السلام عليكم ورحمة الله وبركاته

صباح ومساء الخيرات

سفرتي ووجهتي اليوم ل بحرين دانة الخليج

طبعا السفره في البال من اسبوع

والسبب زواج صديقتي وقالتلي الف مره تعالي تعالي

انا طبعا في بالي مخاسير ومصاريف العطله الصيفيه فكيف العب بالحلال وانقص ع عمري فلوس الصيف

بس لاجل عين تكرم مدينه وقلت كلا وكلا كيف لصديقتي الزواج من دوني شلون ما اتحرش فيها واوصيها بسعيد الحظ زوجها

المهم انا ما علمت الحب ( اقصد صديقتي ) الا قبل اسبوع اني يايه البحرين وأمري ع الله خسارة قصدي وناسة سفره وفندق ومطاعم مندي اي باه الشوق الشوق ذابحني مو لأي احد غير للبخاري والمندي اللي بشارع المعارض اليمني ومحمد نور

المهم يوم الخميس الموافق 28/5/2015. تم تجهيز المقرودات الحقائب الرولي بو7 كيلو بس كويتيه تصير 10 كيلو

ويوم الجمعه ٢٩/٥/٢٠١٥. انا طبعا صايمه كالمعتاد لي ماشاءلله ١٥ يوم صايمه لو تدرون شنو كتبت قبل لا اكتب صايمه ؟؟. ( مسافره ) ماعلي دين ولا اني مطلوبه ولله الحمد لكن صيام الحلفان اللي نحلفه ومانفذه او مايكون صحيح او او المهم الصيام تطوع مني ادور الأجر شتبون مني تناشبوني .....

صحيت من النوم الساعه مادري جم صليت اسرع سريع واخذت مفتاحي المدلل ورحت حق ،،،،، حلويات هيل وزعفران( نقوه ) فرع الجابريه ،. شريت للحبايب ولأخ ومتابع منذ عصر منتدى العرب المسافرون وكل ما اييي ويشرف الكويت لازم معاه شي للفراخ او للبيت المهم نفس الشخص تصادفنا في تايلاند وبنفس الفندق ياقرادة حظي المهم وطلب يشوف الفراخ من شرف ونور الكويت وقلت ابشر وسلام عليكم انتهى الموضوع فالكريم يكرم ولازم ارد صوغته اللي كل ما اييي ايبلنا حتى من سافر تايلاند قبل فتره مانسانااا ياويل حالي يا مزنه هههه اخذت له وللصديقه

اول الخساير ااااا قصد بالعافيه عليهم مطرح مايمري يسري يابشوات ،،،، تتهنون والله مامن خساره في معرفتكم وصوغتي

المهم قلنا خل نروح من بعدها الى المطار الدولي نتعشى ونتفطر ونتسحر يوووو صح ماكو صيام ماكو صيام ،،،،

طبعا ماتدرن انتو انني وبكل قوة لم احجز لحد الأن هذا اللي يقولك جهز الدوى قبل الفلعه بالضبط ينطبق عني

المهم رحت وشفت بالمكاتب ع جم التذاكر واقرب رحلات للبحرين وع اي خطوط طبعا انا عبيطه وداخله ع حبيبي google وشايفه كل شي الساعه والطيران وشركاتهم والاسعار المهم رحنا وشفنا دبل بالاسعار طبعا طنشت ورحت اتعشى الجوع شنو كافر

طلبنا احلا معكرونه مشكله حلزوني ع باستا ع فوتوشيني وع مربعه ومدلدله ومادري ايش وربيان ودجاج وبروكلي وووو صلصه بيضاء يا عم وجبن وسبايسي واشططططططططح
ومن ثم نقول الحمدلله بعد الطعام يا اعيال ويا كبار

ع هالجلسه الحلوه [emoji85][emoji85]

فداك اللي مضى من دنيتي والجاي
فداك العمر .. بـ اللي أملكه ' كلّه '









من نافذة غرفتي التصوير



وجودي بهذا الفندق كان ممتع وجميل بما انه جديد له ٤ شهور ع افتتاحه فكان ميه ع ميه والافراخ الجمعيه وبعيد عن الضوضاء الازعاج والبشر

الحمدلله عالسلامه والبحرين جميلة بشعبها الطيب

تقرير جميلة وموفقين خير

ما شاء الله بدايه جميله وموفقه
وأجمل مافيها هو سبب السفر لتبري صديقتك ووصالها في الله لأجل تسعديها وتدخلي البهجة على قلبها
بالهنا والشفا الفطور والسحور ولا الغدا والعشا وتقبل الله منك صالح العمل ،
جميل المطار وجميل الفندق تتهني دايما
ومستمتع بالتقرير وسجليني متابع

متابعين معك .. مميزتنا

فعلا الفندق جديد وموقعه جميل مقابل للسيتي سنتر ..

الغريب فيه باركينق السيارات ( نصف المبنى مواقف )

بانتظار عبق البحرين الجميل بمتصفحك ..