ليمونه حزينه بين احضان البحرين تتجول 🌺 - الصفحة 4

ليمونه حزينه · 29-06-2015, 10:57 PM

اقتباس : المشاركة الأصلية كتبت بواسطة ابو عمر _ JDH

ماشاء الله تبارك الله راعية واجب ماقصرتي جزاك الله خير و التقرير رائع جداً

ابو حميد تصدق مثلك عجزت افك الطلاسم

قهوة تقول عصير تفااااااااااح

والله يا ابوعمر انا بالغصب شربتها من الفشله اردها هذي يعني قهوه عربيه ضيفوني ناس واستغربت انها جذي تكون وخفيفه بس الاهم انها نكهة قهوه عربيه [emoji24]

ليمونه حزينه · 29-06-2015, 10:57 PM

اقتباس : المشاركة الأصلية كتبت بواسطة الغردقاوي

ههههههههه لكن شوفتي عشان النيه كانت حلوه الأمور تسهلت إزاي
مشاركينك الأحداث يا ليمونه فأكملي التقرير وخشي على الفرح والشغل التمام
عايزين ننبسط في سهرة تقريريه رمضانيه

حاضرين بس خل اخلص من السهره اللي عندي وبعدين اكمل التقرير
واهم شي ع نياتكم ترزقون احم احم وانا نيتي صافيه زي اللبن اب

ليمونه حزينه · 29-06-2015, 11:00 PM

اقتباس : المشاركة الأصلية كتبت بواسطة MOBARKI

احداث ومغامرات اكشن

تلعوزتي والحمدلله مشي الحال

معاك ياليمونه داعشيه

مباركي ليش داعشيه صل ع النبي الاحداث توها فرش لاتخلي الناس تشك فيني وانا بريئه وانا بحماية الوطن وفداهم عمري وروحي
اي والله تلعوزت بس افا عليك ليمونه سبايدر ومن

A.Alsubhi · 29-06-2015, 11:11 PM

ليمونة يالله ريحة ابو علي ولا عدمه

ليمونه حزينه · 30-06-2015, 12:09 AM

اقتباس : المشاركة الأصلية كتبت بواسطة ابو عمر _ JDH

ليمونة يالله ريحة ابو علي ولا عدمه

هههه والله غصب شربتها خفيفه مالها طعم يقولون اهم جذي يسونها

السفيرة *ب* · 30-06-2015, 12:35 AM

ما شاء الله عليك صاحبة واجب أختي الغالية ليمونه حزينه

تقرير رائع وتفاصيل أروع

الحمدلله على السلامة وننتظر باقي التقرير وتفاصيل حفل الزواج

والله يقدر منك ويستاهلون أهل البحرين الطيبين العنوة

وإن شاء الله بشهر أغسطس أروح البحرين أحضر عرس

وألف مبروك الزواج

اللهم بارك لهما وبارك عليهما واجمع بينهما في خير

واغنهما بحلالك عن حرامك وهب لهما الذرية الصالحة

ودمت بحفظ الرحمن ورعايته

ليمونه حزينه · 30-06-2015, 08:34 AM

اقتباس : المشاركة الأصلية كتبت بواسطة السفيرة *ب*

ما شاء الله عليك صاحبة واجب أختي الغالية ليمونه حزينه

تقرير رائع وتفاصيل أروع

الحمدلله على السلامة وننتظر باقي التقرير وتفاصيل حفل الزواج

والله يقدر منك ويستاهلون أهل البحرين الطيبين العنوة

وإن شاء الله بشهر أغسطس أروح البحرين أحضر عرس

وألف مبروك الزواج

اللهم بارك لهما وبارك عليهما واجمع بينهما في خير

واغنهما بحلالك عن حرامك وهب لهما الذرية الصالحة

ودمت بحفظ الرحمن ورعايته

تسلمين اختي السفيره وفعلا يستاهلون العنوه واتمنى لج روحه ممتعه للبحرين وانتظري القادم ان شاءلله اشكر متابعتج ودعواتي لج بالسعاده

Bu Rashid · 30-06-2015, 08:42 AM

حياج الله أختي ليمونه حزينه في البحرين

ونورت البحرين بوجود أهل الكويت عندنا

وألف مبروك زواج صديقتج والله يبارك لهما

ليمونه حزينه · 30-06-2015, 10:00 AM

الله حييك يا بو راشد ويسلمك ويسلم اهل البحرين ومنوره الديره باهلها والله ويباركلك واشكر متابعتك

