السلام عليكم
مدري كان الموضوع سبق طرحه او لا
كان سبق طرحه فوسعوا صدوركم علي لانها غلطة الادارة ماعلموني

المهم لو كنت في لندن او غيرها وبتروح من مكانك الى مكان ثاني او بتشوف وش الامكان اللي حولك سياحية او مطاعم او ...الخ

اول شي اللي جواله كشاف يعذرنا

كل الاجهزة الذكية اعتقد فيها ( خراط قوقل )


ندخل عليها

ونحدد مكانا او المكان اللي نبي ونكتب في البحث فوق المكان اللي نبي اول حروف منه ويطلع لنا خيارات بعد كذا يطلع لنا تحت كيفية الوصول له ( شوفو صورة القطار في في الصورة التالية وهي تعني انها وسيلة مواصلات عامة سواء ياص او مترو او اي وسيلة عامة)


الصورة التالية اخترت اني كيف اوصل لعين لندن من الهايد بارك وح

لي الوسيلة ورقم الباص ( ممكن يحدد لك اكثر من خيار واكثر من باص واحيانا يصير فيه تبديل محطات او باصات وانت تختار اللي يناسبك لان يمكن يمر بمنطقة انت تبيها )



الصورة التالية من عين لندن الى بيق بن ويوضح لنا خيارات المشي 9 دقائق او الباص 148 9 دقائق


طبعا اذا حددت خيار المشي بيمشيك مع طريق المشاة بالضبط وماراح يلخبطك او يعرضك للخطر

ايضا فيه شي ثاني
الصورة التالية شوفو مكان البحث مكتوب اسم المكان وتحت اسمه مع التقييم


لما حذفت الاسم من خانة البحث تغير تحت الى (حول عجلة لندن )


اذا ضغطنا على حول عجلة لندن او المكان اللي حذفنا اسمه من مكان البحث راح يطلع لنا خيارات حول المكان



لو اخترنا مطاعم



طبعا تقدر تغير الوقت من اخر الليل الى صباحا وكذا عشان تعرف وش فيه

اتمنى اني ماكنت ثقيل عليكم وان الموضوع ممكن يستفيد منه احد سواء في بريطانيا او غيرها بس الدول اللي يشتغل فيها خرائط قوقل تمام بتكون تمام التمام حتى ممكن قبل تروح للمحل تعرف وضعه مثلا كنت بروح لاسدا اليوم وشيكت عليها وطلع لي الاحد مفتوح الى 4 العصر ومارحت والصورة التالية لانها ب 12 صباحا يطلع انه بيكون مفتوح من 7 صباحا



حتى مواعيد الباصات يعلمك اذا الوقت اللي بتروح متاحه او غير متاحه

*** ملاحظه : خرائط قوقل بتشتغل معك حتى لو باقة النت اللي معك منتهيه

كونوا بخير

رااااااااائع مميزنا الجميل أبو عبدالله ..

موضوع مهم جدا جدا .. والأجمل بأن شرحك واااااضح ..

أبهرني عمل البرنامج صراحةً .. والأهم تجربتك الإيجابية له ..

ننتظر إبداعاتك يالغالي .. حتى لو طرحت الفكرة ١٠٠ مرة ..

ما قصرت ابوعبدالله
حتي وان تكرر الشرح يفرق والمهم يصل للأعضاء
شكرا لك

ابو خالد
شكرا لمرورك وتعليقك

يسلممممموا على الطرح الرائع

هولمز

برنامج جميل جداا
والخرائط موجوده بس ما نعرفها الا بتطبيق
وشرحك افادنا وبيفيد كثير من المسافرين
شكراا لك

جزاك الله خير على شرحك الموفق

عن نفسي جربت خرائط جوجل وكانت مفيدة جداً جداً واستخداماته بالبداية قد تكون صعبة ولكنه مفيد بجميع النواحي التي ذكرتها بالشرح