاطري اجرب الرمضان في مصر ام الدنيا المهم انتظر رحله لك قريب يا غرداوي

نتابع التقرير ونكمله في احداث وتعب السفره اللي بعدها ماصارت كانت بدايتها احداث بأحداث
شي خيال وربي اول مره تصيرلي هالاحداث من انوي ع سفر

ومن ثم نقول الحمدلله بعد الطعام يا اعيال ويا كبار

قلبي نقزني ياعالم انه في شي شي شي شي

شنو عاد مادري مادري مادري
وسبحان الله بعد ماعرفت قلت خيره من قال كل تأخيره وفيها خيره
سبحان الله ياناس وياعالم ارجع اقول الصدقه الصدقه الصدقه
تصدقو عن نفسكم وبيتكم واحبابكم ووووو ترحالكم وكل شيء

الفرخه كانت بالسياره عند نزولي للشراء الحلويات من هيل وزعفران
ومن بعد ماخلصت شراء والتحريك قالت بقولج شي بس مو اللحين من تمشين قلت شنو في قولي انا قلت بدوخ راسي وتوريني سنابات اللي ميننتني فيهم اهي تابع ولازم انا اتابع معاها يارب شهالبلاء والقهر ( سوووق مكياج سفر اكل هدايا حب عشق زعل ضيم صخام )

المهم قالتلي في ياهل بعمر١٠ سنوات ضرب طق الدريشه وقالها مح...... المهم تقول كسر خاطري وطلعت من جنطتج فلوس وعطيته
قتلها عليه بالعافيه صدقه عنا وعني وعن اهلي وكملت الطريق

بعد ما عرفت شنو وراااااء النقزه يييييت مباشره ع بالي الصدقه اللي بنت ١٢ سنه تصدقتها قلت ياسبحان الله يارب لك الحمد والشكر

المهم رحت عند قسم وزارة العدل في المطار قلت بله يا اخ شوف علي منع ضبط شي خو انا لاداعوشيه ولا ارهابيه ولا عندي شيكات او كميالات من دون رصيد ولاشي بس طق لك فره ع رقمي المدني وشوف يرحم امك

وهلا هلا ومرحبتين من قال يا فلانه قلت هلا اشوي واقول لبيييييه بس حامض ع بوزه المهم عليج منع سفر يا للهول ضحكت من قال المنع من شنو وليش المهم هذي سالفة لها سنه وانا كنت معانده بالدفع هيييك مو انه ماعندي فلوس لا لأني ما اخذت نتيجه مرضيه

المهم قلت يخسى الجوع ويخسى الذيب اللي مايخليني اسافر
اسحب يارجال وهاذي بطاقة البنك اسحب والاباذنك مايه
طبعا المبلغ وقدره كان ١٣٥٠ دينار كويتي سحب والحمدلله بدقايق ياعالم ان شال وانتهى موضوع المنع يا للتطور باقي بس الحريم اليوم تحمل اسبوع تولد كل شي تطور يا الهي حتى العين الصغيره صارت كبيره والبطة صارت غزال والبيضه صارت حمرا والحنطاًويه صارت بيضاء اللون تسألهم شمسوين قالولوك تتتبيعي اقصد طبيعي عاد بقلبي اقول طبيعي بعييييينكم

المهم قال متى سفرتج قلت الساعه ١:١٠ الظهر يوم ٣٠/٥/٢٠١٥

قلت كفيت ووفيت يعطيك العافيه عاد مادري من جيبه دافع اقول كفيت وفيت المهم الكلمه الحلوه صدقه بعد بس بحدود الاحترااام

المهم صار الفجر والتعب انهكني والنعاس يداعب عيناي اخذ شلالي وقلت يا الحب يا سيارتي ع درب المسيب سيبوني ودني ع بيتي فيني النوم ( ترى مانمت ) لي وقت السفر

