وصلنا ميامي قبل ساعات

ابوسلمان · 15-07-2015, 03:25 PM

بسم الله الرحمن الرحيم
وصلت انا والعائله الى ميامي البارحه الساعه 9 بتوقيت السعوديه 2ظهرا بتوقيت ميامي
الرحله كانت من الرياض الى لندن على البريطانيه تقريبا 6ساعات
وجلسنا ترانزيت4ساعات في مطار لندن
واقلعنا بعدها الى ميامي على طيران امريكا ايرلاينز واستغرقت الرحله 9 ساعات
نزلنا المطار وخلصنا من الجوازات بعد سرا ساعه
الا الولد الكبير عمره12سنه ماختمو جوازه
دخلونا غرفه كبيره وقالوا اجلسو وكانت مليانه وكان اغلبهم مكسيكان
انتظرنا ساعتين وما احد جانا وكنا تعبانيين من الرحله ودرجه سياحيه وضيق
المهم كلمناهم وقلنا لهم وش فيه؟ اذا فيه اي مشكله بلغونا او دخلونا او رجعونا بس وضعنا كذا بعد رحله 24 ساعه ولا نوم واطفال مايصير
قال ابدا مافيه شي شكلهم اصلا نسونا والدليل بعد ما كلمناهم نادونا واسالوا الولد ليش جاي امريكا وخلاص وطلعنا
بعد ما طلعنا وتنفسنا الصعدا طلعت لنا مشكلة العفش بما اننا تاخرنا عند الجوازات اكيد انهم اخذوه وودوه مكان عام للعفش المتخلف عنه اصحابه
المهم سالنا وينه -- ومن باب الى باب لين طلعنا من المطار ودخلنا مع باب اخر ولقيناه في بوابة24 الخاصه بعفش امريكا ايرلاينز
اخذنا العفش وركبنا القطار من الصاله الى مبنى تاجير السيارات
اخذنا السياره من شركة المو سياره هونداي suv شهر مع التامين الشامل 1680دولار احسه غالي
طلعنا من المطار الى الفندق حاجز جناح مطل على المحيط لكن والله ادبلوا كبدي لاعاد لي نفس لا في محيط ولا جناح
من ها الجوازات والعفش
لكن الحمد لله على كل حال
الفندق اللي انا ماخذه GRAND BEACH HOTEL SURFSIDE
مافيه كلام
دعواتكم لنا وكل عام وانتم بخير

q8ya metnaqla, الايمان و الشعباوي معجبون بهذا.

فيصل · 15-07-2015, 03:29 PM

حمدلله علي السلامه
هونها وتهون يا رجال
ان شاءالله بدايه بس وبعدين كل الفله والوناسه
الله يسعدكم وييسر امركم

missq8 · 15-07-2015, 05:17 PM

حمدالله على سلامتكم
الله يعينكم عليهم بس ان شاء الله تستانسون
و تنسى هالموقف باجر تتذكره و تضحقك

ابوسلمان · 15-07-2015, 05:44 PM

الله يسلمكم من كل شر يارب
ويعطيكم العافيه

الغردقاوي · 15-07-2015, 07:51 PM

حمدا لله على السلامه وهذا هو الأهم
أستمتعوا برحلتكم وأنسوا الجوازات وإجراءاتها الأمنيه
فغالبا الأمن لا يفرق معهم إلا إجراءاتهم الأمنيه وخلاص
رحله سعيده وعوده هانئه بإذن الله

مقدام · 16-07-2015, 12:47 AM

الحمدلله على السلامه
واتمنى لكم رحلة موفقة

واهم شيء تنسون ماحصل لكم وتستمعون برحلتكم

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

شارلوك هولمز · 16-07-2015, 02:07 PM

الحمدلله على السلامة ومبارك عليكم العيد هناك .. وعيش اللحظه

لاتنسانا من التقرير صور كل شيء هههههه

هولمز

ابوسلمان · 19-07-2015, 08:25 PM

الغردقاوي
مقدام
شارلوك هولمز

الف شكرا على التهنئه والدعوه لنا

بالنسبه لنا جلسنا في ميامي ثلاث ليال
وطلعنا منها يوم الجمعه قبل امس
ورحنا بالسياره الى اورلاندو
كنا حاجزين منتجع في كيسيمي اسمه

Regal Oaks a CLC World Resort - Kissimmee

سبق ان سكنت فيه في 2013
لكن فرق 180درجه من عام 2013 والان فقد كانت وقتها يعملون صيانه وتوسعه
وكان المسبح مقفل والبحيره مقفله والبوابات مفتوحه

اما الان فاللامانه يستحق السكن لعدة اسباب
1- السعر مقابل السكن معقول جدا
2-هناك فلل جديده ممكن ان تتوفق وتاخذها
3-المنتجع يبعد عن طريق 192 700متر والشارع يتوفر فيها كل احتياجات السائح
من مسجد اولا ومطاعم بجميع درجاتها
4-اكتمال المنتجع من جميع النواحي من نادي رياضي ومسابح ومواقف مجانيه ونت سريع الاسبوع ب15دولار فقط

5-الامان بعد الله فالبوابات لاتفتح للسيارات الا برقم سري يعطى للساكن اول ما يعمل شك ان

q8ya metnaqla و الشعباوي معجبون بهذا.

blue@sky · 19-07-2015, 11:29 PM

وعليكم السلام ورحمة وبركاته
الحمد لله على سلامة الوصول
وان شاءالله تستمعون برحليتكم
ونشوف تقرير طيب لكم
وبالنسبة للسيارة اتوقع سعرها
معقول لان شهر بدون تامين
بيكون سعرها 1300 الى 1400 دولار
مفتوح الكيلو مترات..
ياليت تفيدنا عن
الخطوط البريطانية كيف خدماتهم
وانتم سافرتم سياحي او بزنزس
وكل عام وانتم بخير
وشكراً لك

ابوسلمان · 20-07-2015, 03:57 AM

اقتباس : المشاركة الأصلية كتبت بواسطة blue@sky

وعليكم السلام ورحمة وبركاته
الحمد لله على سلامة الوصول
وان شاءالله تستمعون برحليتكم
ونشوف تقرير طيب لكم
وبالنسبة للسيارة اتوقع سعرها
معقول لان شهر بدون تامين
بيكون سعرها 1300 الى 1400 دولار
مفتوح الكيلو مترات..
ياليت تفيدنا عن
الخطوط البريطانية كيف خدماتهم
وانتم سافرتم سياحي او بزنزس
وكل عام وانتم بخير
وشكراً لك

بالنسبه لنا سافرنا على الدرجه السياحيه طبعا من الرياض الى لندن على البريطانيه
اما من لندن الى ميامي على امريكا ايرلاينز
اما بالنسبه لخدماتهم البريطانيه فمعقوله مثلها مثل اي خطوط اخرى
والشاشات فيها افلام عربيه وافلام مترجمه للعربي ومواعيدها مظبوطه
اما بالنسبه للبزنس فسبق ان سافرت عليها مرتين لامريكا
وكانت مقاعدها روعه وتبسط 180درجه كسرير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ساعات .. في برج بيزا المائل	مسافر	بوابة ايطاليا	22	01-05-2018 12:00 PM
ميامي....ياغرامي!!!!!	hajaya	بوابة امريكا	59	05-09-2015 12:02 AM
فاكهة تقضي على السرطان في ساعات فقط	مهجة الكون	عام	13	15-05-2015 12:30 AM
ميامي	Mafio98	بوابة امريكا	3	04-05-2015 07:39 AM