العرب المسافرون سياحية


السلام عليكم

مو تدخلوون تقروون ومحد يرد !!!


انا يا اخوان ابي رايكم ومشكورتكم وش اسوووي لان بصراحه كرهت السفره

نويت اروح جاكرتا بعد شهر وبعد ماشيكت على اسعار التذاكر لقيت سعر حلو على طيران الامارات
لكن فيه انتظار تقريبا 20 ساعه بالذهاب وبالعوده ، سألتهم هل فيه اقامه بفندق في دبي قالو اقرا الشروط في الموقع.
اللي كان مكتوب وواضح في الشروط انه الانتظار اكثر من 8 ساعات واقل من 24 وانه الرحله كلها تكون على طيرات الامارات قبل وبعد
توكلت على الله وحجزت وثاني يوم قلت بتأكد كلمتهم وعطيتهم رقم الحجز والمفاجئة !!! يقول لا مالك اقامه ! لييه ؟ قال لان فيه رحلات اقل انتظار في نفس اليوم اللي انت حاجزه
يعني فيه رحلات انتظارها 3 و 4 ساعات اييي ياخوووي ادررري فيه لكن كم سعرها ؟؟؟؟ سعرها دبل بدون مبالغه .. المهم قال هذي الشروط
اجل على شرووطك هذي مافي مسافر ياخذ عندكم اقامه ، تعال ياما تخلص تذاكرنا الغاليه واحجز على الرخيصه اللي انتظارها واجد نعطيك اقامه ، شي مو معقووول تخلص تذاكر الخمس الاف قبل الالفين !!

المهم قلت ارفع لي شكوى


شرايكم ..

اهلا وسهلا وحياك ياغالي بيننا وان شاء الله تتيسر سفرتك ونشوف تقريرك هنا ونتباعه

بخصوص سؤالك اخوي فهو ماهو الا بين ثلاث حالات

ياهم غلطانين وتشتكيهم أو انت ماركزت فالشروط وانت غلطان او انك تحجز فندق وتريح راسك

والصحيح هو الشروط اللي وافقت انت عليها وقت الحجز وش هي ؟؟

الله ييسر امرك .. ينقل للبوابة السياحية

هولمز

ياهلااا بالغالي والله يحيك ..
اللي اعرفه اذا كان الانتظار اكثر من 24 ساعه يتكفل الطيران بسكنك ..
ويجب التاكد من الشروط ..
ربما وافقت عليها وطافت عليك .

عليكم السلام
لاتشتكي ولايحزنون وزي ما اشار عليك هولمز
انك تحجز فندق وتريح راسك
وشف لك خطوط غيرها لان الشكوى
اخر ما يهتمون به يعني بصريح العبارة
الشكوى بالعالم العربي مصيرها سلة المهملات delete

اخي الكريم
بغض النظر عن السعر ، فيحالة وجود good connection وعدد ساعات اقل في الترازيت فانه لا يحق لك الاقامة المدفوعة من قبل الطيران.
اذكر اني ذهب الى الولايات المتحدة وفي العودة اخترت ترانزيت ١٢ ساعة رغم وجود رحلات خلال ٥ ساعات الا انني فضلت الراحة ةاستفسرت عن ذلك فاخبروني بانه يوجد ترانزيت اقل وبنفس القيمة. فاستفسرت سعر الفندق فاعطوني قيمة مرتفعة فقلت انه افضل حالي اني احجز الفندق بنفسي.