المهم رحت العب بالانستا وتويتر واخذني الوقت لي الساعه ١٠:٣٠

بدلت انا والفرخه وكنت قبلها ب٣ ساعات حجزت من وصلت البيت

الحجز كويت بحرين. ذهاب فقط ٧٨ ديناركويتي لشخصين بالغين

بدلنا وشلنا قشنا وركبنا الحب السياره وع المطار يا نفيجيشن

خلصنا اجراءات الختم وقطع التذاكر سريع ماشاءلله

الرحله الساعه ١:٣٠ ظهراا والوصول ٢:٤٠ ظهرا
طيران الجزيره وان واي ذهاب فقط ١+١

ما اقولكم شنو شريت من مطار الكويت حرررررررره

هذا نص الخساير وانابعدي ماطرت وحلقت بسماء الكويت لي البحرين

ياحبي للسوق او محلات تبيع كل شي هههههه وياشين النفس اذا اشتهت شي وتحدك تشتريه غصب طيب ماتفكر وتقول وراك سفرات بعد

طبعا تساهيل من رب العالمين رجال الاعمال تم قطع البوردينغ والختم والمرور ابتعادا عن الزحام بعد ما اخذت ورقة العدل ودخلتها ع الداخليه عشان ينتهي اجراء اخر خطوه للمنع والحمدلله
طبعا ماتدرون اني للحين ماحجزت فندق
المهم ركبت الطياره وتأخرت ع حجز الفندق والسبب لازم انزل صوره بالمنتدى اطمن العالم واقول اني مسافره وتضبيط صور وكذا حركات المهم ما احب احد يفقدني ههه يا عيارهتغيبين وماحد يدري عن ارضك ومكانك وش علومك بكيفك تبين تعلمين وبكيفك لا

حجزت فندق وانا بالطياره واهي باول مرحله الطيران يعني بعدها الوصلة مالت الانترنت فيها روح
وكان اختيالي ليلتين فندق ايبس العائلي الجديد في البحرين
حبيت اجربه من بعد ماجربت الفندق نفسه في كذا مكان

وخليت باقي الايام اشوف لي فندق اخر كالمعتاد ما احب اجلس بفندق واحد
وحسابي غرفه سوبر لشخصين مع الافطار ٥٧ دينار كويتي
موقع الحب بوكيينغ. ( فندق ايبيس )

هذا الفندق وصورت لكم موقعه وقربه للمجمع النايم والهادي اللي لاصق في الفندق

http://www.booking.com/hotel/bh/ibis...manama.ar.html

تابعي يا حلووو البحرين
زين فجيتي منع السفر بس وايد لا تكررينها
المهم چنه في صورة تكسي الامارات ،،، والا نفسه تكسي البحرين ؟؟

حرام عليكي اللي بتعمليه فينا ده يا ليمونه
أولا فك طلاسم الكلام متعب جدا هههههههه
ثانيا كل الحكايه دي وأنا فاكرك في البحرين وطلع في الآخر أنتي رجعتي للكويت تاني ولا كنتي لسه ما سافرتيش أصلا ههههههه
الحمد لله أن الأمور مرت سلامات والمنع إنتهى وشعور صعب لما يكون الشخص عنده منع سفر
خصوصا لو هو من محبين السفر بكثره
حمدا لله على سلامتك للبحرين وياريت ما يكونش الجزء القادم في الكويت برضو قبل السفر ههه

ههههههه يامفتري انا كتبت البدايه عشان بس اقولكم انه النيه كانت خفيفه ومن صارت جد تعبت وتنرفزت ولازم تشاركوني بالاحداث اول باول ياغرداوي

ماشاء الله تبارك الله راعية واجب ماقصرتي جزاك الله خير و التقرير رائع جداً

ابو حميد تصدق مثلك عجزت افك الطلاسم



قهوة تقول عصير تفااااااااااح

احداث ومغامرات اكشن

تلعوزتي والحمدلله مشي الحال

معاك ياليمونه داعشيه