السلام عليكم ورحمه الله
كل عام والجميع بخير والله يتقبل مننا صالح الاعمال

اخواني الكرام حبيت استفسر عن شغله اذا تكرمتوا

ماشاء الله امي عشقت لندن وان شاءالله اننا مسافرين باذن الله قريب والفندق سكنا فيه قبل كذا
الفندق ماله رسبشن وثلاث نجوم طبعا العام لما سكنا فيه ماحطولنا اسره لكل شخص
مع اننا دفعنا مبلغ موب شوي حاطين لنا صوفا ثنتين وسرير كبير وصرفوا نفسكم
لما حكيت معهم قالو تبين اكبر ادفعي اكثر والله بس غرفه نوم لازقه بالحمام وانتو بكرامه والصاله 2 صوفا وطاوله الطعام عند راسي والمطبخ لو بمد يدي مسكته

هالسنه ولسوء حظنا حجزنا فيه لان الفنادق الباقيات غاليات جدااااااااااا وعجزنا واحنا ندور لدرجه قالو لو خيمه راضيين بس نسافر
المهم حجزنا طلع علينا ب 24 الف وشوي
قلنا دامهم بيحطون صوفا زي العام مالنا الا نكسل واحد مانحجزله ونجيب له فراش وينام ع الارض نفس وضع العام لان الصوفا ابد مو مريحه
وحجزنا لعدد اقل وطلع علينا ب 14 الف وشوي وضبطنا الحجز وكل شي

الحين انا خايفه اخاف يقفطونا ؟ ولاقفطونا مصيبه
يانهم بيغرمونا والا بينادون الشرطه

احد قد صارت له هالحركه ؟؟ عادي تحجزون لعدد اقل ؟؟ بعمرنا ماسوينا هالحركه ومتخوفين مررره

الفندق حلاته انه قريب جدا من الهايد بارك
زي ماحكيت الفندق مافيه رسبيشن نظام شقق معاك مفتاح الباب الخارجي ومفتاح شقتك

احد سواها ؟؟ حجز مثلا لثلاث اشخاص وهم اربعه
وهل انقفطت ووش سوو بك ؟؟

هذا اللي كاتبينه بسياسية الفندق
*

جميع الأطفال هم على الرحب والسعة.
مجاناً! الإقامة مجانية لجميع الأشخاص، تحت عمر الـسنتين، عند استخدام الأسرّة الموجودة.

لا لايمكن إستيعاب سرير إضافي في الغرفة.




*

عليكم السلام ورحمه الله وبركاته

ياهلا ومرحبا اختي

ممكن تعطيني رابط الفندق لو تكرمتي

ووممكن اعرف هل عندكم مسافرين اعمارهم من 12 سنه و أقل

بالنسبه لكلامج ان مافي رسبشن ممكن وقت ماتسوون شيك ان يكونون فقط 3 اشخاص وبعدها الرابع يدخل اي وقت ثاني


وبغيت تواريخ سفرتكم
وطبعا بعطيج رايي النهائي بعد ماشوف الفند وبالتوفيق ان شاء الله


وشكرا

الله يجزاك بالخير مشكور وماتقصر ربي يوفقك

هذا هو تفضل .. Hyde Park Suites Apartments
الموعد 20-7 الى 8-8
لا ماعندنا كلنا اكبر

العفووو اختي

انا شفت الشقق وصحيح كلامج انتو ماخذين لشخصين والفنادق كلها غاليه
نفس ماقلت لج مافي الا حل انكم تدخلون الشيك ان شخصين وبعدها يدخل الثالث
وان شاء الله محد يكلمكم وممكن تقولون لهم جايينا زياره

بالنسبه لتجربه شخصيه كنا ماخذين شقه كبيره نسيت لعدد كم بس كانت وايد غاليه با الاسبوع سعرها 5000 باوند واحنا تقريبا 8 اشخاص
وعدد الشقه يستوعب اقل لكن كنا ندخلها كلنا وقدام الرسيبشن ولا حد يسأل وين رايح او جاي مدام عندنا المفتاح وعندنا رمز الدخول للبوابه
يعني ان شاء الله الامور عاديه بس اهم شي الشيك ان وقت الدخول يكونون شخصين

وبالتوفيق

الله يوفقك اخوي مشكور ماتقصر ريحتني الله يبارك فيك والف شكرر لكك