ليمونه حزينه · 01-07-2015, 01:15 AM

ونكمل التقرير ويومياته مع ليمونه حزينه

موقع الحب بوكيينغ. ( فندق ايبيس )

**** فندق للأمانه جميل وممتاز للعوائل يعني من دون تردد احجز وانت مطمئن بعيد عن البارات والدسكوات والشباب الصيع والازعاج ،،، هذا مايبحث عنه رب الاسره لعائلته وحتى الناس المحترمه ،،
فندق جديد له ٤ شهور فاتح اثاث راقي غرف مناسبه حماماتهم عزكم الله ممتازه الاستقبال خدوم وبشوش ومتعاون هدوء
قريب من سيتي سنتر و مول الدانه ومايبعد عن السيف الا ٥ دقايق سياره طبعا..

المصروفات:

١٣٥٠+٥ + ٧٨ + ٤٤ ؟ +٥٣

توصيل المطار لي الفندق ١٠ دينار بحريني ،، تاكسي الفندق لي مجمع كونتري مول ٥ دنانير بحريني ،،، كوستا٥،٦٠٠ بحريني
تاكسي من كونتري لصالة الافراح في البديع ٥ بحريني ،،، ومن البديع لي مطعم الترويئه ٥ بحريني ،،،، العشاء ١٠،٨٠٠ بحريني ،،، تاكسي من المطعم لي الفندق ٦ بحريني ،،،

هذي مصاريفي لليوم الاول طبعا حالف علي بوطاهر صاحب التاكسي ماياخذ الا ٥ دنانيير مادري شقصته مع ٥ دنانيير هه كل مكان ٥ دنانيير بس عليه بالعافيه انا ارتحت له ورجال كبير وقلت زين لله طيحني برجال كبير ومحترم ويخاف الله فينا واخذت رقمه وبلشت عاد كل اشوي ادزله وتس اب يامعيد عيد الرزق ع الله عليه بالعافيه واقوله يالله تعال اخذنا للمكان الفلاني وخدوم وسريع الاستجابه ومحترم راح تكون سفرتي معاه ان شاءلله مالي خلق ادور تاكسي او اطيح بهندي مايفهم وما افهمه وينصب علي او غشيم او دبل املا لو ڤـِكس ...

الساعه ٥ العصر مادري المغرب لا لا العصر الشمس للحين تقتل ماكان فيني حيل وقوه اني استمر صاحيه صارت العين تعورني ظهري جسمي كله مرهق ومتعب فـ نمت ووقت تلفوني ع ٧:١٠ يصحيني واللحمدلله صحيت بالتوقيت ماشاءلله علي لو عندي دوام ولا موعد لشيء ما جان بعد المنبه بعشرين ساعه اصحى ..
فيفا اشتراك انترنت ٥ و٣ مرتين الصبح واحد قيقا خلصت بسرعه فرديت اشتركت ب ٥
انا روحتي للبحرين يا ناس يامتابعين كانت لحضور العرس ولله الحمد رحت ع الساعه٩:٣٠ مادري١٠ وجلست لي١٢:٣٠ غصب خلوني اطلع اعراسهم اهل البحرين حلوه وبسيطه وجميله وناس بشوشه وطيبه وراقيه واخلاق شعب حبيب وطيب ومسالم فديتهم صديقاتي هههه

طبعا المستحى قتال عندي انا بنيه خجوله وايد يستحي من نفرات واللي معاي بعد تستحي فما تعشينا بالعرس وع لحم بطنا من الكويت يابعد روحي من اذكر اسمها اشتقتلها عياره توج طايره منها خفي علينا يالنومانسيه اقصد الرومانسيه المهم لذلك استحلف علينا الجوع مانرجع الفندق الا ناكل ونتعشى
طلبت شي خفيف لانه الوقت متأخر ونحن لطفاء ماناكل مثل بعض الناس شي دسم ودهن ومادري ايش
فطلبت كبدة دجاج وكبدة غنم وفتوش وعصير ليمون نعناع وافوكادو وعلينا بستين عافيه اللحين الواحد يقدر يرد الفندق وينام واهو مرتاح نفسيا
تبديل سريع بدأ النوم يداهم العين وتشطيب سريع ع المكياج والزينه والى اخره ونوم قتالي بعد لفه سريعه ع حسابي في بعض البرامج ومن ثم تصبحون ع الف خير نهاية سعيده في ربوع اول ليله في البحرين شارع السيف ......

______________--------------_______________

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
ليمونه ليمونه هنا احم احم سؤال جواب	ليمونه حزينه	بوابة تايلند	43	12-07-2015 10:06 AM